انا شتات ايام لكن تلملمت
ضحكات وجهي للزمن لاتغرك .
ياما سهرت الليل ظلم وتظلمت
حالي قبل لو شفتها ماتسرك .
من تجربة عمري عرفت وتعلمت
ان الردي مهما نفعته يضرك .
ثامر شبيب
غديت اودع المقفي ولا آحب اسمع التبرير
أشوف ان التفاصيل الكثيره ما لها داعي
فـ انا يا اللي تظن اني بدونك ما احسن التدبير
هجرتك واشتعل نور الحياه و زانت اوضاعي
فلا شكراً على وقتك ولا اعذرني على التقصير
انا من يوم فارقتك تلاشت معظم اوجاعي .
يالله اني دخيلك يالملاذ الاخير
الليالي من أحداث الفتن وافره
يالغفور الرحيم ويالسميع البصير
من تنصّاك شاف المظلمه سافره
جيتك بكل شر ومرتجي كل خير
ويل نفس بنعمة رحمتك كافره
في ديار المعاصي فاقد لي ضمير
سافر وراحتي من بعده مسافره
يقرب إبليس من قلبي وقلبي كبير
طمّع الشك فيه وطالت أظافره
ادري الذنب مثل الكذب حبله قصير
ليت عيني من دروب الهوى نافره
كل ما ذقت كاس من الندامه مرير
قلت مافيه ذنبٍ مـ الله بغافره
عمر الإنسان مهما كان وضعه خطير
فيه للموت ساعه مالها صافره
كان مالي مع التوبه نهاية مصير
عشت عمري وقبري في يدي حافره !
خسرت .. لاوالله فدتك الخسارات
ياغلا من الدانه بعينن بخيله
ماقلت لك قصة بعيد المسافات
اللي معه بشته وسيفه وخيله
ضحى بهم منشان سود ٍ وسيعات
الله يعين اللي مفارق خليله
جيتك اشيل من التعب كثر مافات
طرقي وهدت سود الايام حيله
خذني من ايدين الحزن للمسرات
ليله معك عن الف ليله وليله
سقى الله زمانٍ زال وبالذاكره مازال
فداه العمر لو راح الاول مع التالي
قبل من عوايدنا نعشق السهر لا طال
معي بكل يوم وليله اقرب من اظلالي
تنام بعيوني فارعه ماعليها شال
سترها الغلا والخوف من عين عذالي
وفجأه بلا موعد صحينا على زلزال
اخذ كل شي ولا ترك غير غربالي
#للمبدع_ثامر_شبيب