🇰🇼

استغفرالله العظيم واتوب إليه

[🇰🇼 @_xzi2]

يا رب أخشى أن أموت فجأة دون أن أتوب توبةً في قلبي، يا رب اغفر لي إذا مت، وسَخِر لي من يدعو لي دون ملل.❤️🤲🏻

[🇰🇼 @_xzi2]

لو كنت أبي غيرك ترى الناس واجد
بس البلا بـ القلب مَ حب .. غيرك .

[🇰🇼 @_xzi2]

أبرضيك لو رضاك من داخل الجيب
خلنا نتقابل والوجيه تتصافى

حاولت أوصلك بشتى الأساليب
أبيك من ضيم الشكوك تتعافى

حرصي عليك أحيان ما يعتبر عيب
العيب لا أغلينا بعض ونتجافى

الله يجعلني من الحب ما أطيب
وان كانك مرض يا جعلني ما أتشافى

[🇰🇼 @_xzi2]

مالله كتب لي فيك حظ ولا نصيب
الواقع أصدق .. من يا ليت ، وربما

حتى لو إن إحساس قلبي ما يخيب
سفك الشعور أشد من سفك الدما

والغيمة اللي تاخذ شوي .. وتغيب
ما تغري ألا .. الميّتين ، من الضما

أحيان .. حتى اللي تحس إنه قريب
يمكن يكون أبعد عليك من السما

[🇰🇼 @_xzi2]

مدري وش اسميك يا عمري الجاي ؟
و وشلون اعيشك وانا عايش بدوني

الشوك ماهو من دروبي من خْطاي
… والخيبة اللي جاتني ! من ظنوني

يا مدوريني بين شوقي و ذكراي
… اليا وصلت لراحتي ضيعوني

ياليل رجّع ضحكةٍ جابت اقصاي
… بنتٍ يعلّقها الغلا في جفوني

حبيبتي … اذا بقى لـ الوصل راي
…. تعالي و مرّي على اخر طعوني

من بعد كفك ذبلت خطوط يمناي
… وعلى دروبك ذابت نجوم كوني

الدمع كان اكثر بواجد من بْكاي
… عشان يترك لك مكان بعيوني

اول نفس ! صبّ و جرى في حناياي
…خَذته من انفاسك و حرّك شجوني

ملاك اشوفك يا اجمل اقدار دنياي
… غير الثنين اللي على أعلى متوني

حكيتي ! و عاف القصب بحة الناي
… سكّتي ! و غنيت لجلك لحوني

جلست الملم مابقى من بقاياي
… ومرّ اخر احلامي ولاحظ حزوني

قال انت ترقب واحدٍ ماهو بجاي
…وقلت انتظر عمري من اللي نسوني

حبيبتي ! شعري ! طموحاتي ! رْضاي !
… عرفتهم على بعض و تركوني

[🇰🇼 @_xzi2]

ما طابت خواطرنا لكن للظروف أحكام
وأنا في رجا الله يوم أنا من ضحاياها

لي الحين عن لذة وصالك ثلاث أعوام
وعن الضحكة اللي يوجع الصدر ذكراها

من الحب ما أعاتب طواريك قبل أنام
لها الحق يوم أسهر لها وأتحفاها

ولك في الضلوع اللي تشيلك غلا وهيام
خذاك القدر منها ولا عشت وياها

[🇰🇼 @_xzi2]

اعتقيني لوجه الله يـ اول غرام
دام قلبك مارضى فيني يلين

كيف غيري على طرف صدرك ينام
وكيف صليتي وراه الركعتين

وش دعيتي في الركوع وف والقيام
ما ذكرتي عاشقك بـ سجدتين

من كثر دمعي على خدي وسام
هاقي انه بترجع ولا مات اليقين

بنتظارك عاشقك باقي ركام
احترق من فراقك و هاقي ترجعين

[🇰🇼 @_xzi2]

