'
ياهل المرور شلون اسوق المعاذير
مافيه يوم يمرّ .. ماتذكّروني
والله ماهي من زود فضوه وتبذير
لكنها من دون وجهي ، ودوني
وعقب استرحت من العنا والمشاوير
وكثرت مخاسيري وكلّت متوني
لو ان عندي شي ما أحتاج تذكير
سددتكم قدام اسدد ديوني
'
رب هب لي من لدنْك الباقيات وما لديك
واجعلني العبد الصبور اللي رضاتك مطمعه
أنت السلام المؤمن المتعالي الحق المليك
اللي تسبّح له عباده و الجهات الاربعه
يا رب أنا عبدك وابن عبدك وناصيتي بيديك
أحيان نفسه تدفعه و أ��يان نفسه تمنعه
ليا من صدفنّي من صدوف الزمن صادوف
شربته .. مثل ما تشرب بيالة الشاهي
تسير الحياه بظرف والا بدون ظروف
تدابيرهاا .. في دبرة الامر الناهي
على الهون ياقلبٍ بدا خاطره مخطوف
تدور الليالي والنشاما على ماهي
ورا الصاحب المجهول والصاحب المعروف
تبينّ الهقاوي فالمعيثير والراهي"