طَرْقي

أنقال عني البارد و أنا نارٍ بجوفي.

[طَرْقي @_ui2p]

الصمت لو تدري وش ورى الصمت
اكفاك عن بعض القصايد سكاتي

يا جاهل صمتي هقيت وتوهمت
قريت وجهي قبل تقرا صفاتي

ياما تهاونت الجرح وتبسمت
واتحفت جلاسي بطرفة حكاتي

ما قد شكيت الجرح ولا تظلمت
عشقت معنى الصمت عشقي لذاتي

[طَرْقي @_ui2p]

كانت العرب تقول
قديما :
كل شي يجي بالسيف
الا المحبة بالكيف

وقالوا ايضا :
من لايجيك من طيب خاطر
لاتكثر عليه المراسيل

وفي بيت شعري ايضا قال :
من ارخى حبال الوصل
لاينتظر مني اشده

[طَرْقي @_ui2p]

ما الله خلقني للمخاليق تباع
ولا اشرب الشربه وغيري سكبها

اما خذيت مطلب الروح بذراع
ولا تعف ارواحنا عن طلبها

[طَرْقي @_ui2p]

همي بصدري ولاحدن عنه من الناس داري
ممتلي صدري حزن لو اتظاهر ببتسامه

السهر والفته عيوني ولا للنوم طاري
واهني الي ليا امسى اليل يهنى في منامه

والله ان الحزن لو اخفيه له فيه مواري
كل ليل وهو في وسط الصدر ما يخلف دوامه

-عبدالله بن براك

[طَرْقي @_ui2p]

ياما عطينا الحق والحق غالي
وياما خذينا الحق والحق غصاب

وياما صبرنا تحت شد الرحالي
وياما تصعبنا وزدنا بالأصعاب

-معجب بن فرج العطاوي

[طَرْقي @_ui2p]

يامجمول ماحنا من الوقت مرتاحين
ظروف الليالي كل يومٍ لها طاري

ليا جيت يمك عطني من القصيد الزين
وسولف علي ولاتنشد عن اخباري

سوالفك خمر منقطع من نبيذ التين
ونظرة عيونك طلقتن من يد مثاري

انا اجحد غرامك وانكره والعرب دارين
ياكثر جهلي يوم احسبٍ محدٍ داري

-خالد ماطر الحربي

[طَرْقي @_ui2p]

الوقت ما جالي على الكيف يا حمود
من خلقتي وانا اشعر الوقت ضدي

نسعى بدنيانا نبي ندرك الفود
والوقت كنه بالقسى مستعدي

احيان نعطي والعطا ورثة جدود
واحيان غصب عن هدفنا نصدي

نصبر وعند الله فرج كل معقود
وكلشي من عقب الصعايب يهدي

-معاون راكح الرويلي

[طَرْقي @_ui2p]

النوم سباي المراجل والارزاق
يا قل نوم مدورين المكاسيب

ان كان ما جاك الولد نومه شفاق
تحرم عليه مشوهقات المراقيب

[طَرْقي @_ui2p]

اشكروني مانكروني طويلين الذراع
وانكروني ماشكروني خبيثين الطبوع

مير توبه ثم توبه وقلعه وانقطاع
عن قريبين المضره بعيدين النفوع

انا ربعي كل قرم عريب اصل وشجاع
ماني في حاجة منافق ولا خبل طموع

طال راسي مع اهل العز والدنيا متاع
يتعب الطماع فيها ويرتاح القنوع

-فيصل الرياحي

[طَرْقي @_ui2p]

واللي علينا بالمراسيل مزهاف
كنا سناده من حداد السيوفي

حنا لنا في حزة الضيق ميقاف
يوم الضعاف جلوس وحنا وقوفي

[طَرْقي @_ui2p]

في عزلتي وابعد عن ناس واغيب
نفسي على العزله كذا مطمئنه

ترتاح روحي ماهو ذنب ولاعيب
العيب اجامل عالم مستجنه

صاحبي ما دام ماتعرف الغيب
خل العقول الراقية مستكنه

[طَرْقي @_ui2p]

مع شروق الشمس ياشمس الغروب
خبريني عن طويلين الغياب

وعن خضارن يانعن بعد الشحوب
ورحلةً فيها ذهاب بلا اياب

واخبريني عن نظيفين القلوب
وش بقى باجسامهم تحت التراب

ياعسى هاك الجماجم ما تذوب
ياعساها بروضتن عن العذاب

[طَرْقي @_ui2p]

ما دام راسك حي سقها وقدها
وان سقتها سقها وقدها على الزين

النفس متعها ودور سعدها
بحدود مايسمح به العقل والدين

-لافي الغيداني

[طَرْقي @_ui2p]

لايرهبك ميلت الزمن الحالي
وكل امرك للوحيد الي يدبره

ولثقلت همومك اطلبَ الوالي
الي بامره يظهر القمر ويتم بدره

ومن خاف ربه حتى بالخلا الخالي
يبشر ويشوف في حياته المسره

يالله طالبك يا العظيم الجلالي
تغفر ذنوبي مثل حذف الصوره

-طرقي.

[طَرْقي @_ui2p]

غرتك ايامك وانا فيك توهمت
وانكرتي الماضي حلوه ومره

بعد ما شفت نكرانك لي تعلمت
عطا الود لمثالك ترا خساره

ولا تنفع اعذارك لو تاندمت
لو ترتجيني وتجتمع المجره

عن عشرتك وغرامك تراني شمت
وصرت مثل من ترك غريب بقبره

كنت بوسط الحلم واليوم قمت
ونفضت شليل هم الحب وغباره

-طرقي

[طَرْقي @_ui2p]

قمت اتبعد وابتعد عنك وانساك
لقيت بالنسيان سلوى وراحه

وقت مضى ياكثر حبك ومغلأك
عندي لكن اليوم خذها صراحه

ما عاد ابي قربك وعرفك ولاماك
الحر عن شوفك يرف بجناحه

كثرة عذاريبك وبانت خطاياك
الله يبيحك وانت منك الاباحه

-خلف بن هذال

[طَرْقي @_ui2p]

الذكريات أمرّها بعدك بصمت
كني على اعتاب القبور اتوطى

البارحة ذكرتك وما تبسمت
يبدو علي اني بديت أتخطى

[طَرْقي @_ui2p]

لو ان ظروفي حلها على يديك
انا الليالي ما شكيت اصدوفها

وشلون تبغي اشكي ظروفي عليك
وانا علي الناس تشكي اظروفها

-سعيد الدحابيب

[طَرْقي @_ui2p]

انا الوحيد اللي من الصمت عانيت
واخاف اموت اليوم من حر ما بي

ومن قال بشر قلت طبت وتعافيت
وانا الصويب الي خطيرً صوابي

-عبدالله بن شايق

[طَرْقي @_ui2p]

أميلُ نحوكِ أغدو قابَ أنفاسِ
كما يميلُ نوّاسي على الكاسِ

ملأتِني بكِ حتى مَسَّني خَجَلٌ
من فرطِ ما غازلتني أعينُ الناسِ

ما عادَ يملأُ رأسي خمرُ داليةٍ
صبّي جمالكِ حتى يملأني رأسي

كلُّ النساءِ أحاديثٌ بلا سندٍ
وأنتِ أنتِ حديثُ لابنِ عبّاسِ

-جاسم الصحيح