27

لاتقُل شيء فقط تفَرج ..

[27 @_uein]

26/6/2026

[27 @_uein]

يا قو قلبي يوم صديت قواه
عن الذي أموت ولا تركته

الخاطر اليا طاب أعوذ بالله
لو كان باقي لي كلامٍ شرحته

لعلها خيره بما أختارها الله
على كثر ما كنت أحبه كرهته

[27 @_uein]

١/١/١٤٤٨

[27 @_uein]

6/6/2026

[27 @_uein]

والله ثم والله ما قد تخليت
الا وأنا عايف وصالك وعفتك

أنا أشهد اني بالمفارق تهنيت
من يوم ما صديت ما قد ذكرتك

ولا أنت ما تنسى لو انك تناسيت
تذكرني بضحكك وحزنك وصمتك

ما عاد لك عندي طواري ولا صيت
متخطي فراقك بعد ما كرهتك

وتبي دليل اني في بعدك سليت
جلست أناظر صورتك ما عرفتك

[27 @_uein]

كنت أحسبك سيفي لاضقت أناديك
أثر البلا سيفي هو اللي طعني

غرّك كلامي العذب رغم صغر سني
غدرت بقلبٍ كان بالحيل مغليك

خاب الرجا منك وخيبت ظني
ياحبيبي قلبي ترا اليوم ناسيك

مادام رحت وخاطرك طاب مني
ما عاد له داعي تجيني ولا أجيك

[27 @_uein]

أنا أدري ماعلى قلبي من صدوف الفراق خلاف
لو أن نوبات حزن الذكريات تضيّق ضلوعي

ومثلك ماتردّيه الليالي ومنه ماينخاف
لو أنك كاشف أسراري وعارف وش هي طبوعي

لكِن ليه الحياة الجايره ماتعرف الانصاف؟
ياكيف أحلى الليالي معك تسقى بمالح دموعي

[27 @_uein]

كنت انا وياه —دايم في تواصل
من صباح الخير لـ نوم العوافي

— على العموم ما دايم الا وجه الله

[27 @_uein]

قرب العيد بسّ العيد وينه وويني ؟
ما بقى بالعيون اللي تحراك دمعه

كيف أصدق غيابك عن بقايا سنيني
والأمل بارقٍ له في سماء الفقد لمعه

كان عوج النصايب تمنعك لا تجيني ؟
في منامي تعال بسبت ولا بجمعه

مرني والتفت لي يا بعد من يجيني
ما بقى وِنْس عيد ولا بقى حزن دمعه .

[27 @_uein]

لو يسبقوني بالمعايد و السلام
ما يسبقوني بالضمير و بالحضور

يعايدونك بـ الرسايل و الكلام
و أعايدك من قلب و إحساس و شعور

أنت البدايه و النهايه و الختام
خذني من أول نظره ليوم النشور

عيدك مبارك كل عيد و كل عام
و عيدي بدونك من دبورٍ في دبور

[27 @_uein]

من العايّدين وجعل أعيادك تعود
وجعل الظروف القاسيات أتلاين

اهم شي انك على الارض موجود
وباقي الامور اللي وراها ؟ هواين .

[27 @_uein]

أنا ما كرهتك.. والغلا باقيٍ يبكيك
ولكن قساتك خلّت النفس مذعوره

عشت الحياة وجيت لدنياك ترضيك
ونسيت اللي يشوفك لدنياه معموره

هنيئاً لك ببعدك.. وباللي تهنّى فيك
وهنيئاً لقلبي صمته.. وعزة حضوره

فمان الله يا ذنبٍ عجزت إني أخليك
وفمان الله يا غيبةٍ بالصبر مستوره.

[27 @_uein]

مرات اقول شكلي تخطيت
ومرات ارجع لحالتي واردى

ياقلب قلي متى ودك تستريح
مير ماردها ذكـرى وراحت .

[27 @_uein]

طاري الشوق لا طال الفراق يتجدد
يا عشيرٍ ما جاد الحظ بك يوم جابك

كم لي احن لـ الماضي معك و اتصدد
لا تذكرت خيبة هقوتي – في رحابك

ما اقدر اعاتبك بعد الجفى و اتودد
وانت مع سكة المقفين تشعب ركابك

لهفتي يوم اجي مع شارعك و اتردد
كنها موتت احلامي على سور بابك

[27 @_uein]

لو ضرني فـ الهوى , لا يمكن اضره
انا القسى منه اشوفه موقف انساني

احب خيره , ولاني , متقي شره
وش خانة الحب لو ما اضيق واعاني

ما عاد له في دروب مواصلي جره
يالله عسى خير وش خلاه ينساني

اثر الليالي بليا , شوفته مره
ما ذقت طعم المراره لين خلاني

[27 @_uein]

فاقدك و الكون بـ غيابك كئيب
لا أحد قبلك ولا بعدك أحد

عفت خلق الله من بعيد وقريب
و إعتزلت الناس بعدك للأبد

كل واحد صار بـ عيوني غريب
ما فقدتك . . كنّ فاقد لي بلد

كل همي في حياتي لا تغيـب
الحياه بدون ضحكاتك نكد

ماني أول شخص فاقد له حبيب
بس بـ غيابك أنا أكثر من فقد

[27 @_uein]

سلِّم على اللي فاقده و لا فقدني
و قلّه كثر ما قلت لعيونه اشتقت

محلّله عن كل .. وعدٍ وعدني
و مسامحة عن كل ليلة تضايقت

طال الغياب و ما رجع من وعدني
ياما عليه ارخصت دمع و تضايقت

انا فقدته و للأسف .. ما فقدني
و مع كل هذا لشوفة عيونه اشتقت

[27 @_uein]

سلام عليكم ، اما بعد
ساهر البارحه مع جدايل الونين
لين قال المذن الفجر حي على الفلاح
يالطيف الروح ما ترحم القلب الحزين
ارحم المبلي بحبك وقلبه مستراح

[27 @_uein]

لك منزل بين الرجى والتمني
ولك دعوةٍ ما فارقت قلب ولسان

أدعي عساك تكون فيني ومني
عل وعسى ما يملكك غيري إنسان

لا ياخذك وجه الجفا غصب عني
ولا يردك عن دفى صدري أزمان

أنت الأماني والمُنى والتمني
وأنت الكمال وما يخالطك أي نقصان

[27 @_uein]

تمنيت شي وقدر الله شي ، وصار
ولا لي سوى وجه الرضى لوتصنعته

أنا كنت أحسب إن راحة العبد فيما أختار
أثـر خيـرة المـولـى لـ عبده مسنّـعتـه

نطحت الزمان بقوة العزم والاصرار
ولا اقول طوعني، ولا اقول طوعته

تبون الصراحه والله اني بغيت انهار
ظروف الحياه اقسى من اللي توقعته ..