ٰ

عادي لا يشيل ولا يعادي، يجمع إحساس الخلايق ويصبه

[ٰ @aaboutgreyy]

يا دابلين الكبد .. مندبله بليا

[ٰ @aaboutgreyy]

كثرة الرعيان تضيع الرعية

[ٰ @aaboutgreyy]

قمنا نجنب عن كثير العلاقات
من كثرة اللي يجهلون المبادي

وجروحنا طابت وعدت سهالات
لو مالقينا بـ الحقيقة ضمادي

جزنا وحطينا حدود و مسافات
من يوم صار الصد والبعد عادي

وماتلحق الطيب اذا صد شرهات
لا صار ما هو فـ الحياة انقيادي

[ٰ @aaboutgreyy]

وش يخفِّف شعور الخيبة ومن يضحك البكَّاي؟
اذا كان الجواب اقسى من احساسي واسئلته

وانا مانيب لا ناكر ولا جاحد ولا نسَّاي
لو اتظاهر بقوَّة قلبي المُنهك وسلطنْته

لو تهون الليالي في عيونك مثل شرب الماي
علي.. ماهانت اوَّل ذكريات الحبّ وآخرته

[ٰ @aaboutgreyy]

دعيت ربي لا يخيب فيني ظنوني
ولا يجعل اللي أتمناه سبب ضيقتي

وهقيت إن الفرح لا من تمنّيته يجيني
ما هقيت إن العوض يسبق أمانيني

كم تمنيت الأمر اللي أحسبه خيري
وأثر ربي كاتبٍ لي خير ما أدري عنه

يا صعب إنك تجهل الحكمة من أقدارك
ويا عظيم إنك تثق بربٍ ما يخيب ظنونك

[ٰ @aaboutgreyy]

منطقية حياتي ما تقبل الحياد
غصب عني أكايد بالعمر و اجتهد

والمفارق ما يعني انه قلبي جماد
العلاقات رزق ان ما صلحت ابتعد

الحشيمــــة بتبقى لو يروح الوداد
بحفظ العشره بقلبي و أصون العهد

[ٰ @aaboutgreyy]

زودن على الظلم يا ظالم
حطيت كل الخطأ فيني

لكن ربي هو العالم
من ظلمك الشين ينجيني

لاصار كذبك معك وألم
رفعت للّٰه يديني

وأسلم وسلم على السالم
دعوة من الليل تكفيني

[ٰ @aaboutgreyy]

طويت السنين وخاطري ذا السنه يادوب
وانا الشاطر اللي غلطته .. غلطة الشاطر

كثر ما سرح قلبي بحلمٍ ماهو مكتوب
كثر ما تعدته الليالي .. وهو ناطر

ماعاد احتمل زلة رفيق وخطا محبوب
ولا افرح لغيم .. ولا اتشفّق على ماطر

ماغير اتسلى بالهجيني وبالمسحوب
عسى فالقصايد ما يفرّج على الخاطر

[ٰ @aaboutgreyy]

دعيت ان العوض يآتي كبير وما ذخرت آمين
عسى اللّٰه يطفي أوهام الشموع بلحظة احراقي

يمر العمر والحزن يتلاشى والطريق يزين
واغني كل ما يلمس شعوري لهفة اوراقي

أعرف ان العوض دايم يجي لكن يجي بعدين
أنا ما كنت اظن إن العوض يستاهل إرهاقي

[ٰ @aaboutgreyy]

ابي الوضوح ولا لقيت له مسير
كل الدروب اللي مشيتها انفرادي

اسمع صدى قلبي بين حيره وتخيير
وادور على لحظة صفاء في مداري

ابني الامل وسط ليل همومه طوابير
وياكثر الافكار اللي مالها طاري

اثبت يقيني لا يتهاوى ويطير
واحلم بصباحٍ يزيد انبهاري

[ٰ @aaboutgreyy]

