meshari caR 7

[meshari caR 7 @abo_naaa]

وجودي على اللي ماتهيأ على مشهاي
عليه الحسوف تجر روحي وتوجعها
.
حسبت النصيب مع الليالي يجيب مناي
وتردى النصيب وعزة النفس تمنعها
.
وجحدت الطعون وصرت صابرعلى بلواي
من اليأس حتى النفس عافت مطامعها
.
عليك الخلف ياعالم السر يامشكاي
لك ايديننا في حال رجواك نرفعها
.
#محمد_جبار_القت

[محمدجبارالقت @madh110]

انتسلى لو نوب يغيب جو السلوة
في الحياة اللي نعيش الجوفي ذكراها

لو مسقينا العنا تال الزمن من دلوة
كل ماقلنا كرمت اردف وجاب ملاها

لين ذقنا الصبر مر ولالقانا حلوه
مير بعض الذكريات تدوم ماننساها

والأماني والتأمل في الحياة الحلوة
فرصة للنفس تذكر للحياة احلاها

#محمد_جبار_القت

[محمدجبارالقت @madh110]

(وجهة نظر )

الهواء له سيرة بالعرب خطرة
ناس شفناها وناس عرفناها

يبتدي حب المواليف من بطرة
وتستمر اخطر معاناة واقساها

والهواء ماأحدٍ ذكر سيرته عطرة
يرسم جروح المؤدة وفرقاها

ويأخذ قلوب المواليف بالشطرة
لين يجرحها ويخلف نحاياها

#محمد_جبار_القت

[محمدجبارالقت @madh110]

لاتندم وريح بالك من الهموم وهد
اليا من خاب الظن في بعض الأشكالي

لاتكثر حسوفك فوق من يهتوون الصد
اكيد انك اخر شخص يخطر على البالي

اشارة من اللي يرغبون الفراق تسد
ويكفيك منه الدرس الأول عن التالي

قلوب البشر ماتجتمع بين كره وود
ولايجتمع بالقلب من يكره و غالي

#محمد_جبار_القت

[محمدجبارالقت @madh110]

ان جا خوي بطيب مبدأ يماشيك
سامح خطاه وخل عندك فراسة

حظك كبير ومسفرات لياليك
ويومك سعيد وتحتويك الوناسة

مصيبتك كان إن مأحدٍ مخاويك
وصارت حياتك من عذابك تعاسة

وتندم على حظ على الظيم حاديك
يضيع صبرك والزمن زاد بأسه

#محمد_جبار_القت

[محمدجبارالقت @madh110]

(ماكل مايقال صحيح)
ياخوي حكي العرب لاتأخذه كله
لاصار فحواه قال فلان وفلاني

ولا تأخذه جد واكثر حكيهم خله
واللي يصدق كثير الحكي غلطاني

ياما حكوا في قريب عن قريبٍ له
وكم فرقوا بالحكي مابين الأخواني

من يفتن الناس لا مذهب ولا ملة
الله يشافيه مما فيه مرضاني

#محمد_جبار_القت

[محمدجبارالقت @madh110]

يالله ياعالم (جهري ) و { نجواية}
متساوي بعلمك الكتمان والبوحي

لي منك مطلب ولاتخفاك رجواية
ياعالم الحال وانته تملك طموحي

يافارج الهم (ياعالم ) بشكواية
تمدني بالصبر وتداوي جروحي

ماغيرك مجيب (ياربي ) لدعواية
يامن يرى ماخفى من علمه ويوحي

#محمد_جبار_القت

[محمدجبارالقت @madh110]

(صلاة الفجر)

وقت الفجر نصف الجماعة مغيبين
مافيه غير اللي لحاهم محناه

واللي قبل ما يذن الفجر صاحين
جاهز لفرضه ينتظر ويتحراه

اهل الخشوع اللي عن الأجر دارين
ما أحد رضى من يسبقه ويتعداه

ماهم عنه بالنوم واللهو لاهين
ولا اللي غفا جفنه ونومه تحلواه

#محمد_جبار_القت

[سمان الهرج @fahad33931]

