تركي العنزي

السعودية ، الجوف ، سكاكا

[تركي العنزي @a2of_h]

ستكتشف حين تمضي بك الحياة بأن كفاحك واستمرارك لم يكن حبّاً في نفسك أو حبّاً بالحياة بل كان دائماً لأجل من تحبّهم !

يقول الشاعر محمد المقحم :

كم واحدٍ قاضيٍ حيله وودّه يطيح
وتوقّفه نظرة اللي يحسبونه قوي

[رضا حليس الرويلي @REDHAHLES]

#حبيت_أقول

اسهبت بالذكرى ومر اشرس سؤال
ليه الفرح دايم ضحيه للحزن

#رضا_حليس

[تركي العنزي @a2of_h]

بعض المشاعر نطلعها نبيها تموت
ونموت منها ميّة مرّه .. وهي عايشه

- خالد مبارك

[تركي العنزي @a2of_h]

ابن عمك درع جنبك هو الجنب المتين
لا تغشه من يمينك وهو يامن بها

لا تطيّح لك عمودٍ على الخيمة عوين
ما يعوضك عنه مس الحبال وطنبها

يبن عمي لا تواصل طريق الحاسدين
والله اني خايف انه لا يلحق ذنبها

ويش فيها لو طلعنا على القمة اثنين
ما نزل قدر المدينه .. ومكه جنبها

-تركي بن حصين

[عبدالله السراهيد @Alsraheed]

دامنا في رخا .. واللي نقوله نطوله
الله يزيد غلّ اهل النفوس السقاما

اتباعًا .. لـ دين الله ( وسنة ) رسوله
كل ما نسمع الجهّال .. قلنا سلاما

[تركي العنزي @a2of_h]

بعد الخلاف تعرف مكانتك الحقيقية في قلوب الآخرين

[إمارة منطقة جازان @jazangov]

سمو أمير منطقة جازان
#محمد_بن_عبدالعزيز
يستقبل مدير جوازات منطقة جازان المكلف العميد طليل العنزي.

[تركي العنزي @a2of_h]

كنّا بلا جنحان، واليوم طرنا
اثْر السما يا صاحبي برد وغبار

وكنّا نبي نكبر، ولمّا كبرنا
صارت أعزّ احلامنا نرجع صغار

@khalafalkurya

[مشعل العنزي @msh_1811]

واقف مابين الجروح و بين راعيها
أنظر لعجز اللغة إنها تواسيني

ما تزعل الهقوه اللي كنت هاقيها
كثر الحذر بعدها لا صار روتيني

يكبر مع النفس خوفٍ في خوافيها
يشعرني إلحاحه إنه أصل تكويني

خليت حاجات واجد خاطري فيها
من خوفي إنها على غفله تخليني

[تركي العنزي @a2of_h]

من يملك اعصابه يملك المشهد كله.

[تركي العنزي @a2of_h]

الحياه الرغيدة والترف والنعومه
لا تخرّج صبور ولا تخرّج عصامي

ينطح الخوف رجالٍ تغرّه عزومه
ياخذ أحلامه من الموت والضرب حامي

- عبدالمجيد الذيابي

[رضا حليس الرويلي @REDHAHLES]

يارب لا ترفع للانذال رايه
وياجعل حساد العرب مايسودون
والاختلافات اختلاف الربايه
رغم اشتباه اللايحه وجه وعيون
قل ماتشاء وتشتهي من ورايه
وياشفتني يضحك لك حجاج وسنون
بلغ كفوف الطاعنين بقفايه
ياجعلهم من وزرها مايقومون
وموسى تخيّر مع عصاه الهدايه
مع انها تقدر على اهلاك فرعون
وابليس كان ايمانه من البدايه
وزين البدايه مابها شي مضمون

[تركي العنزي @a2of_h]

من علامات الرُّقي الإنساني

مراعاة مشاعر الآخرين مهما كانت منزلتهم هو واجب إنساني وسلوكي وأخلاقي ، لاتجرح أو تحرج أحد مهما كانت المبررات.

[تركي العنزي @a2of_h]

لا خير في ود يأتي تكلفاً

[مشعل العنزي @msh_1811]

من شالنا بالعين شلناه بالعين
.. وان ضاقت الدنيا لقانا رصيده

ومن خصنا بالزين نكسيه بالزين
.. غصب ٍ علي خشم الامور العنيده

@k_ald3san

[مشعل العنزي @msh_1811]

وساع الثنايا ..
—
لقب قبيلة عنزة لحسن تعاملهم مع الجار وأشهر ابيات الشعر عن القصير كانت لهم :

قصيرنا ماحشمته عندنا يوم
يزيد مع زايد سنينه وقاره

اليا قزت عينه قزينا عن النوم
والشيخ مايفرض عليه الخساره

دونه نروي كل حدٍ ومسموم
ونرخص اعمارٍ دون كسر اعتباره
- #رميح_الخمشي

الجار لا بدّه مقفي عن الجار
وكلن بجيرانه يعد الوصيفه

نرفى خماله رفيه العش بالغار
ونودع له النفس القوية ضعيفه

احد على جاره بختري ونوار
واحدٍ على جاره صفاة محيفه
- #محمد_الصقري

حاميك انا يا نجد بالرمح والقنا
في لابة تسقي الخصيم امرار

حنا شبات الحرب صبيان وايل
ملجا الضعيف مدلهين الجار
- #عبدالله_المحزّم

ياحي والله قربكم #يالشعالين
قصيركم ماشاف منكم ممله

يامدلهين الجار منتم خفيين
شيماتكم بدت على الناس كله
- #ابن_رمال_الشمري

[مشعل العنزي @msh_1811]

كل ليله قبل صوتك تنقل الحزن وتشيله
ثلثها راح انتظار وباقي الليله حسافه

من رهن عمره بصوتك كيف ماله بالطويله؟
طولي عذب الكلام وقصري بعد المسافه

مهتوي نجل العيون السود مابيديه حيله
لالقا فيها أمانهْ مابقى شيٍ يخافه

من لمح ذاك الجبين اللي كسر لونه جديله
جاب عمره في يديه وراح ينعم في ضفافه

طايشٍ شاف القبال وعاف عادات القبيله
لو تضمينه دقيقه جا يبايعك الخلافه !

@az_alrslani

[تركي العنزي @a2of_h]

على كثر المديح اللي يرد الروح
ماجاني مثل جعل أبوك فالجنه

- عبدالله السراهيد

[تركي العنزي @a2of_h]

إن تواصلنا مع الغالي بنفس اسلوبه
شـك حتى في محبتنا وفي مذهبنا

وأن عطيناه الغلا والكلمه المحسوبه
صـد منا لين شمنا من غلاه و تبنا

يستفز شعورنا وقلوبنا المقلوبه
الحبيب اللي ما صدقنا ولا كذبنا

- علي الدعيه

[رضا حليس الرويلي @REDHAHLES]

#حبيت_اقول

لو ماهو انتي كان ماقلت لك تم
اشيائك تخلي للاشعار قيمه

اذا تبسم فمك هذا ماهو فم
هذا من الحان السماء الكريمه

لمة خدودك مثل جمعة بني عم
تجمعو من شان رد الضليمه

#رضا_حليس