عبدالرحمن بن عبدالله

سبحان الله و بحمده سبحان الله العظيم .. !

[عبدالرحمن بن عبدالله @a___al3jme]

كل ضايق في صلاته سلوته وعلاجه
و كل هم يودعه مع نفضه السجاده

و طاعه الله كنز مالك بالطويله حاجه
و رحمه الله واسعه تاسع جميع عباده

[عبدالرحمن بن عبدالله @a___al3jme]

الرفيق اللي معه لامن خذيت بياله
ياخذ همومك ويربطها مع رجليها

كل ما سولفت ما طقطق على جواله
ينتبه للسالفه حتى وهو يصغيها

ودي ان الله يكثر في الحياه امثاله
كثر فزعاتٍ يسويها .. ولا يطريها

واحدٍ .. حتى لو انك تعرفه باللحاله
والله ان كنك تعرف الارض باللي فيها

[عبدالرحمن بن عبدالله @a___al3jme]

لو حديثي مارواه " الترمذي ولا البخاري "
راحة الرجال لا عاش العمر من دون راحه

اصعد المرقاب وانزل في جراهيد الصحاري
ولا تفكر في مجي الشي ولا في مراحه

كل حـرٍ فيه " للهده وللصيده " مواري
وده ان الطلقه تصيبه ولا تكسر جناحه

[عبدالرحمن بن عبدالله @a___al3jme]

ماودي إلا مكان المؤمن الزاهد
اللي مافوّت .. لا تكبيره ولا ركعه

[عبدالرحمن بن عبدالله @a___al3jme]

ارتاح من قل الكلام وكثره
ولا تلقّي للبلاوي بال

بين الليال الضاحكه والودره
تبغي سعة خاطر وطولة بال

تورّي ارباب النّعم ما تكره
وتخلي المحتال ما يحتال

مرّه رهاويه ومرّه عسره
على حسب شخصية الرجّال

[عبدالرحمن بن عبدالله @a___al3jme]

مقاديم بدوٍ واهج الشمس صالينا
لنا كل صبحٍ سيره وكل ليل اكتاب

تطيب أمزجتنا من مخاضب قهاوينا
مانمشي بلا راي ولا نضحك بدون أسباب

غلاظٍ من يناظر بنا مايدانينا
قبل لا ينادينا على الماقف الغصاب

والى من بهجنا صدره أبطى يمالينا
ولا يعتبرنا غير من خيرة الاصحاب

[عبدالرحمن بن عبدالله @a___al3jme]

يسعد بنا الطرقي ويفرح بنا الجار
وعند الخوي نثني ويبرك جملنا

[عبدالرحمن بن عبدالله @a___al3jme]

سوّ لي فنجال دلّه وعجّل يا فلاح
الله الله.. والقصيدة تجيك مزرفله

أترك اللي كن قلبه على خف وجناح
وأنحر اللي يدحم طويق ويقول أزهله

[عبدالرحمن بن عبدالله @a___al3jme]

جيك من صلب بياع التتن شيخ دين
ويجيك من صلب تباع البكار حضري

يارب هب لي ثقل حجة وجنبٍ متين
لا ميّل الحظ مثل بريهة العسكري

[عبدالرحمن بن عبدالله @a___al3jme]

يفرح بنا الطرقي ويسلم بنا الظالم
ويأمن بنا الخايف ويقطع بنا الفرجه
.
في الساعه الطيبه من جيز ذا العالم
لكن لنا فرقنا فـ الساعه الحرجه

[عبدالرحمن بن عبدالله @a___al3jme]

على كثر مارحنا وجينا بكل بلاد
لقينا المراجل سوق والناس سوامه

احد لـ لقاها سلعةٍ غاليه مازاد
و احد مايخليها لو الموت قدامه

ربيع السنافي بذل جوده مع الاجواد
لو القل بين في ثيابه وهندامه

على الطاله يجري ولا يطري المعواد
وعلى الهيّنه ماتقدر تشيله .. عظامه !

[عبدالرحمن بن عبدالله @a___al3jme]

روابط الدمّ .. وروابط الاخوّه
تضيع لو ماهيب ( لله فالله )

سلّم على راس الشيَّم والمروّه
و العفو عند المقدره والمداراه

ما زوّد ضعيف الروابع .. جروّه
الا عشانه .. يحسب الحقّ وياه

من منطلق مقولة ( الضعف قوّه )
يا قوّ وجه ( ضعيّف النفس ) قوّاه

[عبدالرحمن بن عبدالله @a___al3jme]

من لايعيش العمر سامي ومتغاضي
ماهيب دايم ضروف الوقت خادمته

كنز القناعه غناة النفس للراضي
يعيش دنياه فاهمها وفاهمته

[عبدالرحمن بن عبدالله @a___al3jme]

لازم تشع ان قالها الله أمانيك
مهما غفت في ليل الأقدار شمسك

لا يشغلك عن فرحة الجاي ماضيك
ولا يسرقك من واقعك صوت هجسك

ولا تيأس ان يبست منابت مساعيك
بكره يسيل الغيم و يطول غرسك

[عبدالرحمن بن عبدالله @a___al3jme]

أغنم، السجات وأبعد .. عن الي ماتبيه
"واقض حاجاتك ترى الناس مايقضونها"

[عبدالرحمن بن عبدالله @a___al3jme]

خذ من سعه إياك تاخذ من الضيق
ما ضاقت الدنيا الوسيعه .. بأهلها

يرضيك ما يرضي جميع المخاليق
اللي يجازي كل نفس .. بعملها

سج القدم / و الله عليه التوافيق
واليا جفتك الدار .. دور بدلها

الصبر مفتاح الفرج لـ المطاليق
و نفس تعدى حدها من جهلها

[عبدالرحمن بن عبدالله @a___al3jme]

يالله بنوٍ ضوح برقه ليا شار
عجلٍ مشافيح العيون يخطفها

يحجب سحابه زرق الافاق بستار
والارض لاطش برده في طرفها

تقدر تحلف ان له مع الاوديه ثار
يرخي عليها منكبه ويحذفها !

[عبدالرحمن بن عبدالله @a___al3jme]

اكتراث المجتهد حرص والخوف انهزام
والمشاهي طردها ينهك العظم الطري

والانانيه وحب الذوات بشكل عام
ماتشبّع بطن جايع ولا تروي مري

انشد أحلاف التجارب قليلين الكلام
وخل عنك مفوهٍ ف المجالس يفتري

من يعيش العمر مابين شقوة واحتدام
لا تغارب لا لقيته على الكايد .. جري

[عبدالرحمن بن عبدالله @a___al3jme]

الله اللي عزّنا والفخر معنا حليف
ما طلبنا الناس فزعه وفزعتنا دوا

الصعايب كلّ ما جاتنا ترجع عسيف
كل يوم بصفحة المجد نصنع محتوى

[عبدالرحمن بن عبدالله @a___al3jme]

من مده اشاور العزله ومتردد
والعزله تردد الترحيب من مده

انزل بمنقية التفكير واشدد
من منزل لمنزل ومن شده لشده

انا بدويٍ ما يعرف قارب وسدد
ما ساوم الوصل من بياعة الصده

اركض ورا هقوة الشيبان واردد
ما الله قسم لي تعب الا وانا قده