الشفاحة تورد النفس العزيزة للمذلة
نفسك اليا أرخصتها مرة بترخصها نهائي

غالبًا يحكم سلوك المرء جينات وجبلة
شي تأباه المروءة، صعب يأباه المرائي

لدّ عينك فالبشر وتشوف مضمون الأدلة
كل مصلحجي جريء، وكل حساس انطوائي

[ٰ @aaboutgreyy]

زاهدٍ في مجمل نجوم السماوات المطلة
في كنف مشكات نورٍ ساطعٍ على سمائي

ومعرضٍ عن مجتمع حقيقة أحكامه مخلة
عنده الحب انتقائي وأيضًا الكره انتقائي

يا رحاب الخطر المتسامحات المسفهلة
ما يضيّق شاسع المترامية غير استيائي

[ٰ @aaboutgreyy]

﴿ رَبِّ اجْعَلْ هَذَا البَلَدَ آمِنًا ﴾ 🤍

[ٰ @aaboutgreyy]

من باب حسن التعامل واتزان العقول
صديت قبل أجرحك بالكلمة الجارحة

ما شفت مثل الغريب اللي يحب الفضول
لو تمتنع من سؤاله؟ طارحه طارحه

وين المكان البعيد اللي ما قد جاه زول
أحتاج مع نفسي أجلس جلسة مصارحة

الاجتماعي هذاك اللي يصول ويجول
البارحة .. ما لقى إلا ضيقة البارحة

[ٰ @aaboutgreyy]

يا مل قلبٍ كل ما مات همه
دارت دواليب الدهر لين تحييه

فراق شمل الناس عيا يلمه
وقتٍ يشيب الراس من شايبةٍ فيه

أحدٍ ينام وحط راسه بكمه
وأحدٍ تخم النوم عينه وتخطيه

تخالف الأنظار شرقٍ ويمّه
كلٍ هدف رايه من الناس مرضيه

[ٰ @aaboutgreyy]

أبعدت أدور راحتي ما تكبرت
من أكثر العالم ما عاد أتقبل

من بينهم ياما حملت وتصبرت
في شفهمّ مثل الأسير المكبل

الجاهل اليا أخطأ بحقي تعذرت
ومشيت لـ العاقل خطاه المدبل

من زود ما عندي من المعرفة صرت
أنقد على العقال .. كيف المهبل

[ٰ @aaboutgreyy]

حايد لحالك وانا مانيب حول الحياد
يامدعي بالعقل ما عاد للعقل دور

ما حن بـ في حاجتك والوضع سلم وبراد
إن كان ما ثرت ورصاص البنادق يثور

جاهد من أجل الوطن مهما يكون الجهاد
بالشعر، بالصوت، بالبندق، بصدق الشعور

قد ضحوا أجدادنا بأرواحهم للبلاد
واليوم من ماكر الأجداد حنا الصقور 🇸🇦

[ٰ @aaboutgreyy]

على سبيل التمني جعل حظي يجيب
لي حاجةٍ في ضميري عاد ودي بها

أقول بكره تصير ودوم ظني يخيب
وأصبح بها في صميم البال وأمسي بها

ماهي شفا عن مرض ولا مواصل حبيب
يعلم بها اللي غيوب الناس يدري بها

يا رب حقق لروحي ما تبي يا مجيب
قدام لا هادم اللذات يقفي بها

[ٰ @aaboutgreyy]

سطا على العالم وهو في محله
خل الدول تخضع تحت كف يمناه

هذا ولد سلمان—شمسٍ مطلّه
مافيه احد فالكون سوا سواياه🤍

[ٰ @aaboutgreyy]

حنا السعوديين يا راعي اللف
اللي جهلنا ما سلم من جهلنا

و حنا هل الوقفات و الجانب العف
و المجد و التاريخ و الأصل حنا

دامك تشيل الحقد و تدفدفه دف
لا تختبرنا في محبة وطنا

ندرّب العالم على وحدة الصف
اللي يشق الصف ماهوب منا