لطام .

بدوي، صاحب ثقافه وجنتل

[لطام . @_vf11]

عندما يخذلك شخص تغليه جداً
وينتهي كل شي بينكم في دقيقه فقط!

قيل في سياق ذلك:

سلمت لك قلب حرمته عن الغير
كنت احسبك قد الثقه والمحبه

خيبت ضني فيك من دون تبرير
وخذت بعهودك فجئةٍ دون سبه

دور لفعلك ي اسود الوجه تكفير
اثرك عنا قلبي وانا احسبك طبه

كبر العشم يرث ندامه وتحسير
احسبك كبر اطويق واثرك مطبه

[لطام . @_vf11]

يا نفسي اللي تساميتي عن الغرّه
عشتي على العز راسش معتلي شانه

خلي حسودش يغيض ويمتلي حرّه
اللي على الطيب رب البيت ما عانه

من جامل اللاش ناقص عقل بالمرّه
وشهو له نجامل اللي مالهم خانه

ما همنا من يعط الصوت ويجرّه
في حضرتي كل مرّه يبلع لسانه

حنا كعام الخصيم ان ما كفى شرّه
اليا اعتداء نلطمه من بين حجانه

ما ننحني للظروف العوج لو مرّه
طبع الولد ما يخلي طبع جدانه

والصاحب الطيّب نْقدم له الدرّه
بيني وبين البطل سفطان وميانه

في سلمنا ما نحس الكفو ونضرّه
نحفظ مقامه ومنزلته وعنوانه :)

[لطام . @_vf11]

انا مغادر ونتلاقى على خير
و ان كان ما به خير فـ وداعة ال��ه

ياليتها زلَّه وغلطه و تقصير
كان الغلا ثابت وباقي محله

لكنها من فوق حدّ المعاذير
وانا عزيزً ما ارضى بالذلّه

جيتك معي شيّمه وحشمه وتقدير
واقفيت بيدي كل ما جبت كله

[لطام . @_vf11]

لا خاويت خاو النادر الصامل البتار
لا تبلش مع اللي يشبه ل خدمة البيجر

دور نادر لا شافها دقرت ما أحتار
تقدم سوات المري شعيل ف النيجر

[ٌ @ajm7i]

و إن زعلتي - ما بقى للعمر و التاريخ قيمه
و الأسف سكة طويلة لين يركع باتجاهك

أذكريني نار بدوٍ .. في لياليك العتيمه
وقبل أشد ركاب جرحي كنت أبشد أنتباهك

يا أنتصاري في طريق الفقد و در��ب الهزيمه
حالف إني لا أرسم البسمه على طارف شفاهك .

[لطام . @_vf11]

صاحبي غايب عسى مانيب واهم
والكريم ان غاب : غيباته تذاعي

اكرم من السهم في عيون المساهم
ودون صرف المال كنه : (غير واعي )

ما يعّرف ان شاف له ضيف : يتفاهم
دون حقه .. لا يحن ولا يراعي

وجهه ابيض : ما تبيضه المراهم
بيّضه : بيض الفعايل و المساعي

واهل الامجاد لا غابو : تراهم
كل ماغابو : ورا الغيبات داعي

الكريم اليا خلصت منه الدراهم
ينعزل حتى ولو كان اجتماعي

[لطام . @_vf11]

قبل التشره يا ح��يد المساعي
ليتك على اللي خلف الاضلاع وايقت

جاني من الواقع نفور اجتماعي
لا ذوّق اللّٰه مسلمٍ ربع ما ذقت

تزهمني الضيقه بالاسم الرباعي
وانا ليا اوحيت الزهم ما تضايقت

عندي على الصدمات دفع رباعي
كم ليلةٍ غرّبت فيها و شَرّقت

وفي غير من له سجدتي وانصياعي
قبري عساه يضمني كان دنقت

احتاج لي نسخه ذكاء اصطناعي
لجل ايتماشى مع مفاهيم ذالوقت

[لطام . @_vf11]

ياحبيبي ويش اقول ويش اخلّي
لوْ شعوري ينتثر غطى المجرّه ؛

امتلكتِ القلب وانا فِي محلّي
كيف كفك لا غدا كفّي مقرّه !

