عـ

[عـ @a9ry_]

القصيد أمره مطاع وكلمته مقيولة
إن بغى يلعب بقلبي وإن بغى يلعبّي

[عـ @a9ry_]

يقولون مابه قمّةٍ تستوي بالقاع
وأنا أقول تحت القاع ودّعت لي قمه

اللهم ارحم جدي واغفر له وجميع موتى المسلمين 🤍

[عـ @a9ry_]

علي الحرام إن للمطر في بلادي فرق
مثل فرق بيت الله عن بيوت خلق الله

[عـ @a9ry_]

كلّ ما زاد المطر والقاع تقبل صبّه
قلت: ياربّي .. وانا عبدك ولا تخلّيني

احفظ اللي والله إنّ اموت وانا أحبّه
واغفر ذنوبي وخلّه لي ولا تشقيني

[عـ @a9ry_]

واحدٍ حظّك معَ حظّه يساير
شايفٍ القدر فالعشر الأخيره

[عـ @a9ry_]

يقولون مابه قمّةٍ تستوي بالقاع
وأنا أقول تحت القاع ودّعت لي قمه

اللهم ارحم جدي واغفر له وجميع موتى المسلمين 🤍

[عـ @a9ry_]

أنا لي ثلاث أيام مانيب ذاك الزود
أحس إن مزاجي ماش وإن جوي معكر

أبي لي مكانٍ فيه سجه وهبة نود
مابي لي مكانٍ فيه جدران ومسكر

[عـ @a9ry_]

منازل حبيبي جعلها جارح السيلي
احب الديار اللي هوا البال قد جاها

عيدان بن راجس

[عـ @a9ry_]

أثرني ماقدرت أنسى وأثر بعض الطواري زند
تثوّر عبرتي من أقصى ضميري وأول أحزاني

أقول اللي أقول من السوالف لكن أسكت عند
كلامٍ لو أقوله نبش جروحي وبكاني

شعور الفقد يوجع والهوى أن هب ماله ند
يبعثرني ولا يخوفني الا زلة لساني

[عـ @a9ry_]

من سمع فيك القصايد قال : للّه دره
مادرى انك لا انت سامعها ولا قاريها

ماورى حدب الضلوع إلا الزعل والحرّه
والطعون اللي غلاها من غلا راعيها

[عـ @a9ry_]

البعيد اللي رمى اللّه في يدينك سره
أمنت نفسه عليك وبيحت خافيها

ماجعل بعيونه الكون اصغر من الذره
غير عبرة خاطرٍ فيها اللي مكفيها

طالبك لا تيحت الفرصه تمره مرّه
القلوب اللي مثل قلبي من يخليها ؟

قد نصحت عيونك اللي ب اللقا مسترّه
العيون اللي يكحلها الجفا يعميها

[عـ @a9ry_]

لايجي بيني وبينك للمعاتب جره
عود عيونك تنومها وانا اصحيها

حالف ان الوقت لك حلوه وانا لي مره
والحياه اللي ماعاد انشدك عن تاليها

لا ينسيك الزمان اللّه يكافي شرَه
واحد ياما عطاكيها ونفسه فيها

فدوتك روحٍ ماهي بمحبتك مغتره
" يابعد ناسٍ تدانيني ولا ادانيها "

[عـ @a9ry_]

صباحك هوى قلب ٍ يعاني من التقصير
من أصدق شعور الحب ماهوب متسلّي

أشوف الصباح اللي يجيبك صباح الخير
وصباح ٍبدونك والله انه ماهوب اللّي

[عـ @a9ry_]

منشغل بأحلامي اللي دونها قومة وطيحة
أقتنص حلو الفرص قبل المنايا تقتنصني

[عـ @a9ry_]

تعبنا من الاجناب من ماعليكم زود
على سيرتك ما يفصل المدح من فمها

عسى عمرك طويل🤍

[عـ @a9ry_]

فاقده في كل ما فيه توجيه وقرار
كبر فقده في المواجيب وحقوق الضيوف

اللهم ارحم جدي وجميع موتى المسلمين

[عـ @a9ry_]

اللهم صل وسلم على نبينا محمد

[عـ @a9ry_]

انا لي شهر لامالت الشمس تالِ عصير
يجيني بلى وابعد عن الخلق و اغيّب

اعذّل على حالي و نفسي و اقول بخير
وانا والله اني لا بخيرٍ ولا طيّب

تقول ان في صدري من الهم و التفكير
مواويل قافٍ بين مستور و حبيّب

[عـ @a9ry_]

ليت لي من شوفته كثر ماله في علوم
الظفر والدين والجود والعرض النزيه

كان حزن الموت ماحط في كبدي اوسوم
من كثر ماتكسب الطيب نفسه وتهويه

اللهم ارحم جدي وجميع موتى المسلمين

[عـ @a9ry_]

اللهم صل وسلم على نبينا محمد

[عـ @a9ry_]

لا تعذر في ظروفك ما يحتاج معذور
جعل تفداك القطاعه و يفداك الوصل

فلاح القرقاح