ّ

اجاري ظروف ماتهيت على ودي

[ّ @_swd1]

سافر وانا داري ان السفره السفره
اللي خذت من حياتي مجمل اهدافي

اودعه والمشاعر صابها طفره
مثل ابتسامة مريضٍ قدم متعافي

لو ان ذنبه بقلبي يقدر يغفره
ماراح والذكريات فراشها دافي

والحب لو يغلب ايمانه على كفره
ماسقت ركب السنين وعمري خلافي

- ناصر الحمادين

[ّ @_swd1]

الاكتفاء بالمحبوب من أسمى المراحل ولا يبلغها إلا القليل

سعد بن جدلان قال؛
"صاحبٍ في هرجته سبع الأداوي
وأفطمتني من بنات آدم وحواء"

ومطلق بن شويه قال؛
"أفطمتني عن سواها وخلتني قنوع
ما بعد حبيت لي نفسٍ من حبيتها"

صالح النشيرا قال؛
"والله اني من بنات آدم وحوى شبه سامح
كل ممشوقة قوام اشوفها ماهيب زينه"

وقيل بعد؛
"حبيت ريم وتبت عن شفة أريام
وأصبحت من حب البنات.. أتروّع"

[ّ @_swd1]

صباح الخير،
"بيني وبين الهوى مشوار
أزريت فـ دروبه أحصرك

عمرت لك فـ الضلوع ديار
من شامك، لقدسك، لمصرك

وإن قلت للعيد وش تختار؟
أقول فـ اللي تبي بصرك

تدور في راسك الأفكار
وتدور عيني على خصرك

فستانك الأحمر الجبّار
يزهاك.. يا فاتنة عصرك"

[ّ @_swd1]

هو إنسان واحد فقط سوف يمنحك الشعور الذي يمنحك إيّاه الفجر من هدوء وسكينة وأُلفة وراحة بال، لكنّه سوف يختفي عن حياتك بسرعة وجيزة تحت ظروف غامضة

[ّ @_swd1]

تطلع الابيات من جوف صدر فيه ضيق
كنها مع طلعة الروح .. طالعة درج

نظرتي ماهيب سطحيّه وفكري عميق
والردي ما شلت همّه سكت ولا هرج

ما رسم مزاجي الصلف خارطة الطريق
ودّي بعامين ضيقه ولا لحظة حرج

ما علي ّ من الصدر ينشرح ولا يضيق
عندي الايمان بـ الله .. وعند الله فرج

[ّ @_swd1]

@k_tflan غفلنا وانشغلنا بالزمن ياربنا رحماك
رجعنا خاشعين ولا معانا الا هقاوينا

وقفنا عند بابك مالنا مطلوب غير رضاك
معاصينا كبار وعفوك اكبر من معاصينا

[ّ @_swd1]

خامس سنه و انا مضيع بوحي
بين الورق و الحبر و القافية

امواصلش ما كان من مصلوحي
جات المشاعر كلها عكسية

جيت اكتبش قصة تلامس روحي
و لا وعيت الا اكتبش مرثية

انتي عباره عن جميع جروحي
و انتي اساس الصحة النفسية

- سعيد الدحابيب

[ّ @_swd1]

حس الفكاهه والشغف والتوناس
جميعهم ماعنهم الطير خبر

احيان يكسرني من النود نسناس
واحيان لاهمّلت كسري تجبر

في المجتمع فيني من عناد جسّاس
وفي عزلتي مثل الفجيع المصبر

ماحدٍ لمح في عيني الضعف والياس
على كثر ما اقبل زماني ودبر

ان زانت اوضاعي تواضعت للناس
وان شانت اوضاعي بديت اتكبر

[ّ @_swd1]

للوساع السود جيت أعلن ولائي
الحكم حكم المظاليل الوسيعة

يالجمال المستحيل اللا نهائي
الغزل في حضرتك تجديد بيعة

سلهمة رمشك تحطّم كبريائي
لك تداعى قلب ٍ أسواره منيعه

ثغرك الضاحك بلادي وانتمائي
ضحكتك عن كل غلطاتك شفيعة

- سعود بن مهدي

[ّ @_swd1]

في كل حزة مغيب اقول يمديني
استقبل الشمس بكره من مطالعها

الله من الصبر ومن الوازع الديني
ومن احترام المشاعر عن تصنّعها

ماقلت فيني من الايام ما فيني
انا قبيل الظروف الين اسنعها

حتى مع اللي غلاها ما يخليني
اعذرب خصالها وأشنى طبايعها

اليا حداني عليها ما يعنّيني
صديت عنها مصدٍ مايرجعها

صحيح ماهوب معقول اذخر سنيني
لكن بعد ماهو بمعقول اضيعها

- مزيد الوسمي

[ّ @_swd1]

على الصدور الوسيعه والمحبه سلام
من تالي الكل ضايق والمفارق كثر

ياليلة السبت ، مرينا مرور الكرام
ماعاد لـ الضحك فوجيه الاوادم اثر

[ّ @_swd1]