الشِّعر و الهامي وفكري وكلّي "
من عرفتك في وصالك مستمرّه

مشغلً بالي وصرت العاشق الّي
( امعزولاً ) كافياً خيره وشرّه -

ما يبي الإقربك وصوتك يهلّي .
والله انْ كنّ ايدك بقلبه تجرّه

ايه احبّك وانت حبّك غادياً لي
كل شيا ( املكه ) وادرا مفرّه

وايه احبّك لاهياً ولاّ مصلّي -
ما تغيب امن العقل والبال مرّه

وايه احبّك وانت وجهك ما يملّي
كيف امل امشاهدك لله دُرّه !

وايه احبّك وانت معشوقي وخلّي
وايه احبّك يابحر قلبي وبرّه ،،

من شعوري ماوصلّك ربع ملّي
لو بكررها عليك الفين مرّه

[لطام . @_vf11]

@1HBK___ اللي بيقدر يوصلني لوسيلة تواصل معها يراسلني
والله يجزاه خير

[لطام . @_vf11]

ياناس فكونا من النقد واللوم
كل البشر مافيهم ان��ان كامل

ما انت بوكيل ادم ولا انته بملزوم
وربك ماهو سائلك عن كل هامل

كلٍ بعقله راضي وعنده علوم
من بينا نحتاج حسن التعامل

والادمي بظروف الايام محكوم
لازم نسايرها ولازم نجامل .

[لطام . @_vf11]

« مستعد أفرش لك الفرحه و ألبسك المسرّه
بس أبي تحفظ غرامي — زين يا زينة حياتي »

[لطام . @_vf11]

سلامي سلام اللي سمح والأمل مفقود
على اللي ما صان الود من كثرة أعذاره

رفعت العتب وأقفيت عن غايبٍ موجود
يوم ان الغلا شفته بدا يرخي ستاره

سعيت لرضا عينه ولا شاف لي مجهود
وأنا أجفى العرب لأجله وأناديه وأختاره

يا ليل الفراق اللي عليه ��لحروف شهود
قرار الجفا عقب الغلا وشهي أخطاره

[لطام . @_vf11]

باب الغلا لأجلك محصّن ومقفول
حتى ولو غيرك .. طرقه وتسوّل

يحاولون بيدخلونه وأنا أقول
مافيه أمل والوضع هذا مطوّل

حبّك يحكم القَلب ويصول ويجول
فارض على العشّاق حظر التجوّل

أنا معك عن باقي الناس مشغول
وأحنّ لك وأحتاجك أكثر من أوّل

[لطام . @_vf11]

ماجرح قلبي ولا هز الفراق احساسي
ذكرياتي معك أنا نادم على مجمَلها

لا تعاتبني ليامن صرت مثلك قاسي
غيرتني مجريات الوقت ، وأنت أولها

-

[لطام . @_vf11]

« انا وان مت ضامي ما طمعت بشربةٍ من بير
اعاف البير لا كثروا .. عليه الناس ورّادة »

[لطام . @_vf11]

ان كانك تروح مره وتحضر مره
انا اقدر اروح لكن ما اقدر اعود .

ـــ وداعًا وعدم اللقاء

[لطام . @_vf11]

عن الصده قال سفر الدغيلبي

المهم إني معيف وخاطري سامح وطايب
مابقى عندي من اصناف الطموح إلا القناعة

[لطام . @_vf11]

" والله ان مابه العن منه "

عفّيت عن كل شي ورحت في فالي
لا يعترض للطواري عقب ذا المره

ولا يفرح إن مر في بالي .. ترى بالي
ما فيه ملعون خيّر ما بعد مره

[لطام . @_vf11]

أريح لك اللي صار وأريح لي
سلم على ماضيك وأهماله

كنت أتوقع منك تشرح لي
على الأقل ترسل رساله

لكن بعد تهميشك أسمح لي
كلٍ على كيفه وفي فاله

وما عاد له داعي توضح لي
صمتك ما خلا شي ما قاله

[لطام . @_vf11]

تذكر هذاك القلب الأبيض كيف كان
و��ذكر بلطف وطيب كيف يعاملك

اليوم جفّ من العواطف والحنان
ماعاد مثل اول تجي ويجاملك

اصبح قوي من كثر صدمات الزمان
ومن كثر صداتك ومن تعاملك

انا مغادر وانت دوّر لك مكان
تأكد أن العفو ماهو شاملك