ِ‏

[ِ‏ @a_ii209_]

١/١/١٤٤٨

نطوي سنه مرت بها ضيق وافراح
ونبدي سنه فيها العلوم السعـيده

يالله تجعل مامضى العام ينزاح
ونلقى السعاده في سـنتنا الجديده .

[ِ‏ @a_ii209_]

عسى الله يبشرني بشيٍ ما كنت أرجيه
أنا ودّي أبكي من سعادة، ومن فرحة .

[ِ‏ @a_ii209_]

اللهم أجعل لنا في عشر ذو الحجة دعوةً
لا تُرد، وقلبًا لا يضيق، وفرحًا لا يزول.

[ِ‏ @a_ii209_]

جعل العوض في مقبلات الليالي
ويالله عسى اللي يشرح البال نلقاه .

[ِ‏ @a_ii209_]

يالله ياللي ترزق الخلق وتزيد 
تعطي على قد النوايا طلبها .

[ِ‏ @a_ii209_]

يالله برزقٍ يحول مثل وبل السحاب
ألذ من شربة الماء بعد طول الظماء

ويالله بدعوة خشوع وقتها مستجاب
تروح من خاطري .. سيدا لباب السماء .

[ِ‏ @a_ii209_]

يالله بحظٍ على الدنيا يساعدني 
يدركني الغيم واحلامي يحققها .

[ِ‏ @a_ii209_]

"ياربّ أناديك نداء من عزّت عليه حاجته
وهي عندك هيّنة، ألا تتركُني ياربّ وحدي"

[ِ‏ @a_ii209_]

طالبك يا الله حي وطالبك ميّت
بدعوة قفى من محبٍ في عصر جمعة .

[ِ‏ @a_ii209_]

زودٍ على زين الطبيعة و القوام
العقل راجح . . و السوالف نادره .

[ِ‏ @a_ii209_]

معك عشت إنتصار ومنك ذقت انهزام
وفيك صغت الحروف وعنك ردّيتها

كل طعنة بصدري مثل طعن الحسام
كنت خايف تسوّيها ، وسوّيتها

وكل فرصة عذر مرّت مرور الكرام
كنت اظنّك تغانمها ــــ وخلّيتها

« أنت: مثل الحياة الفانية بالتمام
عارف إني بخلّيها ـــــ وحبّيتها» .

[ِ‏ @a_ii209_]

اجي مثل السحاب ولون قلبي أبيض وشفّاف
واكون اكرم من حضوره واروح اعذب من مزونه

عيوني للحسن قبلة وجفني للحبيب لحاف
وروحي لجل من يستاهل الأشواق مرهونه

وقلبي مستحيل إنّه يرِد يحب لامن عاف
ووجهي مستحيل اللي لقاه يعيش من دونه .

[ِ‏ @a_ii209_]

جادلٍ ماهيب من شام الديار ولا يمنها
زينها نجدِي ومرباها وسط نجد العذية .

[ِ‏ @a_ii209_]

عظيـمة . . كنها قصر تعلّى نايفات الســور
ورقيقه كنها وردٍّ تفتّح وسط بستانه .

[ِ‏ @a_ii209_]

يالله بصبحٍ مختلف في ثناياه
يستبشر اللي ما تحقق طموحه .

[ِ‏ @a_ii209_]

بتزين واللي خالق الخلق بتزين
عندي أمل بالله لو هي عسيره

كم واحدٍ يمسي على الهم والبين
والصبح ربي كاتبٍ له يسيره

حنا علينا الفعل ونزيده يقين
نؤمن بحكم الله شره وخيره

اقدارنا كتبت على لوح واجبين
واللي كتبه الله عسى يكون خيره .

[ِ‏ @a_ii209_]

أضحك ترا عوج الليالي مدابير
وما للخلايق في قضا الرب حيله

أضحك لو هموم قلبك طوابير
وما يقسمه ربك تروح وتجي له

لو ضاقت الدنيا تراها مقادير
وخلك جبل ما هزته كل ميله .

[ِ‏ @a_ii209_]

أنا لي فـ الله حسن ظن ورجاء وآمال
كأني أشوف أقداره البيض قدامي .

[ِ‏ @a_ii209_]

ماتحس بلوعة الشوق وجروح الفراق
غير بنتٍ ردها الموت عن كلمة يبه .

[ِ‏ @a_ii209_]

يا رب اللحظة اللي ينقال فيها

«كنت أنا في لهيب القيض مرمي
و اليوم أنا تحت صب السحابة».