عبدالله المعبدي

[عبدالله المعبدي @abdullah191417]

في قربك الحال يازينه
وفي بعدك النار والاشواق
وجدي على الوصل وسنينه
ليالي البعد ما تنطاق
#عبدالله_المعبدي

[عبدالله المعبدي @abdullah191417]

@abn_sunead تبقى وتحيا صح الله لسانك ولي الشرف

[عبدالرحمن سنيد الحربي @abn_sunead]

زلة قدم يمكن تزودك بدروس
وتعطيك نبذه عن مواعظ زمانك

قال المثل من شيء واقع و ملموس
زل بقدمك و لا تزل بلسانك

زلة لسانك حدها اقوى من الموس
و تعض من زود الندامه بنانك
#عبدالرحمن_سنيدالحربي

[عبدالله المعبدي @abdullah191417]

@abn_sunead صح الله لسانك وبدنك واسعد الله صباحك بكل خير 🌹🌹

[عبدالرحمن سنيد الحربي @abn_sunead]

اسعد الله صباحكم بكل خير
متابعينا الغالين🌹......
ما يشوقنا الصباح و لا يزين
كود لا غردبه الطير و شدى
وانت عطره وانت ورد الياسمين
لا كتسى خده بقطرات الندى
#عبدالرحمن_سنيدالحربي

[عبدالله المعبدي @abdullah191417]

@abn_sunead صح الله لسانك وبدنك 🌹🌹

[عبدالرحمن سنيد الحربي @abn_sunead]

ياهل الحسد للرزق مانتم على الباب
مكتوب رزق الآدمي مثل يومه

الرزق لو هو في يديكم له اسباب
خليتم ارزاق العباد معدومه

واهل النوايا الطيبه حظها طاب
موفقه و مشببه و مخدومه

#عبدالرحمن_سنيدالحربي

[عبدالله المعبدي @abdullah191417]

@saadalharbi0 الصيف اقبل معه فاحه
ماهو بوقته غزل وهيام
انصحك بزيارت الباحه
لو المثل قال وجّه شام

[عبدالله المعبدي @abdullah191417]

كبّر و هلل و فالعشره
امسك عن الحلق والاظفار
سنّه و من سيرته العطره
صلو على محمد المختار
#عبدالله_المعبدي

[عبدالرحمن سنيد الحربي @abn_sunead]

الكلمه الطيبه رفعه لاهلها و شان
تنور وجيهم و صدورهم راحبه

و الكلمه الشينه تضوي لاهلها الهوان
و تضيق صدورهم و جيهم شاحبه

بالمختصر خير ماوصي بسجن اللسان
كم من لسانٍ رمى فالتهلكه صاحبه
#عبدالرحمن_سنيدالحربي

[عبدالله المعبدي @abdullah191417]

@abn_sunead و بعض السكوت احيان ياليت ما كان
من بعد ما فات وقته صاحبه صاحبه

ماينفع صياحه من بعد فوت الأوان
لن كان صوته عِلِيْ ولن كان هو ناحبه

لكن تبغى الفراسه ماتريد الجبان
وقت الكلام يتكلم غيرها ساحبه

[عبدالله المعبدي @abdullah191417]

@alowfi2011 صح الله لسانك وبدنك

[عبدالله بن ذياب @alowfi2011]

#كسرات

كل ما زرعت الغرام بـدار
يرحل بي الحظ قبل اجني
وارضى الخسارة و اقول اقدار
لكن حنيني لها ازعجني

#عبدالله_بن_ذياب

https://t.co/xi4WE0oj51

[عبدالله المعبدي @abdullah191417]

عطيتك القلب بالمفتاح
وقفلت قلبي وعنّي رحت
لاني في درب الهوى مرتاح
كل ما طرا في خفوقي نحت
#عبدالله_المعبدي

[عبدالله المعبدي @abdullah191417]

شوف القمر لا اكتمل نوره
لابد مايرجع بنقصان
و حبيّبي باهي الصوره
سبحان من صوّره سبحان
#عبدالله_المعبدي

[عبدالله المعبدي @abdullah191417]

جانا ارْمضان وخلص والعيد
شد الرحال وحزم عفشه
الوقت قامت خطاه تزيد
مخلي الناس في ربشه
#عبدالله_المعبدي
#كسرات