ِ

⠀⠀⠀⠀⠀⠀⠀ ⠀⠀⠀⠀ ⠀⠀ ⠀⠀⠀⠀⠀⠀⠀ ⠀⠀⠀⠀

[ِ @_vr8o]

مالك من أيامك الا صالح أعمالك
ولا أنت جثهّ ، و أعز الناس يدفنها

- لشاعرها

الرجل غاية ملحته قلب و لسان
ولا إنَّ بـاقـي جثتـه حنظـليله

- بندر بن سرور

نصيحة :
في كل نهاية يوم إسال نفسك ماذا فعلت من خير .

[ِ @_vr8o]

@d511y في رحلتي كان إشتياقي فرض
ليتك على لون الشفق بنتي

حتى وانا بين السماء و الأرض
ما كنت افكر غير فيك إنتي :)

[ِ @_vr8o]

و على نفس النمط :

بوصل لو هددوني
بـ مدافعٍ و سلّاح

وعلى ترّكه وزوني
و انا بعيد المشاح

[ِ @_vr8o]

لو ما الخِيَّل و أدرا وراكم ؟
و بيصير عند الناس تبيّين

لـ أوصل ولو دونه إبتلاكم
بـ سيوف و رماحٍ مسانين 🏹

[ِ @_vr8o]

لو ما الخِيَّل و أدرا وراكم ؟
و بيصير عند الناس تبيّين

لـ أوصل ولو دونه إبتلاكم
بـ سيوف و رماحٍ مسانين 🏹

[ِ @_vr8o]

على الهون يا دمعي من العين لا تنساب
دموع التهاني و التعازي .. لها حفله

الأحباب .. يبعدها قدرها عن الأحباب
ولا أحر من فرقى تلوعك على غفله

تهـرّبت من نسيانها و السنين كتاب
على كل صفحه صورة الأم والطفله

أسكر عليها الباب / تفتح علي الباب
و أنا ما معي مفتاح قلبي ، ولا قفله :)

[ِ @_vr8o]

اخاف لا لفّح النسيم يمسّك
وأقول علَّ موتي فدا عن موتك

اهواك عن عين البشر و أدسّك
ما بين ضلعيني واحيد بيوتك

تدري على قلبي تنابت غرسّك؟
غرسٍ تميّز به "كرزك و توتك"

بالله يا ترّف الصبا .. ما بسّك؟
رفّ بي قبل عمر الفتى لا يفوتك

مشاعري تصرخ تنادي حسّك
وأقول سمعني دقيقه صوتك

[ِ @_vr8o]

"مغرور متكبر ، و شايف نفسك"
وانا الغريم اللي يموت بـ صوتك

عودت عيني أنَّ تنّام بـ حسك
و اليوم چد نامت على جبروتك

بغيت أثيرك فـ الهوى و أجسّك
لكن ذبحني يا الحبيب اسكوتك

تدري بحبك يا الغلا متمسّك ؟
يا لابسٍ درّك . . على ياقوتك

[ِ @_vr8o]

@saif7_0 فيه مثل هذه المواقف الذي تخرم المروءة وتعكس أخلاق و ماهية الشخص ..

أتذكر دائماً قول الشاعر

أحدن يدوّر بالردى بنت عمّه
و أحدن يدوّر ستر عذرا عوانيه

وقول عنترة

وأغضّ طرفي ما بدت لي جارتي
حتى يواري جارتي مأواها :)

[ِ @_vr8o]

تدوّر لـ سبّه . . و تزعلْ
و عيّزت أترشى و أراضيك

غلطان لـي خبرّك تثقلْ
فـن الهـوى ما فيه تكتيك

قبل يوصلونك مالقوا حلْ
ماطاع فيك الواش مغلّيك

وكم أعذلوني عنّك يا الخلْ
و أنا أقول : تمُون عينيك :)

[ِ @_vr8o]

في بحور الحزن هملّت البواخر
و عند ربي منتظر "قارب نجاه"