أعاهدك باللي فرض حجة البيـت
مجفاك لو قبـري يشيـد ترابـه

جاني خيالك في منامي وفزيـت
وهلت دموعي مثل وبل السحابه

ياما على شوفة خيالـك تمنيـت
عزاه من جـرحٍ بقلبـي لجابـه

وياما من هموم المحبه ترويـت
والقلب زاد من الهمـوم إلتهابـه

وياما وياما من جروحك تداويـت
لاشك جرحك مايفيـد الـدوا بـه

وياما وياما بعالي الصوت ونيت
على الذي ماعاد يبـري صوابـه

ماينفع المجروح كثـر التناهيـت
جرح الهوى ياويل قلـبٍ لجابـه

كم من جروحٍ بالهوى منك عانيت
وجرحك بقلبي كل شخصٍ درابـه

أفرح ويطرب خاطري كل ماجيت
وقلبٍ تولـع فيـك لا واعذابـه

قالوا تمن قلـت ياليـت ياليـت
ألحق هوى اللي تل قلبي وغدا به

في مرقدي كني ندهتك وصديـت
ارحم جريحٍ صاح من حر مابـه

وجرحي خطيرٍ مير كاني توفيـت
أمانتـك قبـري تـزاور ترابـه ..

[🇰🇼 @_xzi2]

طحت من عيني وفيك الظن خاب
يا غرام كنت احسبه لي يدوم

كم تلاشت ضحكتي بين الصحاب
وسال دمعي من عذابي والهموم

انطفت روحي وشمع الحب ذاب
ومعك حظي بالهوى عيا يقوم !

الخطا واضح ولو مات الصواب
لا يغرك قلب ما يعرف يلوم

أنت قاسي ماتعرف إلا الغياب
والغياب أول معاذير الرخوم

[🇰🇼 @_xzi2]

مره وانا جالس غرتني طواريك
طريت في بالي وانا مانسيتك

قمت اتذكر كيف تزعل واراضيك
وشلون من وسط نسياني طريتك

يا ليتني القاك واجلس و احاكيك
اعلمك شلونك كلي // هويتك

وليا خلصت ارجوك تسمح بوصيك
اسمع وصاتي دامي مــا جفيتك ..

ابيك ترجع لي ترى حيل باغيـك
ليتك تحس برغبـتي فيك ليـتك

تبي دليل اني عشـقتك وشـاريك
من رحت عني كل ليله بكـيتك

سهران طولل الليل عيـني تراعيك
ومن زود حبي واقفن عند بيتك

ارحم خفوقي عند بـابك يناديـك
يبيك تعطي مثل م انــا عطيتك

بعيش مع ذكراك وسط الشبابيك
عيااحلى كتابن في عمري قريتك

[🇰🇼 @_xzi2]

ليش توهمني أنك تحبني فا البدايه
لين صار الوهم عندي وعندك حقيقه

قمت تشر لقلب بين الأحباب تايه
لين حبيتك وحبيت ذيك الطريقه

طحت في حبك الجذاب من دون غايه
أفقد العقل ساعه وأسترده دقيقه

كل من لامني قلت أدع لي بالهدايه
البحر ما يطاوع موجه إلا غريقه

انتهى كل شي ولا انتهت ذا الحكايه
كل ما ماتت أحياها كلام الخليقه

صارت ابيات شعري فيك مثل الروايه
اخر الليل يرويها الصديق لـ صديقه

وش تبي عاد يا عمري كفايه كفايه
لعنبوك انت حتى الشعر نشفت ريقه

الله يسامحك منا لا مالا نهايه
ما ورا ضيقتي لو صار لك شي ضيقه

[🇰🇼 @_xzi2]

نامي على كتف الهنا ولاتقومين
ياقطرة من ماطر الغيم هلت

كلمة احبك خربوها المحبين
اللي على حساس المشاعر تسلت

واخاف لامن قلتها لك تحسين
اني اراوغ ف الغلا واتفلت

لا ولذي منعم على قلبي دين
تعداد حجاجن على بيت صلت

وتعداد نبضاتي وماترمش العين
اني احبك والمحبه تولت

عرش الحنايا مثل منتي تشوفين
وستوطنت في داخلي وسفهلت

يالين ماقامت تدف الطواعين
محبتن على الضماير تجلت

وقدام خطواتي من يسار ويمين
عودتها على دروبك ودلت

حتى قلادة شعري اللي من سنين
يومج لبستيها على عنقج تحلت

[🇰🇼 @_xzi2]

