يسعدني إن دمعك عشاني تهلّه
سمح المحيا خاطره منك مسموح
وشماغك المفهوق مهما تبلّه
ياما عليه أخلي الكحل مسفوح
من حقي إنك تحزن العمر كله
ماني بـ طاري ياخذ شوي ويروح
مثل البدر فارق مابين الأهلّه
شعوري الواضح مخليك مفضوح
غيري كلام إن مر سمعك تملّه
أنا الكلام اللي من الروح لـ الروح
فارع رغم انها فارع ماهيب القصيره
فوقها مجدولها لا فلته ،يأصل تحتها
من كثر ماعنقها طوله فرق عن طول غيره
مايكفيها ولا سلسال واحد فـ ارقبتها
ومن كثر ما ريحها طاغي و متفردَ وعبيره
كان جلسه لو تجيها ربع ساعه عطرتها .
ديرتك ماجادها الغيث يا بنت الغمام
جادها اللّه يوم سخّر نصيب أمك لأبوك
السماء قدام ما تعطي الأرض إهتمام
لين عمّت رحمة اللّٰه تعالى و أنجبوك
الجمال أختار مدهلك من بدّ الأنام
وأستقر بوجهك الطاهر السمح الضحوك
مثل يوم الطيب و المجد و علوّ السنام
ورث جدّانك لأبوك وتشوفينه فـ أخوك
ماقدرت أنساك يالوجه الجميل الراضي
و أنت جرحك فـ الهجر مالكني بـ معروفه
الجفى حكمه علينا مثل حكم القاضي
لين .. ما صارت تفاصيل الجفى مآلوفه
لا تقول إني عن شعور الهوى متغاضي
تدري إن نفسي على يوم الوصل ملهوفه
ليت عندي قدره أرجع لـ الزمان الماضي
و آتأمّل في جمال " الصوره المحذوفه "