مـحـمـد

. ماعلى الدنيا عتب كل مافيها اماني ,✿

[مـحـمـد @a70_81]

عليك السلام الوافر بكل وقت وحين
يامن غاب عن عيني ولا غابت أطيوفة

يقولون لابد اللقاء يجمع الحيين
وأنا أقول لولا الوقت ما شانت ظروفة

سقى الله يوم المواجة شبة روتين
وجلساتنا بالود والشوق محفوفة

قبل دمعة الحسره تبل الجفن وتبين
وتستوطن الاحزان في جوفي وجوفه

[مـحـمـد @a70_81]

تغيرت واغراك الزمن و الزمن خلاك
تسير الغياب بليلة خاطرك راضي

لكن لا نويت ترد لي ماهو بحياك
من الليله اللي غبتها ماني بفاضي

[مـحـمـد @a70_81]

على مواني الظما جفت مشاعرنا
موج الرجا ما عرف وجهة موانينا

ياما و ياما مع الآمال هاجرنا
وياما رجعنا وحنّا دون امانينا

[مـحـمـد @a70_81]

يبتدي صبحي معاك وينتهي
عقب ليل كل احاسيسي معاك

حتى بين الخلق عقلي ملتهي
كن مابه يابعد شوفي سواك

[مـحـمـد @a70_81]

مال الموادع لا سؤال ولا جواب
حتى لو انه في وسط قلبك قلط

راضي توادعني وانا تحت التراب
لاكن توادعني وانا عايش غلط

[مـحـمـد @a70_81]

@AhlamMhmd65192 وعليكم السلام

[مـحـمـد @a70_81]

والله محدن عن اغيابك معوضني
العين عيت تخلي من سكن فيها

والوحده اللي من افراقك تحاصرني
يشهد علي خالقي ماني بقاويها

من يوم ربي كتب تبعد وتتركني
والنفس ما عاد اواطنها وادانيها

انت اول انسان في حبه تملكني
واغلا من اقصى البشر عندي ودانيها

[مـحـمـد @a70_81]

الدمعه اللي تعذبني وتفضحني
ياليتني عن عيون الناس مخفيها

ماكنت ابي حد يلمحها ويفهمني
ولا يعرف وش مضايق عين راعيها

ياللي دموعي على شوفتك تسبقني
عشرتك ماني عقب فرقاك ناسيها

ياكثر تطري على بالي وتسعدني
وياكثر مابكي على الفرقا وطاريها

[مـحـمـد @a70_81]

هجرت لك ناسٍ تحبك وتغليك
وحبيت لك ناسٍ يضرك سهمها

بقول لك كلمه عساها تصحيك
ناسٍ تحبك مير قلبك ظالمها

[مـحـمـد @a70_81]

الشوق يلعب بي من ايام فرقاك
وسيل الغلا فالقلب زاد اندفاعه

والقلب زادت دقته من جفاياك
كنه يبي يبني لنفسه مناعه

والوقت كنه واقفن حيل وياك
ساعه تعادل يوم ماهي بساعه

والعين ذبلانه عسى الرب يبلاك
ماعاد فيها للكرا بستاطاعه

لاجيت ابرقد مرني زول طرياك
واسهر الين النور يظهر شعاعه

[مـحـمـد @a70_81]

ياكيف انسى ماضي ما تناساك
يلي بحبك تجعل القلب مفتون
/
ويلاه لامن بالخفا مر طرياك
من شافني في حالتي قال مجنون
/
يازين ارحم خافقن يتمناك
وارحم محبن في هواك مديون
/
يا ليت قلبي يلتقي دوم وياك
يا اللي بعيني تسوى مليون فالكون

[مـحـمـد @a70_81]

ليتك تشوف اللي مضى عقب فرقاك
وتشوف حالي عقب فرقاك وشلون
/
بعد الجفا والتضحية كيف بنساك
يلي غلاك ابداخل القلب مدفون
/
يفداك قلبن عاش بالحب ذكراك
قلبن من اسباب الجفا صار مسجون

[مـحـمـد @a70_81]

الله يساعدني على طي ذكراك
يلي تراودني على ماطرالي
/
وسويت قرعه بين وصلك وفرقاك
ورست على فرقاك ولانت غالي

[مـحـمـد @a70_81]

@noni4ii 🧑🏻‍🦯🤞🏻

[مـحـمـد @a70_81]

عييت لا القا فالاوادم حلاياك
كن الجمال اليوسفي فيك داره
/
الحب مدري ويش تاليه وياك
والكون ما نقدر نغير مداره
/
تعبت من قلبي وحبك وممشاك
سببت لي سكر وضغط ومراره
/
رح يا عسى قلبي مع الوقت ينساك
وان ما نساك القلب طال انتظاره

[مـحـمـد @a70_81]

ملزوم انا احبك وملزوم انا انساك
وملزوم قلبي يقتنع في قراره
/
بس المصيبه يالغضي حرت وياك
قربك وبعدك فالحقيقه خساره
/
إليا بغيت القلب يازين يجفاك
عيا يغير عن طريقك مساره
/
عايش على حبك وعايش بذكراك
حبك بقلبي يالغضي شب ناره

[مـحـمـد @a70_81]

طبع حبك بقلبي و الايام ما تمحيه
🤞🏻🧑🏻‍🦯

[مـحـمـد @a70_81]

لك علي ما انساك لو طال البعاد
ولي عليك ان طول غيابك تمر
/
موعدك لا مال جمري ل الرماد
وشبّ ليلك من سنا نور القمر

[مـحـمـد @a70_81]

عسى مقبلة الايام تجبر عزي الي راح
وعسى الضيقه اللي فالصدر تنقلب فرحه
/
اسولف مع العالم و اجامل مع المزاح
وانا وسط صدري شي يصعب علي شرحه
……
🇬🇧🧑🏻‍🦯🤞🏻

[مـحـمـد @a70_81]

على القلب يطري صاحبِ ماقدر اجيه
وعلى العين تعرض صورته في كل حزه