اي والله احبك احبك من ضمير
من يوم حبيتك وحبك ما هدى
مافيه غيرك في سما قلبي يطير
وحدك ترد الصوت والباقي صدى
مهما حصل مهما جرى مهما يصير
كل العيون تروح لعيونك فدا
احبك وببقى احبك لـ الأخير
لـ آخر نفس لـ آخر رمق لـ آخر مدى
مرحبا يا ذنبي اللي ماكنّه من الذنوب
ماني بـ قايل لدرب الهدايه ودّني
والله إن قلبك مبدا على كل القلوب
مثل ما بدّيت قلبك عليهم بدّني
ماحدٍ قد ضدّني فالمعارك والحروب
بس مدري كيف سلهام عينك ضدّني
خاطرك يستاهل أرضيه لو تزعل شعوب
والله إن أرضيه لو الزمان يحدّني .
يا جرح قلبي زوايا البال تنبيني
قصة هشيمٍ تشبَّث في طرف بيتك
وقفت لك ساحة الشعار فـ يديني
وعدَّيت كلّ القصايد ما تعديتك
كم قلت لك قبل بُعدك لا تخليني
أنا لو الموت ياخذني ما خليتك
وسمعت منك الكلام اللي يواسيني
وطحت متساوي من غيابك وبريّتك🖐🏻
ها كان من التغريدات👩🏻🦯
اي و الله إني بخير و كل اموري بخير
لو كان دمعة عيوني ما تشوفونها
أنا أكثر انسان في صمته كلامً كثير
و يخبي أشياء كان الله في عونها
لا تفزعِون النوايا بالعوا و الصفير
لو اثني الساق من دوني و من دونها
الحظ ماله خوي و الحزن ماله ضمير
و إن قلت يا هونها ما هوب يا هونها