عادل ماطر العفيصان🆇

إذا مررت هنا فقف ولاتنس أبي من دعائك

[عادل ماطر العفيصان🆇 @abo_mo7m2]

أنا أعيش بالماضي على عتبة التذكار
ليا شفت بالحاضر مطبه وتحويله

وأنا ماكتبت الشعر من باب الاستشعار
أنا كاتبه من هول وقتي ومن ويله

أشوف الجسور أللي بقلبي بدت تنهار
على جملة أللي مر بالحب لو ليلة

مواعيد من راحوا ورق والزمان غبار
ومن يجمع الاوراق بالعج ياخبيله

🖋 ﮼عادل

[عادل ماطر العفيصان🆇 @abo_mo7m2]

لك الله ياقلبٍ غدا بين غار ونار
فلا الغار يزبن به ولا النار تضوي له

يجاهد غثى الدنيا بقلبٍ ودمٍ حار
ولاباقيٍّ به دم من شان تحليله

أجاور حمام الورق واتعبتني ياجار
على نوحها بالغصن والغصن له ميله

أنا أحيان ماأعرفني ولا أعرف وش أللي صار
وأنا كنت أعد أخطاي خطوة بتهليله

[عادل ماطر العفيصان🆇 @abo_mo7m2]

في كل ليلة والمفارق شين
شبهتها بالذيب والجني

ماغير أنا وجنودي العشرين
ضحيت فيهم والبلا مني

الله يعين أدري عساه يعين
وإلا البشر ماهي على ظني

يا ليت يالخوة على السكين
الحبحبة ماهي بتلزمني

🖋 ﮼عادل

[عادل ماطر العفيصان🆇 @abo_mo7m2]

"ولا تُصعِّر خدَّك للناس" هي آية قرآنية كريمة من القرآن الكريم بسورة لقمان
يلتقط الشاعر الغيداني هذه المفردة ويوظفها أجمل توظيف ليخرج بهذا النص الفخم حرب وجزالة الشعر حكاية ثانية...

[عادل ماطر العفيصان🆇 @abo_mo7m2]

@Neduszn8 ماركوس أكونيا

[عادل ماطر العفيصان🆇 @abo_mo7m2]

كانك من اللي يبحثون الخفايا
انا من اللي لا لقاها دفنها

مافيه احد ماله ذنوب وخطايا
لاتشغل العالم ولا تمتحنها

حتى الرجال الكاملين المزايا
اللي يروح ويرجع العلم منها

نوب تزلّ اقدامهم في قضايا
كانوا يردون الجهاهيل عنها..!

[عادل ماطر العفيصان🆇 @abo_mo7m2]

دحية بن خليفة الكلبي (توفي نحو 50هـ/670م) هو صحابي جليل اشتهر بجمال صورته، وكان جبريل -عليه السلام- ينزل على النبي محمد ﷺ في صورته. أسلم مبكراً، وشهد المشاهد بعد بدر، وكان يضرب به المثل في حسن الوجه، وهو الذي بعثه النبي ﷺ بكتابه إلى قيصر الروم،رحمك الله ياابن جدلان مدرسة شعرية

[عادل ماطر العفيصان🆇 @abo_mo7m2]

الكريم أكثر من يحس دايم بـ القصور

والبخيل أكثر من يعيش دور المرجله .🍃🍃

[عادل ماطر العفيصان🆇 @abo_mo7m2]

(رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ ) ..✨

دعاء موسى عليه السلام....

🔶🔸فأوجد الله له العمل

🔶🔸ثم يسر له الزواج

🔶🔸ثم أكرمه بالنبوة

الافتقار إلى الله غنى🍃🍃

[عادل ماطر العفيصان🆇 @abo_mo7m2]

الثقة .....تبنا على مدة مدية
ليه نهدمها على حسبة ثواني؟

غلطت الغالي ولو ثقلت عليه
قمت أوردها على صم الاذاني

لجلها سويت لي هالشاذليه
قبل لا يفرح بها قاصي وداني

ثم تقهويت البيوت السامريه
والمعاني منزله وسط المحاني

🖋 ﮼عادل

[عادل ماطر العفيصان🆇 @abo_mo7m2]

هذي الدنيا وهذي مقاديره
لو تونسنا لزومٍ تضايقنا

ساقت بدرب المفارق مظاهيره
كنها في وجهة القبر تندبنا

لو تزين للغشيم بنواويره
ساعة في حزة الضيق تطرحنا

كلها في شاية الرب ماغيره
ممنين بالقضآ لو بيجرحنا
🖋 ﮼عادل

[عادل ماطر العفيصان🆇 @abo_mo7m2]

لقيت كلٍ يشتكي من ظروفه
اللي سكن فالبر واللي على السِيف

و المشكله بين العباد مْعروفه
كلٍ يبي دنياه تمشي على الكيف

عايض بن ذواخ البقمي

[عادل ماطر العفيصان🆇 @abo_mo7m2]

أبوي علمني على كل حاجة

إلا تدابير الليالي ..بليــَّــــاه

جمال الشمري

[عادل ماطر العفيصان🆇 @abo_mo7m2]

الذليل إن طاح يحزن له شجاع
والشجاع إن طاح يفرح به ذليل

والجميل يموت بيدين الرعاع
والرعاع تموت ماسوت جميل

👌

[عادل ماطر العفيصان🆇 @abo_mo7m2]

7-تكفل باليتامى والارامل بالعطا مصحوب
بعطفه واهتمامه والوفا طبعه ومطلوبه

8-بجمعية تراؤوف بالحفر للطيبن دروب
وهو شخص الكرم روس النشامى منه مطروبه

9-عسى يلبس من الصحة على دب الليالي ثوب
وهو ابن الملوك أللي لهم هومات مهيوبه

🖋 ﮼عادل

[عادل ماطر العفيصان🆇 @abo_mo7m2]

1-سلام الله على ذاك الامير الطيب المحبوب
يمثل في جنابه صفحة للود مكتوبه

2-قراها كل من شافه على وضح النقا مكتوب
حروف من التواضع صاغها في طيّب أسلوبه

3-تغني له قصايدنا على المنكوس والمسحوب
وإذا مايمدحه شعري رداء الشعر مقلوبه

#عبدالعزيز_بن_فهد

[عادل ماطر العفيصان🆇 @abo_mo7m2]

4-أنا في أسعد أيامي وخليت السعادة صوب
أبمدح من جنابه آية للناس وأعجوبه

5-هذا عبدالعزيز ابن الفهد ومن الفهد مجذوب
حرارٍ من حرارٍ خيمته للنعم منصوبه

6-ليا منه عطى كنه غشاك من السحاب انصوب
وهو مثل السحايب سيدي وأرق بعذوبه

[عادل ماطر العفيصان🆇 @abo_mo7m2]

تومي بها صملاتنا ليا تنوت
عاداتنا مانحتزم بالحسايف

نعرف نحل احبالها لا تلوت
ونقودها قود الرسن للعسايف

ابن جدلان

[سعد القحطاني @saadouosh]

•

لك في الحشا دبكة مثل دبكة الكرد
ولك في عيوني هيبة أهل الأعمّـه ..

•

#علي_بن_حمري | @AliBinHamri