1

شابت بنا الايام قبل المشيب

[1 @a3jmx]

جاهدني الوقت لين اتعبني جهاده
خلاني اقنع بحاجاتٍ ما تقنعني

[1 @a3jmx]

ومازلت أعاني . . من شقى جور الأيام
ولا زالت الأحلام قيد الدراسه

[1 @a3jmx]

دعيت ان العوض يآتي كبير وما ذخرت آمين
عسى اللّٰه يطفي أوهام الشموع بلحظة احراقي

يمر العمر والحزن يتلاشى والطريق يزين
واغني كل ما يلمس شعوري لهفة اوراقي

أعرف ان العوض دايم يجي لكن يجي بعدين
أنا ما كنت اظن إن العوض يستاهل إرهاقي

[1 @a3jmx]

آسين ياقلبي على ماجرى لك
وأمحق سنه قفايتة موجعتني

[1 @a3jmx]

من كثر ماصارعت ذاتي بذاتي
نصي يبي الدنيا و نصي يبي الموت
- فهيد بن ثنوا

[1 @a3jmx]

ودي اشرح لك ظروفي واتكلم
بس اخاف تشيبك قصة حياتي

[1 @a3jmx]

يالله يارافع سماك إرتفاعي
مدك ولا مد اليدين البخيله

أنا اليا ضاقت علي المساعي
أشكي على راعي العطايا الجزيله

وأنا ليا جاني من الربع داعي
يا عنك ما روحي عليهم ثقيلة

[1 @a3jmx]

من كثر ما فيني من الكتمان والسر العميق
احيان مع نفسي احس اني عليها مغترب

اداري الضايق واقول ان الحزن بك مايليق
وانا بصدري ضيقة الي حس موته يقترّب

- ناصر الفنيد

[1 @a3jmx]

ياوجودي وجد من ضاقت به وساع الخبوت
منهزم من كل صوب ومنكسر من كل ذات

[1 @a3jmx]

كل يوم اقول ماردها بكره تزين
والصبر يبقى سبيل الليالي المقبله

[1 @a3jmx]

صحيح ماجتنا الليالي على الكيف
مره تجينا ثقال ومره خفافي

الحال مايحتاج نشده وتوصيف
ماكل يومٍ ينحسب لي عوافي

ظروفنا تشبه سحاب من الصيف
بعد المطر تهب صلفَ السوافي

وليا نشدنا من يحب السواليف
قلنا بخير ولا لحقنا . . خلافي

[1 @a3jmx]

كانت عنيفه الدنيا بداياتي
ياكبدي اللي تزمش ضيقتي زمي

تقبلي ياطموحاتي تحياتي
ماعاد عندي خيار واقول سمي

ياللي تلاحظ ضمور ف معنوياتي
المخلب اللي يدمي عاده يدمي

خيرني الوقت في الدنيا وفي الذاتي
واخترت ذاتي وكفي فاهقٍ كمي

واللي مقدره ربي عاده بياتي
لو بيني وبينه توقف بني عمي

[1 @a3jmx]

بعد ما كانت الدنيا كبيره والصدور وسّاع
تلاشى كل شي وصارت الدنيا كبر كفي

أنا مانيب ضايق ضيقة المتطّرف الجزّاع
أعرف إن القدر ماهوب دايم واقف بصفي

[1 @a3jmx]

الحمدلله 💌

[1 @a3jmx]

لي عام عايش . . اكثر الأيام خوف
حتى أمنياتي ما أتذكر شكلها

[1 @a3jmx]

عسى الله يزينها ولا ادري متى بتزين
و عسى الله يصبر واحدٍ ماغفت عينه

[1 @a3jmx]

ليتني طير لا ضقت انفرد وأتعلـّى
كان ماضاقت الأربع جهات برحبها

- عبيد فهيد

[1 @a3jmx]

كم بكت عيني عليك وكم بكت لي
شوف جفني وانشده بالله وساله ؟

كل ما نود السعاده هبهبت لي
انتكست وجات حالي منك حاله

- علي بن حمري

[1 @a3jmx]

تسلل علي الضيقه الي تقد الجوف
ايلين العيون تسبل الدمع وتصبه

اصدد وانا مستوجع وخاطري ملهوف
ولا ودي يلاحظ علي كل متنبه

لا قفى النهار وحان وقت الغروب اشوف
الارض الوسيعه في عيوني غطا دبه

[1 @a3jmx]

البارح أحارب نعاسي عشان أسهر
واليوم أدور على الغفوه ولا القاها