عبدالـمجيد

﷽ ✍🏻/ عبدالـمجيد العنزي

[عبدالـمجيد @a1988a1]

#اسمع_اسمع
#صوتية

الشعر شيخ الأدب والطِيب شيخ الطبوع
والصدق شيخ الشمل على جزيل الطباع

ياللي تطبّع بطبع الزيف دربك رجوع
ترجع على طبعك اللي فيه مكر وخداع

آسف على هقوتي فيك بنهار الربوع
شمسك صباح الخميس إبنور ماله شعاع

✍🏻/ عبدالـمجيد العنزي
@a1988a1

[عبدالـمجيد @a1988a1]

@tr_ky1 لاندمت

[عبدالـمجيد @a1988a1]

#اسمع_اسمع
#صوتية

الليل طرّف وأنا الهوجاس طرّفني
يقول خل الطروق تجيب معناها

اللي بَرد ذكرها بالحرف حاذفني
ناضت لي إبروقها ماكفكفت ماها

أسمع صداها على المسمع يلاطفني
لطف العروس الغنوج بليل حِنّاها

هذي هواها يخم النوم من جفني
تسهر عيوني محبّة لأجل عيناها

✍🏻/عبدالـمجيد
@a1988a1

[بدر سعود الجعفري 🇸🇦 @bdrsaud86]

#بوح_اخر_اليل
#الشعر

الشعر مثل الغيث من وين ما طاح
الارض نجده و الرواسي حجازه

لو قلت له مصباح ماهو بمصباح
مار الاشعّة ليزرٍ ن في جهازة

#بدر سعود الجعفري

[بدر سعود الجعفري 🇸🇦 @bdrsaud86]

#بدر_سعود_الجعفري
#الصباح
#صباح_الخير

لو كانت الدينا مشاغيل و هموم
كم واحدٍن ليل المرازق يقومه

من غاب عن صبْح البدايات باليوم
ما يكتمل في تالي اليوم يومه

الصبح رزق اللي تنازل عن النوم
بالصبح غدواته و بالليل نومه

[بدر سعود الجعفري 🇸🇦 @bdrsaud86]

سرقت قلبي لين جفّت عروقه
واليوم قلبي منسرق و انت مفقود

احفظ حياة القلب وابسط حقوقه
دامك سرقته سرْق من دون مجهود

و البلشة الدكتور من قل ذوقه
يقول كل القلب كامل و موجود

#بدر_سعود_الجعفري

[تركي فلاح @tr_ky1]

علاقة الشعر بالشاعر علاقة شعور
ماهي علاقة ( تسوّل ) وانحدار وريا

انا ماحب القصايد لجل حب الظهور
احيان بعض الظهور يصير قلة حيا

مادام مالك مكانه في وساع الصدور
لاتنتظر من ظلامك لانشرته .. ضيا!

#تركي_فلاح_الجعفري

[عبدالـمجيد @a1988a1]

#اسمع_اسمع
#صوتية

ياللي تقول كتاب الأفكار قاريه
ليتك قريت كتاب سد الذرايع

حنا سكتنا وأفحم الليل ساريه
هجس"ن" يروّع مبهمات البدايع

مهما مدحته يتفل المدح طاريه
الكلب يبقى كلب ذيل و طبايع

الذيب ما يقدر بفعله يجاريه
لو الفصايل تشتبه و النزايع

✍🏻/ عبدالـمجيد العنزي
@a1988a1

[البستان | 🤍 @ang993000]

من اروع قصايده عندي رحمة الله عليه

[عبدالـمجيد @a1988a1]

#اسمع_اسمع

من يفسّر للمهمات الذراع
يقلط وعن دربها حذرا يتيع

الشجاع إن طاح بعزوم الشجاع
الهزيمة من شجيعٍ في شجيع

خير من تدبيرة ٍ عنها الرعاع
سولفوا في طقها مع كل ريع

من دهاك بمكره وساق الخداع
عالجه من مكره الصايع يضيع

✍🏻/ عبدالـمجيد العنزي
@a1988a1

[تركي فلاح @tr_ky1]

جميعنا يبغى يعيش الماضي
وافراحنا متعلقه بأطرافه

محدٍ بهالحاضر سعيد وراضي
حتى لو ان الحاضر من احلافه

هي مشكله ماهي بحاجة قاضي
تبغى رضا بالحاضر وبانصافه

الضحك يبغى فاهم ومتغاضي
والحزن يبغى من يقص اطرافه

#تركي_فلاح_الجعفري

[تركي فلاح @tr_ky1]

لاتشتكي من حر دمعك ليا طاح
المشتكى والله مطيح الكرامه

الدمع ينزل من عيونك وترتاح
بس البلا باللي ينزّل مقامه

#تركي_فلاح_الجعفري

[بدر سعود الجعفري 🇸🇦 @bdrsaud86]

ابيات ذهبية لعمي الشاعر القدير
#ثفيل_بن_عويد_الجعفري
بمناسبة حصولنا على المركز الاول في. مسابقة شاعر الابداع

الابيات هي بيرق لي بحد ذاتها

[جهز العنزي - العلا 🇸🇦 @jhz_alenzi]

أبارك لابن العم الشاعر بدر سعود الجعفري #العنزي حصوله على المركز الأول في مسابقة #شاعر_الإبداع3 وتحقيقه البيرق في #شعر_النظم .
مع تمنياتي له بدوام التوفيق والنجاح، وألف مبروك له ولمحبيه وجمهوره.
@bdrsaud86
#جمعية_النخبة_الثقافية
#الشاعر_بدر_سعود_العنزي
#القصيم

[عبدالله البرقاوي @albargawy]

📝 المحكمة العليا تعلن :
يوم غد الاثنين هو غرة شهر ذي الحجة والوقوف بعرفة يوم الثلاثاء 26 / 5 / 2026.

[عبدالـمجيد @a1988a1]

@LDmx أحسن الله عزاك يابوتركي وعظّم الله أجرك وألهمكم الصبر والسلوان وغفرالله له وأسكنه فسيح جناته

[عبدالـمجيد @a1988a1]

#اسمع_اسمع
#صوتية

يا سعود بن خالد نذب الخرايم
في حب من حبّه نواوير و ورود

حطّت بزين الغيد كل الشتايم
وإستفردت بالزين جمله ومفرود

قلبي لها شيخ"ن" قوي العزايم
ولاّ على فرقاه راعي و مفقود

يا سعود طيفه مع هبوب النسايم
وأنا طموحي باللقاء بس ياسعود

✍🏻/ عبدالـمجيد العنزي
@a1988a1

[سلمان الذيـابي @S_alrooqi]

وسع الجهات الاربعه و فجوجها
ضاقت على صدر العليل وساعها

الروح ضاقت بـ الحمول دروجها
ماعاد تسمح : لـ المزيد أوضاعها

ضلوع صدري > ماتعيبه عوجها
ماغيرت [ طبعه ] بعوج أضلاعها

والعالم اللي ما تكب > هروجها
لا كثر <الله> جنسها و أطباعها
#سلمان_الذيابي