والله إني ضايق من خلاي وفي خلاي
خاطري ماهو بوده ونفسي ودها

وعاصي نفسي علشان ما أرخي مستواي
لو بطيع النفس بعدين كيف أردها ؟

يا فهد صرت أشرب الماء ولا يقطع ضماي
خربت الدنيا لا ابوها ولا ابو جدها

والزمان يحدنا حد ويبيح خفاي
مير يالله مدةٍ منك محداً مدها

[🇰🇼 @_xzi2]

فاقدلي قلب سمح وجه نير
ماكتب ربي لقاه ولا وداعه

ضاع مني ضيعة العمر القصير
ولاغبني في الحياه الا ضياعه

الجفا عقب الوصل ملعون خير
والمحبه ذل ما فيها شجاعه ..

[🇰🇼 @_xzi2]

ياحبيبي ، رغم اساميك الكثيرة
ان بقى بين الضلوع احساس ، هاته

جرحك الاوّل ، و صدّتك الاخيرة
ما يعالجها الكلام بحدّ ذاته

انا عاشق ، شرهته ما هي كبيرة
في لقاك يخلّد احلى ذكرياته

لو يحول الموت دونك ، قال خيرة
من متى ، و العاشق تهمّه حياته

[🇰🇼 @_xzi2]

« حتى لو ودك تجي لا تجيني
ضيعت مايكفي من العمر وياك

محتاج اعيش الي بقى من سنيني
ما افكر بوصلك ولا اخاف فرقاك »

[🇰🇼 @_xzi2]

حزمت في قلبي تفاصيل ذكراك
وحددت للفرقا من العام ميعاد

واخترت تاريخ مميز لعيناك
تاريخ فرقا كل مًامت ينعاد

في يوم ميلادك تعمدت فرقاك
ابغيك تذكرني مع كل ميلاد

[🇰🇼 @_xzi2]

ياما عطيت القدم لمتوهات الطريق
وياما عطتني الليال الغبر مرسولها

وياما هقيت اني الناجي وصرت الغريق
والناس لولا التجارب ضاعت عقولها

وأنا مع العز لي سيرة وحبلٍ وثيق
وثيابي اللي علي طولي وانا طولها

ماقلت تكفى لأحد حتى وانا مستضيق
من خوف لا يحسبنّي دايم اقولها

[🇰🇼 @_xzi2]

بقى ذنب واحد من ذنوبي عجزت أنساه
بعد ما هداك الله ياقلبي على التوبه

لك الشوق ياذنبٍ تركته لوجه الله
عسى سيئات الشوق ماهي بمحسوبه .

[🇰🇼 @_xzi2]

يا كثر ما قدمت لكن تحسفت
وعقب الندامه ما تفيد الحسايف

من أول من كثر الأصحاب ما خفت
ومن عقب ما عاشرتهم صرت خايف

واليوم أنا اللي عفت من ما شفت
أنقي أصحابي مثل منت شايف

أقول لأي أنسان أشوفه تشرفت
وأثر الشرف ماهو لكل الطوايف

ناسٍ تقول انك عليهم تعرفت
وناسٍ تصافحهم بعالي النوايف

[🇰🇼 @_xzi2]

الليلة هذي واضحة ليلة فراق
حاولت أعديها وعيت تعدي
-
ظروف ما تنطاق ولا راح تنطاق
صد القدر ماهو بصدك وصدي
-
تعال خذني بـين أياديك مشتاق
قبل انتفارق حط يدك بيدي
-
بجلس معك ساعة حبايب وعشاق
من بعدها كيفك ولو صرت ضدي
-
فيني خليط اشواق باشواق
واصل معك من كثرة الشوق حدي :)