ABDULLAH BIN ALI

[ABDULLAH BIN ALI @aabsahal]

مختصر الحياة ما قاله جبريل للنبي ﷺ:

"يا محمد عش ماشئت فإنك ميت، وأحبِب من شئت فإنك مفارقه، واعمل ما شئت فإنك مَجْزِيٌّ به، واعلم أن شرف المؤمن قيامه بالليل، وعِزُّه استغناؤه عن الناس"

[قارمن 🎵' @alibnhady1]

هي كذا الاقدار ي قلبي تصبر
كنت واضح لين ضيعني وضوحي

ادري ان كسر الخوطر مايجبر
وادري اني غايتك وانك طموحي

بانت الدعوى و حظي فيك دبر
ياحمامة فوق غصن البعد نوحي

خلّي همومي على همومي تزبّر
و خلّي جروحي تداويها جروحي

دام داهمنا الفراق ، الله واكبررر
سمي بسم الله ع روحي ؟ وروحي

[قرينيس @qrenees]

اشوف نفسك على اللي صار متعاليه
وما عاد تستقبل اللي كنت تستقبله !

تهوز لك واحدٍ ما روحه . . بـ غاليه
دفع تكاليف ماضيه . . بـ مستقبله

[قصيد @saudi_gseed]

سبحان من خلاك عقب التناهيد
شيءٍ أشوفه .. ما يحرك كياني !

[ABDULLAH BIN ALI @aabsahal]

غلطة الشاطر عواقبها الوخيمه
غلطة بيموت شاطرها قبل يدفع ثمنها

- ربما في حياة أخرى

[أبـو بـدْاح @dhiiii94]

"تطيح الحبايب من عيوني واجي واروح
بسيطة مادام الطايحة ماهي بـ عيني"
- محمد النشّاق

&

"من كثر ماهي بـ توجع طيحتك من عيني
احسب إن عيوني الثنتين طاحت معها"
- عنيزان البقمي

[غدير بنت عبدالله @Ghabdullahq]

مافيه داعي تعود لي على خبري
أنا من المستحيل أرجع على خبرك

[ABDULLAH BIN ALI @aabsahal]

بخستك وشفتك شي م يستحق الجهد
وصديت عنك صدت القانع الراضي

ابعتبرك من اغراضي اللي تركت بزهد
وصارت لغيري بعد ماكانت اغراضي .

[ABDULLAH BIN ALI @aabsahal]

تأكدي من قبل ياخذك . . . الكبر و العنفوان
م انتي ب ليلى العامريه ، في نظر مجنونها :)

[ABDULLAH BIN ALI @aabsahal]

لاجاحده نفسي ولاهي شاكره
رح بالتدرّج .. لا وصل ولا اجتثاث

العين ثم القلب ثم الذاكره
لاطحت من الأولى تطيح من الثلاث
👋🏻

[NOURAH @just_poetry_]

خطبة الجمعة :

اللي يهمه خاطرك؟ ما يلمس الجرح العميق
إن كان ما عنده دوا علّتك ما جا حولها

في ذمتي ما اشد من فتك العدوّ إلا الصديق
اللي يعرف الكلمة اللي توجعك .. ويقولها.

[وليد البحيح @alp7e7]

تقف شرهات الليالي على البال الوسيع
وقفةً فيها ذكاء صامت وهرجه غبا
.
من معه شيمة حياوي وتصنيفة صديع
تعرفه لكن ما تعرف شفوفه وش تبا
.
انا ما ادري عن جميلي يجي والا يضيع
باذله لله تعالي ولـ اسمً له نبا
.
وش يعذرني من ابوي قدام الجميع
يوم قال الطيب ميدان والوقفه شبا
.
جعل مبدانا مثل طلت نجوم الربيع
يوم حنا اهل المواقف واهل قولة جبا
.
جملوا صمتي ترى صمتي احساسً رفيع
مالقى له جملةً مثل بلقيس وسبا
.
كل ضيقً ذب صدري يبا ذباب ريع
عندي ان الهاجس اجفل من اجوال الضبا
.
زبدة الموضوع هرجه وهرجي ما يميع
والله ان صدري مدينه ولا ادري ويش ابا
#وليد_البحيح

[ABDULLAH BIN ALI @aabsahal]

اغتني يانفس عن شيءٍ يحول الاش دونه
لو تردى لي نصيب ولو قطع رجواي ياسي.

