🍒

أنا اللي كل غاياتي حسن سمعة ودعوة غيب | @ajr_ir

[🍒 @aaaviir]

بغضت المجامل والعرب مايحسون
على ويش يابعض الوجيه المجامل

تمونون ولا جعلكم ماتمونون
انا اللي على قطع العلاقات صامل

الي شاف نفسه فالسماء محور الكون
اربيه وادرسه فنننن التعامل 👍🏻

[🍒 @aaaviir]

مغتني من خير ربي قبل خيري
ومكرمٍ نفسي ولو ما اتبع هواها

ماحسدت الحاجة اللي عند غيري
عندي أشياء مات غيري ما لقاها

[🍒 @aaaviir]

لطايله والطيب منا وفينا
ما للكرم حزه ولا للعطا حد

مابه خطا لكن من اخطا علينا
ماعاد والله زيد يخطي على حد

[🍒 @aaaviir]

طبعي أجنب عن الناس وأصد
لا شفت ما لا يستحق اهتمامي

في ذمتي ما هو بمعجزني الرد
أنا اعتبر صمتي جزء من كلامي

لكن عندي كل حاجة لها حد
قبل توصل هيبتي واحترامي

صدي عن اللي ما يبادلني الود
شيمة لنفسي واحترام لمقامي

[🍒 @aaaviir]

راسي وراه من المشاريه قافي
وقلبي تصبّح بالهموم وتبيّت

لاعاد تنشد وين مرواس قافي
انا دفنت السّر في قبر ميّت

والنيّه اللي تتضح لك عوافي
بس البلا فـ النيه اللي تبيّت

نفسي تمشّيني على الشوك حافي
كم مرةٍ حاولت فيها وعيّت

فـ لاقدرت ارمي الحسايف خلافي
ولا اغتنمت الفرصه اللي تهيّت

[🍒 @aaaviir]

لا يغركم صغر سني وعمري الطايش
في راس شايب يسولف مع احفاده

مريت بدرب الزمن ماهو بس عاش
وشفت الايام كيف تعيد ميعاده

شفت البشر تضحك وداخلها غايش
وكم واحد بالوجيه الطيب ينصاده

اصبر ولو صدري من ضيق رايش
واكابر الجرح لو روحي على حده

ماكل من صغر سنه يكون طايش
ترى التجارب تكبر من العمر زيادة

عندي من الحكمه اللي ماهي بنايش
وعندي من الصمت مايشرح ابعاده

[🍒 @aaaviir]

لو كان قلبي في الهوى رحّال
بيغيّر الوجهة .. ويتّجهك

لك حسن وجهٍ من يشوفه قال
" أنا بوجهك من حسن وجهك "

[🍒 @aaaviir]

يذوق الالم ومكابد الضيق والاحزان
ولا يشتكي لو تلوي الضيقه ذراعه
ㅤㅤㅤㅤㅤ
توشح بصبر ايوب والصمت له عنوان
ولا غيرت ضيقات الايام بـ اطباعه :)

[🍒 @aaaviir]

ماني بـ مجبور اتعايش بوجهين
وجهي وحيد و جايز لي مصبّه

اللي ما يملا العين ما يسكن العين
و اللي أحبّه يدري اني أحبّـه ..

[🍒 @aaaviir]

الناس في أول لقى . . ميه على ميه
مشكلتي اني ما اصيد الناس من بدري

عفوي واعامل عباد الله بـ عفويه
واطير فيهم واقلطهم بوسط صدري

كم واحد تحسبه ماشي على النيّه
وتلاحظ انك على النية ولا تدري !

[🍒 @aaaviir]

كم زلةٍ قد جات قبّضتها الباب
من طيب راسي ماتخلاّ مهونه

العين عورا عند زلات الاصحاب
ولا الردي لا زلّ نعمي عيونه

[🍒 @aaaviir]

دنيا العجب فيها دروس وتعاجيب
" وعلى كثر صكاتها ما انكسرنا "

[🍒 @aaaviir]

أسامر طيوفك .. كل ما غابوا السمّار
مع إني وحيد شلون ماآحس بالوحدة

ورى كل بسمة فاتنة .. تلفت الأنظار
عليها المشاعر فـ آخر الليل متحدة

حبيبي لا تخشى ضيعتي والحياة أقدار
ضياعي حقيقة عمر ماهيب منجحدة

تبيها وصل ، ولا تبيها فراق اختار
أنا ما قدرت أختار منها ولا وحدة

[🍒 @aaaviir]

استريحي يا عيوني واستكني
ما به إلا ما كتبه الله علينا
َ
لو نحصل ما نحبه بالتمني
كان كل اللي نحبه في يدينا

[🍒 @aaaviir]

اللي يخاف من الخساير والارباح
والله ليبطي ما تغيّر محلّه

عيّت تخلينا المقادير نرتاح
انسوقها واللي على الله على الله

[🍒 @aaaviir]

صباح الخير

مثل ما الله جعل للأرض من الشمس نور
جعل لي من وجهك شروووق أيّامي ..

[🍒 @aaaviir]

أنت تدري ما على الأرض منك أغلى و أحبّ
و أنا داري ما على الأرض غيري تهتويه . .

[🍒 @aaaviir]

أما الكلام اللي من الروح للروح
ولا السكوت اللي يكون بـ محله

ما فالجهات الاربعة باب مفتوح
أكرم ولا آوسع باب من رحمة الله

العزلة اللي كانت : اتعالج جروح
مع الاسف صارت سبب كل علة

والضيقة اللي كانت تْمرّ وتروح
صارت تمرّ .. وتاخذ اليوم كله

[🍒 @aaaviir]

والله أني في ربيع العمر مرخص لك سنيني
ما نبت للعمر زهر — إلا عشانك تقطفه !

[🍒 @aaaviir]

صباح الخير إما بعد :

ان زان حــظك الزم الســر والصـمت
وإن شـان لا تجـعل عدوك يشــوفه

واسـجد لربك واذكره وين ما كنت
ما خــاب من يدعي ، ويرفع كــفوفه