دعوتي لك عاد فالعشر الآواخر
الله يمدك بـ صحه في الحياه :)

[ِ @_vr8o]

حماية الأوطان تشريف
و معكم سلاح غالي أثمان

للجو عقبان قواصيف
تدعي جبال الخصم كثبان

وللبر جيش صلب زحيف
له في العظايم فك الأمحان

و اسطول بحر للعواصيف
لي زمجرت يرمي بنيران

و المال لي نكرم به الضيف
انهين به في الضيج عدوان

—الشيخ زايد بن سلطان آل نهيان

[ِ @_vr8o]

مكتضّه الأجواء زحمة صواريخ
و عيال زايد فجروهـا فـ سماها

و عيال زايد يكتبـون التواريخ
بلادنا بنموت كلنا فداهـا 🇦🇪

[ِ @_vr8o]

انت وقت الصوم لا تبسم
يوم ثغـرك جنّـه هـلالـي

يحتفل في عيده المسلم
ظـنّ وقت الصـوم لا زالي :)

[ِ @_vr8o]

ماكنت حاسب حساب صدودك الخانق
الله وكيلك بديت أحس بـ الضيقه

لا وصّل الشـوق لـ آخر مرحله زانق
نحتاج طاقه عشان أنحـاول أنطيقه :)

[ِ @_vr8o]

لو تتم بعيد و أشواقي معاك ؟
أبرك من الحب في بطن ورقه

أتبعك و أدراك و أدرى من وراك
مثل ما يدرى الشميمي بندقه :)

[ِ @_vr8o]

@khk_Bozayed مصطلح "غتارى" يعني الأشخاص الذين يتدعون إنهم متجاهلين عن بعض الأمور وهم أبخص بها و لديهم المعرفة الكافية عنّها .. مثل ما قال الشاعر :

سالوا عن أحوالي وش فلان ؟
كنهم "غتارى" ما دروا به ..

وهنيه يوضح المعنى عن البيت هذا

يدرون والله هوب سهيّان
لكن هذا الحب دوبه ..

[ِ @_vr8o]

@busltn سويت كل اللي احسه . . يريحه
يبعد وانا ابعد بعض الفراق راحه

ولا باقي إلا ضلع واحد يصيحه
ينحب غرامٍ قد تـوسد جراحه

ضلعي يصيحه والمحاني ذبيحه
و قوات صده بالغات أجتياحه

يسبّي خوافي عزّها يستميـحه
و خِسران حبي من يعيضه أرباحه ؟

[ِ @_vr8o]

يا زين كم تمّيل و تحدّ
ولا بان لي شيٍ أداريك

من صغر سنّي تلدني لدّ
ولا عْرف وش قصدك و تاليك

ولوْنا بغيت أترّك الودّ ؟
الود يجبرني أخاويك :)

[ِ @_vr8o]

غَـدف اليبل يطرى غزالي
منْ الـزري منقوش يِـيـبه

ولا يستـحق الـزيـن غـالي
الغـرَّ تبـلونـه بــ شيــبـه

#من_الموروث

[ِ @_vr8o]

وايـه فـديته يوم بيصدْ
عقصه مع زلوفه ملواه

بتلاحقه لو فـ رقبة حدْ
ولا عليه من المواشـاه

#من_الموروث

[ِ @_vr8o]

يا زين كم نشفّت ريجي
خليتني واقف و محتار

من عقبكم مابا فريجي
حاشى ولا يازت لي الدار

#من_الموروث

[ِ @_vr8o]

يا زين فل و كادي
يا الجوري الرويّان
يا ظلّ عش فوادي
خلني معك طمعان

و أنا عليك أنقادي
طابع بك و غرقان
لا تقول أنته البادي
حبك شرا الطوفان

صوتك جميلٍ هادي
يروّي به العطشان
و أن ييتني متبادي
مثل القمر لي بان

يا غايتي و مرادي
وقتي معك يزدان
دونك تراني غادي
وعقبك انا خسران