ِ

[ِ @a6lux]

أشوفك في صباحات الأماني وابتسام الحال
وأحنّك في غروبٍ ياخذ الشمس من أياديها

[ِ @a6lux]

عن هواك العذب لا ناسي ولا متغاضي
و عن هوى غيرك عيوف ولا طرا لي نيّه

[ِ @a6lux]

ما يشبهك الا الخير لا صارت الدنيا مطر
تمطر وقلبي على صوت المطر يدعي لك

[ِ @a6lux]

عليك يتبارك جعل سود القلوب فداك
وجعلك من اللي كل عامٍ يصومونه 🤍

[ِ @a6lux]

أنت السنين الوافيه و أنت القريّب اللي بعيد
وأنت الحظوظ الصايبه اللي مشيت أسعى لها

[ِ @a6lux]

أمرّك والدروب .. إن ساومتني خطوتي عيّت
أنا دربي خطأ من قبل أعرفك و أنت تصحيحه

[ِ @a6lux]

ليت لي حيلةٍ و احتال في طيفك اللي
وين ما لدّت عيوني .. بـ دربي لمحته

[ِ @a6lux]

فداك العُمر و أحداث الزِّمن و المشكله و الحل
و قلبٍ ما يعرف من الغزال إلَّا تلفاته

[ِ @a6lux]

مصير الشوق يعثى في حنايا مُهجتك وتلِين
بوقتٍ فيه يابعدي عليك .. وياصعب جياتي

[ِ @a6lux]

يا علّ الدروب إللي تضمك حيّا وأزهار
لو إنك تعيش أيامك البيض من دوني

[ِ @a6lux]

تجيبك طواري الليل لا راح ثلث الليل
ويدعيك قلبٍ .. لا تناسى ولا هوّن

[ِ @a6lux]

على كثر الشتات اللي يمرّ .. ويربك أفكاري
لقيتك ظلّي الثابت ، معي دايم على الهقوة

[ِ @a6lux]

يوم شفت ان المدى محدود وعيونك هويّه
استخرت من المنافي عنك .. وأخترتك بلاد

[ِ @a6lux]

هو رفيقي في متاهات الدروب ونوم عيني
كل ماضاقت فجوج الأرض يبسط راحتينه

[ِ @a6lux]

سقاك الحبّ وأحياك الوصل يا خيرة الأحباب
وعلى ذكرك شريط الذَّاكره يمشي على هونه

[ِ @a6lux]

عطاك الله وجٍه قد سعى فيه القصيّد وطاف
يا قربه من هدب عيني ويابعده عن كفوفيّ

[ِ @a6lux]

يارب خذني من التيه لطريق اليقين
واكتب لي الفرحة اللي ما فرحها بشر

[ِ @a6lux]

هات مثلي من عطى قلبك أمان
وهات كثري من على أطباعك صبر

[ِ @a6lux]

يا وجهٍ تقول انّه من العافيه مقطوف
ليا شافها المؤمن .. تزحزح عن ايمانه

[ِ @a6lux]

عاد للماضي الجميل اللي رحل فالعين صوره
وعاد قلبي مانسى ضحك الوجيه الي صدفها