َ

[َ @a2iiw_]

بين القبور ضلع من روحي اللهُم أرحم فقديتي واغفر لها :)

[َ @a2iiw_]

من بعد ما بلكته ، صار ينزل نفسه في كل مكان
كأنه يعرض نفسه للبيع مرة ثانية .

[َ @a2iiw_]

سهران لين الحين وعلومي علوم
انا ضحيّة طيب قلبي.. وعيني

ماجاني الغالي وماجاني النوم
على الاقل.. واحد يحن ويجيني .

[َ @a2iiw_]

لو ادري بنوصل لـ هذا اليوم
ماكان صارعت الزمن لاجلك

الذكريات اللي عليك تحوم
احداثها سودا مثل " نجلك "

انا ادري ان اللي حصل مقسوم
والصبر مخرج لي ومخرج لك

حنيتك من اللوم .. ولا اللوم :
راكبك : من راسك ليا رجلك .

[َ @a2iiw_]

واهني اللي ليا حان وقت النّوم نام
ما تجاذبه الهواجيس
للثلث الأخير ..

[َ @a2iiw_]

اسئله واجد فـ بالي وأنا جرحي يسيل
لكن آخرهم ذبحني وتفاصيله هلاك !

من قدر ياخذ مكاني ومن كان البديل ؟
ومن قدر يملي عيونك ومن يسهر معاك ؟

ومن ملك عقلك وقلبك ومن همه تشيل ؟
إن زعل تزعل عشانه ، وترضيه برضاك

هو يحبك كثر ماكنت أحبك ؟ مستحيل
طيب أفهم كيف يعني من يديني خذاك !

[َ @a2iiw_]

أنا الثابت الي ماتغير مع الايام
ولا غيرت سود الليالي قناعاتي

[َ @a2iiw_]

مال هذا "الليل" صبح / و مال هذا "الجرح" بلسم
و مال خيبات الظنون البيض "دكتور استشاري"

واهنيي ، لو جروح الروح / تنباع و تقسم
كان قاسمني رفيق / و جاني من الناس "شاري"

داري أني من "ثلاث أيام" ما أطيق أتنسم
بس عاد من أيش ولا إلى متى؟ مانيب داري.

ليت لو "الضحك" فالميسم / على الخدة يوسم
كان ما ذرّت بقلبي ضيقها "شوم الذواري"

لا تعذلوني و أنا للحين أجامل و أتبسم"
اعذلوني / بعد ما تفشل "محاولة انتحاري .

[َ @a2iiw_]

بعد غيبته ، ماتفرق اللي يصير يصير
انا صرت ما خاف الليالي بعد فرقاه

لاقل الكلام و زاد الاحساس فـ التقصير
تصير العيون ان دققت فـ العيون افواه

لو آحسب منسوب العباير من التعبير
ماعندي كلام اعز من دمعي اللي جاه

مع ان ليلة فراقه ما سوت بـ قلبي خير
تجاوزتها ما قلت حتى " فمان الله .

[َ @a2iiw_]

يا اللي تغلط وتلتفت لي بـ رداك
صكّيتك البلوك.. لجلّه يربّيك

يا مِهان المقام الخسيس بـ خفاياك
حركات رخصانٍ.. وعيبٍ نماشــيك

أفعال شينة.. والردى هو مـزاياك
تـخسى وتـعقب.. ما نـزلنا لـ واطيك .

[َ @a2iiw_]

توكل على الله يالسهر مع صباح النور
من البارحه مرهق جفوني و مشقيها

لاتبدي على شمس الضحى حالي المستور
علشان ما تكحل عيوني و تعميها

لذيذ المنام الي جفاني ماهو بمعذور
عليه الملامه من سوايا مسويها

تركني تحت جنح الدجى بين باب وسور
أصوت على رحلة ضميري و أناديها

ينو�� الحمام وتنكسر ريشة العصفور
لاجيت اجبره شلته وعودت الاحيها

أنا الشاعر الي ونته من ثمان بحور
اسوي من ألونه قصيده و أغنيها

مضامير حزني دونها شكلي المسرور
قلوب الخلايق ساتر الله خوافيها

أدور حوايج خاطري في هباء منثور
ياكم حاجةٍ ضاعت وانا خاطري فيها

عسى الله يعطيني عوضها في جنان الحور
بعد شحت الدنيا بما تملك يديها

عليك الله وكبر يا القساء والشفاء والجور
من اول غرابيل الليالي لين تاليها

أطبطب على قلبي لاشفته بدون شعور
يهز الضلوع الحانيه من عراويها

ما قصرت يا حظي وانا اللي عليه قصور
ما اعرف أتعامل مع وجيه ما أدانيها

تسامح على الخذلان و مجمل ومشكور
لو ال��يبه ماهيب من حظ راعيها .

[َ @a2iiw_]

" خاب ظني فيك من تالي
خيبة اللي صام ما صلى "

[َ @a2iiw_]

صح اني كرهتك لكني مستحيل اني اضرك .

[َ @a2iiw_]

ابشر مع السلامه دامك اليوم بتروح
خذ مابقى في القلب من ذكرياتك

كنت الدوا للقلب والعين الروح
واليوم شوفني طالع من حياتك

بنيت لك في صدر ميدان وسروح
وعطيتك الحب الحقيقي وفاتك

صدتك عني مالها اي مصروح
اخترت فرقاي وهي اليوم جاتك

لا سامحك ربي ولانت بمسموح
بكره بتلقاني من احد امنياتك .

[َ @a2iiw_]

جعلني ما أندم على شيٍ تركته
والله يجعلها مع الأيام خيره

َوجعلني لا تـبّت عن شي وخسّرته
يرزق الله خـاطري بـشي غيـره.

[َ @a2iiw_]

وبعد مافاتنا ركب الحياه و شفت شوف العين
مسارات الطريق و الإتجاهات المصيريه

عرفت إن كل شيء له نهاية و النيا و ال��ين
مصير الشاعر اللي خانت أوزانه قوافيّه

��لاص أعزم على الفرقا ولا لك في رقبتي دين
ترا حنا تعدّينا الخطوط الإستوائيه .

[َ @a2iiw_]

فلا عادني للوصل هايم .. ولا شفقان
أنا حلمٍ يصعب على شرواه تحقيقه .

[َ @a2iiw_]

تبعت نفسي لين طحت بالشين
وعوّدت اجرجر ضيقتي من خبالي
.
ما كنت احب الليل والبعد .. والحين
صرت اسهر لحالي واتقهوى لحالي .

[َ @a2iiw_]

يوم اني أبغي وصالك زاد فيك العناد
" محبتي لك بريئه وأنت جرّمتها "

الجيّه اللي تبيها طاب منّها الفواد
لو حللوها شيوخ الدين حرّمتها .

[َ @a2iiw_]

مالي ملام ان كان شافوني تغيرت
أنا أكثر من كفى شره وماكفى خيره

علي السلام ورحمة الله إذا قصرت
أنا أكثر بني آدم عطى فرحته غيره.