♡

⠀ ⠀⠀⠀

[♡ @_ve1i]

"وقلوبنا ياربّ صَبرت، فأنعم عليها بأفراحٍ
تُغيرنا من حالٍ إلى حالْ يُرضيك ويُرضينا."

[♡ @_ve1i]

الشاعر مشعان البراق عندما قرر ان يعتزل
القصيد بعد محبوبته ويتجه لــ دينه قال:

"بقى ذنب واحد من ذنوبي عجزت انساه
بعد ما هداك الله يا قلبي على التوبة"

لك الشوق يا ذنبٍ تركته لوجه الله
عسى سيئات الشوق ماهي بــ محسوبه

[♡ @_ve1i]

«يا مرحبا من سبب ولّا بليَّا سبايب
ياسبب كل جرح ويا دوا كل علّه

ياحبيبي بدون أدنى شكوك وطلايب
والله وبالله اللي كوَّن الكون كلّه

إنّك الحاضر اللي كَنّ ماهوب غايب
وإنّك الغايب اللي ماتغيَّر محلّه»
- علي الدعيه

[♡ @_ve1i]

احبك لو ان حبك يودي لـ مدري وين
جعلني فداا حبك ووصلك ومقعادك

احب السوالف معك منا لـ يوم الدين
و احب التغلي منك واموت بـ عنادك

تسولف لي بـ تاريخ .. جدانك الميتين
و اهو والله التاريخ ، تاريخ ميلادك

[♡ @_ve1i]

مرت سنه فيها اشترينا وبعنا
شيٍ يدوم وشي ابلته الايام

كل عام والطيّب من الناس معنا
ولا الردي جعله يولي مع العام .

[♡ @_ve1i]

يا الفارق اللي لك بـ صدري مداهيل
وغيرك مايقرب منه حتى النسايم

ماهوب لازم شرح كل التفاصيل
بس ان مالي في محبتك لايم

كبدي عيوف وخاطري يكره الميل
وقلبي مثل ماهو ونفسي تْزايم

"اطغيتني في لابسات الخلاخيل
وأقنعتني من لابسين العمايم

[♡ @_ve1i]

" عن نسيم البرد والليل روحي في ذراك
كل ليلة فالشتاء معك ليله دافيه

من يعيش سنين عمره على ضفّة غلاك
مايبي غير الرضى و العفو و العافيه "

[♡ @_ve1i]

تميل المرأة دائماً لمن يكون شُجاع في حبها
لان الحبّ يتطلب الشجاع إللي يوفي بوعده
وعلى سياق ذلك :
أختلافي واضح في ذوقي وفي فني
وفي قصيدٍ لاقريته يستفز شجونك

أبسط حقوقي شجاعٍ مايخيب ظني
أبلجٍ لامن نصيته قال انا من دونك.

[سعد بن لويبه @sd280]

حبيبي لا تنشدني , عن اخر جروح وبوح
ولا تقول وينك وانت ما قلت لي وينك !!

تجيني وتجرح خاطري لين شبع ّجروح
من العام سكين القسى , بين كفينك !

اذا صار وصلك بس ضيقه ودمع ونوح
وش الفايده يبقى الوصل بيني وبينك ؟

ما يحتاج تشرح لي ظروفك عشان تروح
انا اصلا عرفت اللي تبي تقول من عينك !!

[♡ @_ve1i]

"يستاهل الحب من صحّح عشانك خطاه
واثمر معاه التعب من غير ما يسألك

اللي رمى لـ أجل عينك كل حاجة وراه
ترقب عيونه رضاك .. وينكسر لا أزعَلْك" 🤍

[♡ @_ve1i]

نسل الحرار الشقر ما تقبل الدون
تشوم بنت معرّبين المجَاني

يا كيف برضى موقف الذلّ و الهون
و أنا عيوفٍ ما تحّب الهواني ؟

من صدّتي بتموت ضامي و مغبون
و تبطي على مثلي صويبٍ تعاني

" خسرت لك من ندّر الغيد مزيون
صعبٍ تحصل مثلها فـ الزياني "

[♡ @_ve1i]

ادري ان العشره تموت لاكن ما تهون
الردي ماهمته .. والسنافي توجعه

اح من صدمة رفيقٍ على روحي يمون
واح من شخص مابيه وعجزت اودعه

ودي اواسيك .. وارد دمعك للعيون
واخذ احساسك واترجم شعورك واسمعه

بس انا ما اعرف اواسي ولاهم يحزنون
كل ما واسيت لي شخص رحت ابكي معه .

[♡ @_ve1i]

وليفي يعاتبني على البعد والاهمال
وانا البعد والاهمال ماهو ب مرضيني

يقول انتبه لاتشمْت بحبنا العذال
واقول انتظر واذبح لك العذل بيديني

لاتقلق يزيد الشوق لازادت الاشغال
ورغم انشغالي عنك ماطحت من عيني .

[♡ @_ve1i]

تبسّم لا خذا الله بسمتك يا سيّد الغيّاب..
فدا وجهك.. تباريح السهر والشوق وعتابه

على وجهٍ يعوّض عن مطاليع القمر لا غاب
انا وشلون اشوفه يا حبيبي ما اتغنا به ؟

[♡ @_ve1i]

ربعي اسياد الفخر كل ليل وكل يوم
من غلاهم كل واحد ولد عمي لزم ..!

من طناختنا عن الكلمه الهزله نشوم
تعترض فالدرب ونحطها تحت الجزم .

[♡ @_ve1i]

منقاد لك قلب وعقل منقاد
يا قايد الأَثنين .. و مُرادي

لك الكلام اللي ماهو معتاد
ولك الشعور اللي ماهو بعادي

فيك أنت تِرجم هرجة النقّاد
وشلون أكون الراكد الهادي ؟

وفيك أتغنّى وأقهر الحسّاد
وأهيم بك من وادي لـ وادي

لمحتك تفرحني سنة وش عاد ؟
" لو كان بين يديك مقعادي "

[♡ @_ve1i]

والله ما تنفع لا البل ولا الملايين
فاللي تبي رجالها من ذويها

— سلطان الحويقل

[♡ @_ve1i]

الجادل اللي بالغلا مبليه
هي منوة اللي بالهوى طامعها

عزوة ازحولن باللقى مسميه
واشجع شيوخ القوم في رابعها

من ولفها لو قلت يافلانيه
طشت على وجه السما برقعها

كن قلبها قلب اشعلاً عجميه
حطو على ايمن خدها ناجعها

#سلطان_الحويقل

[♡ @_ve1i]

طول عنق ودق خصر وردف نـابي
غير روحً مستحيل القى بـدلها

ابتسم لي وابدت قصـة عذابي
قال احبك قلت انـا احبك دبلها.

[♡ @_ve1i]

أنا من كثر ما اذخرك لـلموقف الجاد
مسمّيك " لا ضاقت علي الوسيعة "❣️

[♡ @_ve1i]

مشيها مثل مشي اللي على هونه
ولا يبين غنجها . . الا تخطيها

الهوى لا نطحها بان . . مضنونه
الجدايل عن السرجوف يثنيها

عنقها . . كل ما يبعد من متونه
ينحل وترتوي . . باقي توازيها

القمر في نحرها ينعكس لونه
كل ما تستره . . نوره يعريها .