[ABDULLAH BIN ALI @aabsahal]

كسرني الوقت رغم اني كريم و جسور
و اومى بي الحظ ف اقصى غيهب المفترق

دورات وقتي ما تخطي وقعها ف النحور
و لا اقتنعت ان عمري يوم زان انسرق

جعل العوض يوم اوقف في نهار النشور
عن كل يومَ قضيته ف الحياه احترق .

[ABDULLAH BIN ALI @aabsahal]

ليه اتشره واحرق اعصابي احراق
وثوب الردا ما رقعته . . المطارز

اوقف الدنيا ل عينك على .. ساق
واحتاج لك واعين العذر . . بارز

[ABDULLAH BIN ALI @aabsahal]

جيتك ولو اني معك ما توفقت
ولا قضيت الحاجه اللي تبيها

حقك علي لكن تراني تصلفقت
من الليالي حسبي اللّٰه عليها

حتى الصلاه اللي ماهي ماخذه وقت
قبل لا اقصر فيك ؟ قصرت فيها .

[ABDULLAH BIN ALI @aabsahal]

يا سعود كان الناس يدرون عن شيّ
أشياء ترا مااا تدري الناس عنها

يدري بها اللي يازن الشمس و الفيّ
مكفن أسرار القلوب بكفنها

أنا بشر شتى هموم البشر فيّ
و إن شفتني ماااانيب جزعان منها

ترا ماغير أضحك و أجاملكم شويّ
و أدمدم .. جروحٍ نبشها زمنها ..

[ABDULLAH BIN ALI @aabsahal]

أعتزلت الناس وأبشرك طيّب
ماغبطت اللي وراء الدنيا يطارد

جعلني ماسوم وجهي عند خيّب
المقابل شين والترحيب بارد

الرفيق اللي محاضيبه قريّب
مايورّدها عذيّات الموارد

محسنٍ ظنّي وحسن الظّن طيّب
غير في بعض الأمور الشك وارد .

[ABDULLAH BIN ALI @aabsahal]

"تختبرني ميلة الشمس عصريه
ليتها تشرق علي قبل موعدها

دنّقت دنّاق بنتٍ سحاويه
يوم جابو سيرة اللي طلب يدها

ضيقة الخاطر الى مالت الفيه
ما يسرّك حاله اللي يجاهدها

فاقدٍ من عمري أجمل لياليّه
كل ذكرى ما بقى إلّا قصايدها"

[ABDULLAH BIN ALI @aabsahal]

ألا يا الله ياللي جودك أرهى من المجهود
لا تتكل علي أسباب من ياخذ بالأسباب

أنزه مقامي من مقام الكبر والزود
ارزقني قبولٍ يسلب اللب من الألباب

أنا الشاعر اللي جرته في الليالي السود
تهدي الكفيف وترجع الحق للطلاب

مشاعر حشادٍ لا تحشد تبعه حشود
تبوج الوعر وتجري مجرى الهياب

خل اللي تقول يسوق له فالمعشى ذود
فقيرٍ تخالف بين شجره وبين هضاب

عز الله العزيز إن كل ذو نعمةٍ محسود
أجامل معه والقلب قلبي ماهوب كتاب

لاهب الهواء نطحت صدري هبوب النود
ياخذ دوره الكامل واخذ دوري بالإسهاب

يزود الجبل دبل لا شفت الجبل مقعود
من شاف الرجال جبال شاف العيون حراب

وقود الشعور أكبر من الجود بالماجود
يابو بيت بيتين أربع أبيات للإعجاب

إما ننقل اللي ينقل العرو والمشدود
ولا نستريح وحملها في ظهور ركاب

رعى الهم حالي مثل عودٍ رعاها الدود
وغيضٍ تزوى بين الأقواس مثل الداب

أزود العرب والحظ ماهو بذَاك الزود
وربعي تقدم فالحرايب وفالمحراب

أبي مطلق وجهي بين ربعي عوال العود
اللي طيبهم يفرق بطيبي مع الأجناب

حلم الله وسيع إن كان عاد الصدور اتجود
من صبر الحليم اللي لا خاب الرجاء ما خاب

وحنا حلوق حقوق الأمة ما نبغي شهود
لو إن بيننا غيرة صداقة وحسد غراب

نموت ويموت العود ويجي محله عود
واللي فوق الأرض تراب واللي تحتها تراب