@turkioll والبقاء، الشرف لي

[ّ @_swd1]

في حال لم تقرأ قصيدة رائعة الآونة الأخيرة، أقرأ ماذا يقول تركي العطاوي هنا
@turkioll

[ّ @_swd1]

@I3jmi0 الحب من ذاق خمره من رعابيبه
والله ان يكد النواصي شيب ماتابي
- سعد بن جدلان

[ّ @_swd1]

كل ماضاقت علي شبه الجزيره
ودي اخذ صوت ابو نوره واجرّه

يوم غنى شرهة العاشق كبيره
خذت لي بين السماء والارض فرّه

ياهوى بالي ترا الدنيا صغيره
والمحبه والعمر والموت مرّه

حتى لو ان المفارق فيه خيره
انا راضيٍ بالوصل خيره وشرّه

[ّ @_swd1]

@3jm7_ الو لبّيه يا أغلى من ذبحني قبل عام الفين
و مت و لا حييت إلّا على ذكره و طاريه

[ّ @_swd1]

بدا الشاعر اللي نبرة الحزن في مبداه
وسلّم يديه لوجه ربّه وناصيته

على راس رجمٍ خالي البال ما يرقاه
والأنسام تلعب في شماغه وطاقيته

وقف وقفة اللي باقيٍ يوم من دنياه
ولمح غالي احلام الحياه متعديته

رقا بإنكساره .. وإلتفاته .. ودمعه .. وآه
وحوّل بضيقه .. وإستماته .. وتنهيتـه

نصيبه متاهاتٍ من البؤس والمأساه
هذيك متنطحته وذيك متقفيته

يوم أن الغلا جزّه بسيفه مع المثناه
تقفّاه وقته من خلافه بجنبيته

وليفي عساني لو عدمته ماعدمت أرضاه
ولا أعدم نباه وميلة القلب ناحيته

سقا الله ليالي عوّدتني على لاماه
طريقي عليه ووقفتي عند ساريته

ليا أمسيت في قطع الخلا ماني بوياه
ولا العين شايفته ولا الإذن موحيته

الا يا وجودي من فراقه ويا عزّاه
وجود الوحيد اللي شريدة عرب بيته

هو الله عطاه الصبر عنّي ؟ وانا والله
ماخلّي جدارٍ ما تلوّى بزاويته

عسى الله يبرّي ذمتي من خطا فرقاه
كثر ما انتظرته في الدروب وتحريته

تدور السنين وكل ما قدمه يلقاه
الايام عجله وأرذل العمر تاليته

تعرف المصايب من تحنّه ومن تدراه
مثل ماتعرف اللي تروح متوطيته

الإنسان ودّه ينحرم من رغد دنياه
ولا ينحرم من نور عينه وعافيته

- مطلق بن شوية

[ّ @_swd1]

صديق السهر قرّب لي الدله ام قناد
و سولف عليّ الا بـ ذكره و موضوعه

يا وجدي على السجّات و الخاطر المنقاد
و نسيان شيٍ داخل الصدر و ضلوعه

تفاصيله .. اللي كل ليله علي تنعاد
و تراحيبي اللي قبلها ما هدى روعه

نصاني و مدّ ايديه في غفلة الحسّاد
و عجز لا يقول ولا قدر يردع دموعه

سعيت و بذلت الجهد لـ اجله ولا الله راد
و غدت منّه حبال العلاقات .. مقطوعه

اعود المكان اللي يحبّه و هو ما عاد
غزالٍ خطى رجله عن الروض ممنوعه

عناد الزمان اللي يبي له صبر و عناد
سيوف الملامه عن هاك الوجه مرفوعه

صديق السهر دوّر لنا بـ البلاد بلاد
يسجّ الفتى فيها من الوجد و اللّوعه

ابي لي بلادٍ فيه ما ينطقون الضاد
و اهلها مافيهم مثل شكله ولا نوعه

صديقك جروحه مرمسه و البيوت جداد
بيوت القصيد اللي من القلب منزوعه

بيوت القصيد .. اللي بلينا به الاجواد
اقوله بـ شخص و يلحق الحزن مجموعه

اقوله ولا اخشى فيه من هرجة النّقاد
عزاي انّه بـ يقرا و بـ ياصل سموعه

صديق السهر لعاد تسكت و انا بـ جهاد
و سولف .. ترى كل المواضيع موضوعه

- بندر الدويش
@bdweesh

[ّ @_swd1]

مريت في البال يا ملح الزمان القديم
ليه أنت بالذات لا من ضاق صدري تمر
- عبدالله البديري

[ّ @_swd1]

لـ منادم الليل لو شرّعت حدب الضلوع
وأونس بي الحزن ما علمت بـ حكايته

بيني وبين الكلام اللي وراء الصدر روع
أدفع ثقيل أحرفه ، وأرتاب من غايته

في العين من ليلة البارح حنين ودموع
وأسماء توارى، وشي يبلغ نهايته

أطول مسافه على الإنسان وأقسى رجوع
الرجعه لنفسه الأولى ، ولـ بدايته