وقٌاد

⠀ ⠀⠀⠀ ⠀⠀⠀ ⠀⠀⠀⠀ ⠀⠀⠀ ⠀⠀⠀ ⠀⠀⠀ ⠀⠀⠀ ⠀⠀⠀ ⠀⠀⠀ ⠀⠀⠀⠀ ⠀⠀⠀ يالله بحسن القٌبول وطيب السمعة

[وقٌاد @_wgad]

أهنئكم بحلول عيد الأضحى المبارك
تقبل الله منا ومنكم صالح الأعمال
وكل عام وأنتم بخير ،!

[وقٌاد @_wgad]

،
يوم أن الليالي تجِفل الخايب الخواف
ما هبت الفراق ولا تهاونت وأزريته

حبيبي من الي صار ماني عديم أنصاف
تمنيت لكن ما هو بـ الي تمنيته

اذا غايتك فرقا وتنسى وقلبك عاف
إلك حق كاني جيت بـ الوصل واطريته !

[وقٌاد @_wgad]

،
الغياب اجزل من اعذارً تجيب اسمنها
خلك اللي كمل غياب و مكانه خالي

حاشمك من رجعةً ماضيّك اجمل منها
من متى والغالي اللي راح يرجع غالي !

[وقٌاد @_wgad]

،
كرامة الطيب أكبر من كبار الظروف
وقسوة ظروف الحياة تلاوعه في شقى

الوقت متغير وصلف الليالي تحوف
عزيز قومٍ يكابر والظروف محقى !

[وقٌاد @_wgad]

،
اشتّك فالكلمه وهي فالحلق وارجع واستخير
من كثر ما الشك اوغر فالصدر الرفيق ولطّخه

صدقني ان كنت اتكلم واتعامل من ضمير
بتعيش فارق في حضور العالم المستنسخه !

[وقٌاد @_wgad]

،
احس بـ احساس متقلب لاسعيد ولا حزين
واعيش وظروف الحياه معلّيه ومدليّه

تمرني لحظات اردد تالي الدنيا تزين
وتمرني لحظات اقول ان الأمور مولّيه !

[وقٌاد @_wgad]

،
ياصاحبي ، وإن طال عنك انشغالي
بالله لا تلحقني اللوم و الشكّ

أنا تراني ، مع صدوف الليالي
متقاضبينٍ بالشوش فُكّ وأفكّ !

[وقٌاد @_wgad]

اللهم في جُمعةِ هذا اليوم
إجعلنا أسعد خلقك وأقرب عبادك إليك
اللهم إغفر لنا ما مضى
وأصلح لنا ما بقى
واكتب لنا رضاك وعفوك والجنة 🍃!

سورة الكهف 🍂
استماع

https://t.co/RC3pDrFdoU

[وقٌاد @_wgad]

الحمدلله على البلاغ والتمام

الله يتقبل منا ومنكم الصيام والقيام والدعآء وصالح الاعمال 🌙✨

و كل عام وانتم بخير 🤍،

[وقٌاد @_wgad]

،
ان لقيت اللي قضاها بين بر وبين طاعه
رافقه وان قاله الله من ورى الرفقه تغنّم

فالصحيح ان الرفيق الصالح يجيله شفاعه
من كرم ربي يفك اللي يحبه من جهنم !

[وقٌاد @_wgad]

،
يا الآدمي لو ما معك دبره ولا عندك حزم
لا طابت الدنيا على مثلك ترا من طيبها

استنصر لنفسك على الاشواق واخزمها خزم
" أحياناً نفوس البشر تهذيبها تعذيبها "

[وقٌاد @_wgad]

،
حنّا عرفنا كلنا ماطال من شيٍ قصر
والاحلام ماتوا قبلنا شرهين ما وصلولها

حتى الجمال اللي تحملها الهقاوي بالصبر
يالله بحملتها تقوم وتدّرج بحمولها !

[وقٌاد @_wgad]

،
تاقف ظروف الليالي دون بعض الشفوف
ونشوم عنها ولاا نِطري تحاسيفنا

حنّا بشر والبشر في ظلّ حكم الظروف
وظروفنا ما هي بدايم على كيفنا !

[وقٌاد @_wgad]

،
كلٍ يشوف انه سليم الاعتقاد
وان الله الهادي وهو المتهدي

البخل في عين البخيلين اقتصاد
والضعف حكمة في عيون الاجودي

واسهل عمل للفاشلين الانتقاد
كلٍ يسب اهل الردى حتى الردي

حتى الجبان يصير طارق بن زياد
اليا جلس على البساط الاحمدي !

[وقٌاد @_wgad]

،
إستعذت من الدروب اللي نهايتها حسافه
قبل ترميني ملذات الزمن في جوف غِبّه

مايخاف المؤمن اللي فيه من ربه مخافه
مصدر الخوف الحقيقي واحدٍ ماخاف ربه !

[وقٌاد @_wgad]

،
عسى شايعتنا في عيون الرجال جلال
وعسى عايبتنا خافيه غير مكشوفه

رضينا بستر الحال في الحل والترحال
ودروب العلا ماهي بالازهار محفوفه

يدور الزمن لكن صدوفه تبي رجّال
مع شيمته في وجهةٍ غير معروفه

ولا احدٍ درى بالغيب حتى الحسين بن آل
نفته المدينه وغدروا به هل الكوفه !

[وقٌاد @_wgad]

،
قد ما اقدر استفيد من الزمن واخطائي
واتمشى في دروب العرف حاره حاره

وما علي من الضعوف ومن كلام اعدائي
اشجع الاعداء عندي " نفسي الأماره !

[وقٌاد @_wgad]

،
تبّسم واكرم المسكين وامسح دمعة اليتمان
يجي لك يوم ماينفعك لا مالك ولا عيالك

وقبل النار والجنة يوقّف مالك ورضوان
من الحين إستعد تمر ، يا رضوان يا مالك !

[وقٌاد @_wgad]

في أزمته الصحيه قال مخاطباً اخوه الامير سعود :

" لابدها ياسعود بتغيب شمسي
ذي سنةٍ رب الخلايق فرضها

و لعلها حريتي بعد حبسي
و لعلي ألقى عند ربي عوضها"
#بدر_بن_عبد_المحسن

[وقٌاد @_wgad]

،
والله ان صدري معافى وخافقي نظيف
لو اشوف الحزن في عين حسادي زعلت

الملامح بعض الأحيان تظهرني عنيف
ولا انا بالكلمة الطيبة ماقد بخلت

اقبل بوجهٍ يشرّف ومنطوقٍ عفيف
واذا لقيت اللي ينقص من حضوري رحلت

اتعدا عن عيوب البشر كنّي كفيف
و أن تبين شيء للعين جنبت وغفلت !