Dunhill220

المُعرف لا يُعرف ولو ان ماحد جاب خبري

[Dunhill220 @ab2000220]

@technician_cars الحمدلله بس كودين من اللي معروضه طلعت عندي بالفحص توقعت اكثر

[Dunhill220 @ab2000220]

@1Sufian_9 @grok معناها التفاهة كل حركة صار لها معنى هذي للعظماء وذيك للأقوياء واللي بعدها للأذكياء طيب هالحركة اقسم بالله ياما سويتها وانا لا عطيم والعطمة لله ولاني مشهور وكثير يسوون هالحركة
بكره اذا مشهور حاط اصبعه بخشمه يقولون معناها يحك مخه يفكر

[Dunhill220 @ab2000220]

@HMG_Care
ارسلت بالخاص وطنشتو

زوجتي متنومة بفرع الحمراء بالعناية وبحكم وضعي الصحي ما قدرت ازورها وكل مره اتصل على رقم الفرع عشان اطمن على حالتها من الدكتور او المسئول بقسم التنويم يحولوني على علاقات المرضى بالدور الثالث وما فيه رد
وش الحل كيف اقدر اكلم احد يطمني عن وضعها

[Dunhill220 @ab2000220]

@oO_Dolunay_Oo @smaljohani من تجربة افحصيها صحياً كا شي عظام اسنان الخ…
عندي عشرة سبعة ذكور ووحده من الاناث في فترة ما تركت احد لا ذكور ولا اناث صارت عدوانية بشكل غريب وبعد تفكير تذكرت الاسد اللي اكل مربية بسبب الم ضرسه وفعلاً طلع جهه من فكها الاسنان دمار وبعد العملية والعلاج رجعت طبيعية

[Dunhill220 @ab2000220]

@kas_800 الله يوفقها ويرزقها الرزق الحلال ويسخر لها من يساعدها هي وكل الشباب السعودي

[Dunhill220 @ab2000220]

@Grocerjy
ليه ما تسمون متجركم ((متجر نفذت الكمية))
اعتقد وصل المقصد

[Dunhill220 @ab2000220]

@ahm5999 اعتقد فيه مشكله بالنظام ويستغلونها الصيدليات والا وش فايدة الخدمة اذا كل مره لازم شكاوي مع ان الموضوع يتعلق بالصحة يعني ما فيه وقت للتأخير بانتظار الشكوى توصل وانتظر الردوالله اعلم متى يوصل

[Dunhill220 @ab2000220]

@Absher رقم الجوال المرتبط بحساب ابشر انفصل نهائي وما صار باسمي بسبب الفاتورة سددته بس لاني تأخرت كثير الرقم انصرف لشخص ثاني

المشكلة الحين مااقدر ادخل حسابي في ابشر لان رقم التأكيد ما يوصلني لان رقم الجوال راح
عندي الحين رقم بس ما اقدر ادخل ابشر اوثقه ولا احدث بياناتي

وش الحل.؟

[Dunhill220 @ab2000220]

@iiocce_shop احذرو يا جماعة الخير هذولي نصابين نفس المعطف في علي إكسبريس ما يتعدى سعره (130)ريال والشحن مجاني

[Dunhill220 @ab2000220]

@fahimapp_sa بكم تركبون سخان جديد؟
عسى ما انتم مثل غيركم

[Dunhill220 @ab2000220]

@al7amidi @KSA_Road @eMoroor @SaudiTransport بخصوص الشاحنات بانواعها مشددين عليهم بقوه لدرجة انهم صاروا يمشون وسط شوارع الرياض بكل وقت صبح ظهر مساء وقت ذروة او لا وصايرين يسوقون بستهتار عجيب
اول ما يبانون الا بعد 12الليل وحدهم الى 7الصبح
من طلعت الكاميرات والمرور ريح وما انكر جهد الافراد اللي يوقفون ببعض المواقع

[Dunhill220 @ab2000220]

@noonaa7215 خليه عندك. من تجربه عندي عشره كلهم انقاذ ولا فيهم اللي يحب غيره ما فيه الا ضارب ومضروب وعلى كثر ما نفك بينهم وحتى من النوم نصحى نفك لكن لاحظت اذا صار ما معهم احد في البيت يعقلون عارفين ماحد بيفك بينهم وبعد فتره وبدون مناسبة يلعبون مع بعض القطاوه مزاجيين وصعب التحكم فيهم

[Dunhill220 @ab2000220]

@KSA_Road @dajdooja اذا الشاحنات صارت بشوارع الرياض طول الوقت مو مثل اول لها وقت محدد كيف نسأل عن الضبط المروري!!
المرور ماخذ سياسة السهل الممتنع دام الكميرات واللي ضبطها محدود شغاله

[Dunhill220 @ab2000220]

@vcctql @gorgeous4ew صفر

[Dunhill220 @ab2000220]

@gorgeous4ew كلن على ظنه ورايه يقدّيه
وكلن مع الايام ياخذ نصيبه

{{دعو الخلق للخالق}}

[Dunhill220 @ab2000220]

@snapcom1 عزالله انه صدق

ياكثر ماقلت أبسوي وأبسوي

ولافيه شيٍ من اللي قلت سويته

راحت حياتي وأنا أطري وأنا أنوي

واللي بغيته نسيته يوم خليته

أنا أحسب اني صغير وبالعمر توي

لاشك شيبت وأحلى العمر عديته

[Dunhill220 @ab2000220]

@fofa_858 ومن هالاسباب التافهه
طبعاً يشتكون على اخواني ويوصلون لي مع اني اقبلهم اذا طلعت للصلاة كنت اتمنى واحد فيهم اللي كانوا يشيلون الاكل بصحونه يرمونه في برميل الزبالة المهم مستمر والله يعين

[Dunhill220 @ab2000220]

@fofa_858 اللي مستغربين ليه فيه ناس تشتكي!
من تجربه طويله اسبابهم كلها تافهه. كنت اطلع اكل وماء للبساس على الرصيف اللي بحدود بيتي عشان اي قطو يمر وله شف ياكل حياه الله
وبدت الشكاوي من الجيران اللي يقول تبول وتزق بالحديقه اللي عند بيته ما يدري انه سماد😈 واللي يقول منظرها مو لايق اذا تجمعت

[Dunhill220 @ab2000220]

@bingoo11011 بالعكس وانا اخوك عارف مشاعرك تأثرنا بموت حيوانات حاولنا ننقذها قبل ما تعيش معنا

[Dunhill220 @ab2000220]

@hessa_sa93 طيب كيف نساعد اذا بالرياض او حوله معي كيس بشنطة السيارة اكل كلاب اوصله الحين اذا تبون