َ

[َ @a9jmii]

ماعاد عندي من سمان المعاذير
غير الخطوط اللي على بطن كفّي

دربك شفوف و درب غيرك مقادير
و انا ماعرف اعاتب .. اعرف اقفّي

باقي عشان انساك عمر و مشاوير
و الخطوتين اللي معي ماتكفّي :)

[َ @a9jmii]

بـ اختصار أنا اختصرت المسافه وانصرفت
تاركٍ لـ رضاك عرض البلاد — وطولها

بكره أو بعده تعرف أني اطيب من عرفت
عاد ذاك الوقت / مالك لسان تقولها

[َ @a9jmii]

"فاقد الحيّ مهما يفتقد .. مافقد / فقد الأموات هو فقد الحياة الصحيح" اللهم ارحم موتانا

[َ @a9jmii]

توكل لا توادع رح عسى درب الجفا المسهوج يصادف درب فرقاً عقبها ما تلمحك عيني

[َ @a9jmii]

عادي ترا مو كل انسان قادر يحشم قيمة غلاه ولا كل انسان قادر يكون عند الهقوه والظن ، هي كذا مرا تصيب ومرا تخيب
« الغاليين احيانًا
يكونون لنا في الحياة عظة وعبرة »

تعلم وامش

[َ @a9jmii]

مرحباً اما بعد:

عندما توادع من تحبه وتغليه وانت متردد تقعد معه او تخليه بسبب شك او شي آخر وقلبك مازال عاشق له

وقد قال الشاعر في ذلك :

عشت ليلة وداعك بين شك ويقين
منكسر خاطري والدمع ماله ذرى

حبيت عابر سبيل ورحت عابر حنين
خطوتي للأمام ونظرتي - للورى -

[َ @a9jmii]

الهقاوي حملها أثقل من جبال السرات
لا تعلقها على اللي ما هو بـ كفوٍ لها

— عبدالله السراهيد

[َ @a9jmii]

ترا المُحبّ يلاحظ
يلاحظ تغير محبوبه وهو يتغير عليه بالتدريج والشاعر مبارك بن وافي وصف تغير المحبوب يوم قال:
« أثر المواصل لا غدى من غير روح مثل المصافح عقب .. حب الخشم »

وقال جابر النشيرا
« ياوجودي أن عوّد المألوف مثل الغريب
ذي والله الحاجه اللي تستفز الشعور »
شعور مؤلم

[َ @a9jmii]

عسى دارٍ تضمّك ياحبيبي للمطر والبرق
ثلاث أربع ليالي لين يثّر بك ويثّر بي

[َ @a9jmii]

حجم الخيبه في هالبيت يوم قال الشاعر :

‹‹ الجرح هذا لا يمكن يجي منك
شكلك موصّى علي من كل عدواني ››

[َ @a9jmii]

غاب عنّي شخصٍ غالي و غابت معه أيّامي
وفقدت لذّة هالحياة وصار الفرح ما له لذّه

ما عاد يفرق من رحل ومن بقى قدامي
أكتفيت بنفسي وعزلتي والروح منهدّه

أضحك مع العالم وقلبي غارقٍ بآلامي
ما أبي من هالدنيا سوى شخصٍ فقدته

[َ @a9jmii]

بتفقدني ليا من بل دمعك شالك المطروح
ولا عيّنت حولك من يحن الناعس الخدري

و ترجع لي تشيلك حسرتك شيل البحر لـ اللوح
و أغني لك و أنا مشتاق لك « ما عاد به بدري »

ما والله تدخل لـ قلبي لو إن قلبي سفينة نوح
عقب ما جاك مصفية الهيام و صرت له جدري

[َ @a9jmii]

خذاك الموت رغم إن العمر توه على فرقاك
أبعرف ليه مستعجل رحيلك يا بعد عيني ؟

وقف عمري على آخر ليالي عشتها وياك
وأحس روحي طفت بعدك وأدوّر من يضويني

تبكيني الصور وأطيح من حيلي بدون إدراك
وأنا ما قدرت الدنيا علي إنها تبكيني

[َ @a9jmii]

لا تستنزف طاقة الشخص الحنون
عشان مايصير لك مثل هالبيت :

- مره ازعلتني و نمت عادي -
ومن بعدها ماعاد في قلبي لك حميّا

[َ @a9jmii]

قال محمد المقحم /

ما أقدر اعايش إنسان غبي مشاعريًا
أنا كريم بالمشاعر و أخاف اني اشح بالعطاء

مايناسبني أبدًا بخل المشاعر و أنا شخص فياض ، ماتناسبني ابدًا الهوامش

" أما الوضوح والأولويه لي ولا فلا "

[َ @a9jmii]

أعلى رتب المحبّه إن الشخص يتمثل معك
بشخصية مايتمثل فيها مع شخص ثاني

مثل ماقال أحد الشُعراء :
«على غيرك عمى عين وجفا قلب وثقيل لسان
وعليك أنت الخطاوي تسبق أوّلها تواليها»

وأيضاً :
«مع غيرك حدودي ثابتات / ومعك متمادي»

[َ @a9jmii]

لا تندم على المعروف ياراعي المعروف
ليا ضاع عند الناس ماضاع عند الله

–سعود مبارك

[َ @a9jmii]

كنت أحاول أن انقذ الأشياء
أما الآن ؟
أنا استمتع
في مشاهدتها وهي تهوي ..

[َ @a9jmii]

ذكرتك بين زفرات الحنين وشهقة التفكير
أنا مانيب ناسي ما مضى يا أعذب مشاويري

أنا اذكر اول أحبك .. تسابق صباح الخير
ما خفت أقولها كثر ما خفت يخون تعبيري

يردك كل ما طال الغياب فـ بالي التذكير
سعيت ألقاك لكن ما قدرت أسعى لتغيري