.

يالله بذكرٍ يجمل وحظٍ مايبور :)

[شقحه @louraa88]

قامت تحورفني مقادير الازمان
في عَثرة قريّب وفي فقد غالي

ماهي مثل ماهي ولا هو كما كان
بالٍ من الايام .. ماهوب خالي

يالله بجاهك .. من تزوّاغ الاذهان
ومن كثرة همومي ومن قلّ حالي

ومن ضيعة الدبره ومن ضعف الايمان
ومن الليـال .. اللي مثل ذا الليالي

[هَـ @_i8ul1]

ليت القدر يوم أخذك وصد بك عنّي
أخذ معك ذكرياتك ليه يتركها لي ؟

[هَـ @_i8ul1]

قالها عبدالرحمن آل نجم /
" وين أنت ياللي غيابك زاد عن حدّه؟ "

يشفع لك إن غيبتك غصبٍ بلا طوعي
والقلب يلمس لك الأعذار من جده

شوفتك/تقطع ضماي وغيبتك جوعي
عجّل علي بالمواصل ضاقت العدّه

[هَـ @_i8ul1]

من بديت أستصّغر شعور العتاب
حبل وصلك ما حرصت أجوّده

أذكر إني كنت أخاف من الغياب
و المُخيف .. إني بديت أتعوّده

[‎ ⚚ @__m6iiir]

مات الغلا مالك علينا مشاريه
حبك رماد وشبته مستحيله .

[شقحه @louraa88]

اللهمّ ارحم أبي رحمةً لا يشقى بعدها
واجعله في نعيم مقيم وجنّةٍ خالدًا مخلدًا فيها .

[𝓐𝟔 @ii26ic]

اثر الكلام اللي يوقع في القلوب
اقسى من المشوار وقت القايله ):

[. @_smh0]

@i49jj صباح النور ،

[عجيّز @lxlo_2]

بعد الفراق اللي مثل واهج النار
ماعاد لي في باقي الحب عازه

فقدت من يدرى عن القلب ويغار
وحبه ورا حدب الضلوع ارتكازه

الحب من فرقاه خليته يسار
وسلمت تسليمة صلاة الجنازه .

[. @_smh0]

@S_3936 صباح النور

[بـنـيـه @a_llii8]

'

يا خاطري ماني معوّدك بالضيق
و عليك لون الضيق ما هو لايق

خابرك حر . . ما تعرف المسابيق
و شفيك من حر الهواجيس ضايق ؟

💤

[شقحه @louraa88]

يبه.. مكانك بأوسط الصف: معراج
واليوم (خالي في صلاة التراويح)
علوّ روحك.. بالسماء ذات الأبراج
ليا رقت.. تفتق بها فتق تسبيح
وآمينك.. اللي قنوتنا يلبسه تاج
عقبه يا كم آمين ما تصعد.. تطيح!
عليك عيني -يا يبه- مثل هدّاج
سقى ثراك.. الغاديات المراويح

[قاف @Qaf_96]

آه من حر المفارق ومن شوق الوصال
علقتني فـ سلالم هواها ورحلت

صرت اقضي طيلة اليوم رجوى واحتمال
واتعزز في ضميري عساها ما سلت

عقبها الأوضاع تؤسف ولا حالي ب حال
ولا بقى الا ذكرياتٍ خوالي ... قد خلت

وان لقيت الوضع طول ولا فيها مجال
بشروني لـ خطبها سنافي وقبلت 💔

- محمد حمّاد

[ًً @9o6xri]

تمنيت شي وقدر الله شي ، وصار
ولا لي سوى وجه الرضى لوتصنعته

أنا كنت أحسب إن راحة العبد فيما أختار
أثـر خيـرة المـولـى لـ عبده مسنّـعتـه

نطحت الزمان بقوة العزم والاصرار
ولا اقول طوعني، ولا اقول طوعته

تبون الصراحه والله اني بغيت انهار
ظروف الحياه اقسى من اللي توقعته

[◌ @RASHA_Ui]

ما تخيب الدعوه اللي لها ربٍ قدير
يا تجيكم بأعظم الخير .. يا تدفع اذى

[#مستضيق 🎭 @mstheek_]

عليك شهر الله جعله تساهيل
وجعل السعاده مستقره بـ دارك

حتى لو أن الحب مابه مراسيل
مايمنع أني في قصيدي أبارك

مازلت الأول في جميع التفاصيل !!
وقبلك على الغالين ماني مبارك (؛

حطيت لك بضلوع صدري مداهيل
ومافيهم اللي يبي ينافس وقارك

شاعر شعوره لو يسافر مع الليل
مايهبط الا في مدرج ( مطارك )

زرعت حبي والآمل بالمحاصيل
واللي يحبك ماجنى غير ،، نارك !!

أنشهد أني ذايق الشوق والويل
من يوم عيني شافتك في قطارك

أقفيت عني وماحصلي مداخيل
وانا اعتبرني قبل اقفي ببارك .

[𝐍𝐎𝐑𝐀𝐇 @qu_9e]

تسألني عن غرامك وش بَعد
كم قصيدة فيك تحيا ماتموت

ايه احبّك بس ابي منك وعد
ماتخليني بدُونك لين اموت