ر

[ر @a7ii1ii]

@_women_sun_ ضد

[ر @a7ii1ii]

الغلا لو مات والحقت بالشك اليقين
وجه عشرتنا بياضه حرام تسوّده

نظرة الشوق الأخيرة وتلويح اليدين
يا تنقص قيمة الودّ ولا تزوّده

وين من قالوا لظى الحبّ تدهمه السنين ؟
ما دروا بإن قلبي إن حبّ شخصٍ جوَّده

هذا أنا في كل ليلة على درب الحنين
متعب الذكرى وهي رايحة ومعوّده.

[ر @a7ii1ii]

قبل أعرفك أشوف إن الأماني بابها مسدود
إلين إني عرفتك و إبتدت رحلة ملذاتي

وصالك ضوح برق وقافر ٍمزهر ونسمة نود
مثل ما غيبتك قاعٍ يباس وليلها شاتي

معك مااشتقت للماضي تقول إن العمر مردود
لو أحلف حلفت إن عمري اللي فات ما فاتي

[ر @a7ii1ii]

مالي مكان بمكان مّا يقدرني ولا يعنيني
رفيع شاني منّ اول أجدادي لين حدّي

أقتصد الرفعّ والمكانه والكمال والتغليّ
النقص مّا أرضى به ولا يقرب صوبي

الكمال ينكتب فيّ معاني حروفي
والنقص يكتمل لا لمّح طاري اسمي

[ر @a7ii1ii]

منقاد لك قلب وعقل منقاد يا قايد الأثنين ومرادي
لك الكلام اللي ماهو معتاد ولك الشعور اللي ماهو عادي

فيك أنت اترجم هرجة النقاد وشلون أكون الراكد الهادي
وفيك أتغنى وأقهر الحساد وأهيم بك من وادي لوادي

لمحتك تفرحني سنة وش عاد
لو كان بين يديك مقعادي

[ر @a7ii1ii]

تذكر … عندما يكون الشيء مكتوبًا لك فعلاً، سيأتي ومعه وضوح وطمأنينة؛ لا خوف ولا ارتباك ولا هذا النوع من الشك اللي يستهلكك من الداخل ويخليك تخطئ من خوفك وجشعك !

او مثل ماقال الشاعر :
أن كان همّك سالفة سحب البساط
أرتاح …. ما تحتك بساطٍ نسحبه

[ر @a7ii1ii]

مشينا الدرب هذا من طهارة سكتّه حافين
تمادينا عليه وكل ما يرضيك يسعدني

بعد كل المراحل من بدت دنياي لين الحين
صدفتك يا كبر طيب الزمن والحظ مكرمني

معك استطعم الدنيا ومقبولة معك وتزين
ومن قبلك وسيعات الأراضي ما تناسبني

[ر @a7ii1ii]

« العيون مغاريف الكلام »
بمعنى:
مهما حاولت إنك تخفي إلا أنها فاضحتك

وفي رواية أخرى :

متحلف في لسانه أنه ما يقول
وعينه ما خلت شي إلا وقالته

[ر @a7ii1ii]

مابيَّن:
-على خير أشوفك كان حنا من الحيّين
مصير الليالي تجمع الحيّ مع حيّه

وبيَّن :
-مصير الزمن لادار كانك من الحييّن
يعلمك أنا وش كنت ،والناسّ وش كانت

[ر @a7ii1ii]

@ly_mhmd45088 اعوذ بالله ان شاء الله خطا

[ر @a7ii1ii]

«أحبّك..كن ماقبلك عزيز ولا سواك شعور
لو إن الناس مرّتني أحبّك من حناجرها

كأنك أرض تأويني وكنّ العالمين بحور
و كنّي شعب ما يقدر يسافر أو يهاجرها»

[ر @a7ii1ii]

من تذكرتك جلست ،، اتفدّا
«جعله فداك اللي مانيب آتفدّاه »

اغليك لا عادي / و لا هوب جدّا
الاّ اكبر مْن الحب كلّه و معناااه

مطلق الودعاني

[ر @a7ii1ii]

يقول خالد الفيصل
أحب النادر اللي محد يطوله
أحب كل صعب لغيري ما تهيأ

ويقول بدر بن عبد المحسن
الله يرحمه:

إن هويت لا تهوى إلا الصعب الثمين
ولا يروي ضماك بير كل عابرً أرتوى منه

[ر @a7ii1ii]

وأنا يا أجمل مقاديري غريبٍ ما عْدلت دنياه
سوى في فرحةٍ من قادم الأقدار منهوبة

أنا ماني بقيس اللي يغنّي في ذكر ليلاه
أنا اللي ساترٍ حبّك مثل ما يستره ثوبه

دفنته بالحنايا وأزهرت عيني على طرياه
وبيّن حبّك بوجهي وقالوا مين محبوبه

[ر @a7ii1ii]

«أثر الأحبة شفاء، ووجودهم حياة إضافية.»

وقيل في ذلك:

يا أعظم من بقى يلمح في وجهي نوري الوقاد
تعال أسرقني من سُخف الحياة وعالمٍ فاضي

توسّدني وطن لو ما وسعٍ صدرك فضاء وبلاد
أنا كل الدروب اللي تخلت عنك في الماضي

[ر @a7ii1ii]

أحبك ولو عادت جميع الوجيه أغراب
خذيتك أمانٍ يشرد الخوف من طيبه

اشوف الحياة الي مع الناس ملح وذاب
واشوفك يقينٍ يقطع الشك والريبه

ابيع السنين الي بدونك برخص تراب
و اساوم على اللحظة الي معاك انت بالي به

[ر @a7ii1ii]

هناك عقلاء يغلب عليهم طابع الصمت، لا عجزًا عن الكلام بمعنى آخر :
" إذا الحكي يصنع من الشي لا شي
لله در الصمت .. وش كان سوّى "

[ر @a7ii1ii]

" بيَّن القلب والعقل، ومنافذ الذكرى "

قال خالد بن مبارك؛
«كل مافكرت بالقلبْ حبيت الجميّع
وكل مافكرت بالعقل، ماحبيْت أحد»

وإيضًا سعود بن مبارك؛
«تارك لي ذكريَّات ومداهيّل وراي
خاطري فيها، وأنا ما أقدر أعوَد وراء»

[ر @a7ii1ii]

شخص واحد
تعدى كل انواع صلة القرابة والعلاقات هو وليف الروح الي ينقال عنه :

"وتراك الفارق الي مايجي مثلك ولا شرواك
أنا وياك عشت اغلى سنين العمر وأجملها

والله إنك يميني يوم هالعالم يسار
وإنك نوري وباقي الدنيا سواد "

- يعني أنت الكل فالكل❣️

[ر @a7ii1ii]

« على كثر ما عرفت من العباد أجمعين
مافيه من بعدك اللّي يستحق الغلا »

- تركي بن جويعد