طـويق

مجرد ذائقة .. أوضح مما تظن ، وأعمَق ممّا ترىٰ

[طـويق @_tawiq1]

ياجعلني في عيون الناس .. قصة كفاح
لو كنت في عين نفسي .. حادثه مؤسفه !

[طـويق @_tawiq1]

مرحبا يا صفوة الجيل صافية الجبين
ابرك الساعات و اغلا الليالي كلها

صرّحي فالحب مره و أصرّح مرتين
ايه أحبك و السوالف معك ما املها

يعلم مكمّل مزاياك رب العالمين
قبل لا أعرف كثرها مكتفي في قلها

الصراحة يهلك الشك ويعيش اليقين
كان حبك مشكلة ؟ مابي أعرف حلها

[طـويق @_tawiq1]

صوتك يرد الروح ويغيّر الجو
سحابةٍ رحّب مطرها وحوّل

- محمد جارالله

[طـويق @_tawiq1]

ياوجودي وجد مجروح الفوادي
من هنوف ٍثوبها . . يجرح نهدها
_ عبدالله بن زويبن .

[طـويق @_tawiq1]

تجسيد المستحيل عند الشاعر فرحان بن قيران :

" تمادي غلا يالغالية وإن غدرتك يوم
ترا الضيف نام بلا عشاء عند اهل حايل "

[طـويق @_tawiq1]

يا خمري الغيّ مجنون الهوى لا سكرك
اللذه اللي تفقّد يـشتهي لُبّها
.
كيف اختلي بك عن العالم واقبّل ثغرك؟
واشرب من الشفتين التوت واحبها
.
واميل بشويش لين أشم ريحة نحرك
واشواقي الدافية في حضنك أصبّها

[طـويق @_tawiq1]

الزين والله ريق مدعوجة العين
اللي تقول انه عسل سدر صافي

لاذقتها ماعاد ادري انا وين
اقعد على تآثيرها اسبوع طافي

رعبوبةٍ سبحان رب الثقلين
اللي خلقها بهالجمال الخورافي

لا مرت الصاحين صاروا مجانين
وان مرت المجنون قام متعافي

[طـويق @_tawiq1]

و أحبك .. إستنزفوها واجد العاشقين
محتاج كلمة جديده ما يقولونها ..

[طـويق @_tawiq1]

حوريّة الدنيا و مياسة الطول
كن الحسن مخلوق مني وفيني

حتى المرايا كل مامريت عليها تقول
هذه هي أجمل بنت مرت علي ..

[طـويق @_tawiq1]

يا حيّ زولٍ لا لفى كنه السِّحر
تمشي وتخضع له خطاوي المهابه

فيك الترف والزين واللّي على الصدر
ماهو بوصـف إلا شهادة غرابه

خصرك مثل سيفٍ نِحا الماس وانجَر
وردّ النظر لا صار نظرة إعجابه

وفيك النعومه لا تمادت على الفِكر
تخلي العقول تميل لك من غلابه ..

[طـويق @_tawiq1]

شاركونا أبيات شعرية عن الصبر.

- يقول عبدالله بن زويبن
ما دام لي حيله صبرت و تحمّلت
وان قلت الحيلات حيل اللّه اقوى.

- ويقول عبدالله بن سبيل
اصبر مادام انا أقدر الصبر وقواه
ولا ينقوي صبر تعّـدى حـدوده .

[طـويق @_tawiq1]

« طراة العمر : خلٍ مع خليله
ووصلٍ سمح — والباقي عوافي »
— بندر الدويش

[طـويق @_tawiq1]

بس الجمر والثلج ماكانو اخوان
سبحان من جمعهم بثغرك سوا !

[طـويق @_tawiq1]

يوم لاحت لاح لي بدر التمام
جّل من صّـور حلاها وكمـّله ❤️

[طـويق @_tawiq1]

احتويني لا لمحت الحزن بعيوني
انا واحدٍ صعب اقول وش فيني

[طـويق @_tawiq1]

ماعاد لي في مطارد الصيد حاجة
إلا غزالٍ صادني قبل .. أصيده .

[طـويق @_tawiq1]

صباح الخير . . اما بعد ؛

لا حكى كنّه يصايد . . كل مافي قلبي
اطرقٍ دمّه خفيف وملح وجهه واجد :)

- لبى وجهّه ❤️.

[طـويق @_tawiq1]

نور وجهك على من شاف منك القبول
نور صبح تبسم في رهاد الجبل

كني اقراء على طرت جبينك تقول
انا قلبي يحبك ياحبيبي تعال

والذي ليله الاسراء عرج بالرسول
ان حُبك لحال وحب غيرك لحال .

[طـويق @_tawiq1]

حبيبي الدنيا ما هي سهود ومهود
و النـاس بعدك " كلها " ما ابيـها

تعال سولف لي عن عيونك السود
عيونك اللي .. يا ماشاء الله عليها

[طـويق @_tawiq1]

صباح الخير -
بالنسبة لإشراقة الشمس وتأثيرها على المهموم
يشعر بأنها "نجاة" من الليل

وأبلغ ما جاء في ذلك :

"من قسوة اللي حصل في ليلة البارح
أدور الشمس .. مثل مدوّر الفزعه"

[طـويق @_tawiq1]

ألا يا عين العديم الأشقر الجارح
هو أشقرٍ عاتقه و أنتي بعد شقرا

طرحتك عيّت لا تستر رمشك الطارح
وش عاد في وجنتك وشفاهك الحمرا

نحرك شمسٍ عليها يسرح السارح
و الخد ، يفضح ظلام الليله الغدرا

ما كنك الا السحاب اللي من البارح
يصبح على ساجر ويمسي على شقرا