مدّي يدين .. عَاهدتها يديّا
ياللي سماك ملبدة برق وغيوم
لا تشتكين اللوم! وأنا هنيّا
أنا هنيًا.. لجل ما يلحقك لوم!
ياللي جبينك من غلاه الثريّا
ما عاشرت شمسٍ ولا خاوت نجوم
إن كان ما جتني عليك الحْميَّا
ما عاد لي في باقي العمر: ملزوم ..
ما فزّ قلبي للنواعس كذيّا
إلاّ يبي يصبح عوضها عن النوم
نامي وخلي كل همٍ عليًا
مالله خَلق هالجفن لُسهادْ وهموم
لا تندهي لي! واصل لك بليّا
لو نكسر قلوبٍ ولو نِزْعل خشوم
قام يتعَزْوى في حديّا حديّا
يوم انحدر دمعٍ عن الذل محشوم
في مثل هذا اليوم من سنه كنت اناجي الله بحراره بصدري، كنت احس الارض كلها فوق قلبي، واليوم صحيت وانا أتأمل لطف الله، وتسخيره، كيف مسح على قلبي و احاطني بالحنان والحب والجمال من كل اتجاه♥️.
"اللهم يا مسهل الشديد ويا ملين الحديد ويا منجز الوعيد ويا من هو كل يوم في امر جديد أخرجني من حلق الضيق الى اوسع الطريق بك ادفع مالا اطيق ولا حول ولا قوة الا بك".