(صلاة الفجر)

وقت الفجر نصف الجماعة مغيبين
مافيه غير اللي لحاهم محناه

واللي قبل ما يذن الفجر صاحين
جاهز لفرضه ينتظر ويتحراه

اهل الخشوع اللي عن الأجر دارين
ما أحد رضى من يسبقه ويتعداه

ماهم عنه بالنوم واللهو لاهين
ولا اللي غفا جفنه ونومه تحلواه

#محمد_جبار_القت

[محمدجبارالقت @madh110]

إن شواك الهم والجو ماهو صافي
وضاق في عينك فسيح الفضى بركونه

فيه لأمرك لو {تسويه } حل كافي
سهل مايتعب ونتائجه مضمونه

لا انقضى ثلثين ليلك ونام الغافي
اطلب اللي صاحي ماتنام عيونه

واحداً عن مايهمك يعلم {الخافي }
ويفرح ويقضي الحوائج لمن يدعونه

#محمد_جبار_القت

[محمدجبارالقت @madh110]

( قبل ان تعتذر)

لاتعذر وانت بالطيب مخبور
منزلك عالي عن دروب الوطا

وجهك ابيض يالسنافي ومعذور
والعرب للطيب بين اخذ وعطا

وكل شخص يجمع إحساس وشعور
والسماحة للبشر ستر وغطا

من قريب ومن قديمات تلعصور
ماذكر طيب على الشينة سطا

#محمد_جبار_القت

[محمدجبارالقت @madh110]

صعب تنسى الذكريات بسهولة والمكان
وانت روحك سالمة والرياح تهبها

ذكرياتك عمر لو ماعلى الدنيا ضمان
عشتها وجروحها مانت لاقي طبها

العرب مابين فرحة وحزن وامتحان
تخلف الهقوة وروس البشر تلعب بها

عاشوا الأعمار مابين خوف وبين امان
أحد يمدح بيض الأيام وأحد يسبها

#محمد_جبار_القت

[محمدجبارالقت @madh110]

انا عن الناس ضاقت فيني اهدومي
يالله في نفسي وديني لاتفتني

لي تسعة سنين وانا اقاسي اهمومي
واشكي من الهم لو إنه ضحك سني

ماودي اشكي بلاي وتطلع اعلومي
كيف اشرح الحال والا اصير متهني

وانا اندري ان ماجرالي شئ مقسومي
ماجا لغيري ولاهو غائبٍ {عني }

#محمد_جبار_القت

[محمدجبارالقت @madh110]

ياعذاب اللي توجد وشفه في الوجود
مير عيا الحظ يرهيه من غاية مناه

والله ان بعض التوجاد ماهو بمحمود
يخلف العقيل والصبر ياصل منتهاه

في ضمير اللي همومه تجي فوقه وفود
كل ما ماكنه هدا البال جا هم شواه

ياعظيم الشأن ماني على انعامك جحود
ياكريمٍ له نصلي ومطلبنا رضاه

#محمد_جبار_القت

[سمان الهرج @fahad33931]

يالله ياللي في يـديـك الـتـدابـيـر
لا تـطلـب الـفزعـة ولا تستشيري
ٰ
واللـي تـبيـه بـلا تـقـدم وتـأخـيـر
يصير واللـي ما تبي ما يصيري
ٰ
تحط لي في يوم كشف التقارير
حجاب من بيـني وبين السعيري
ٰ
#عبدالله_بن_زويبن رحمه الله

[ابو احمد @ah114433]

فقدتك حيل وأشتقت لك حيل

والشوق جرح للقلوب الرقيقه

أشتاق لك من طلعت الصبح لليل

وأتخيلك في الثانيه و الدقيقه تدل دربها

[وروود🥀🌕🇸🇦💚اهلاوية ملكية👑💚 @vip602015]

الله يمسي طيب القلب بالخير
اللي سلامة يرسلة بأبتسامة
إن قال انا طيب ومرتاح وبخير
تبرى جروحي من حلاوة سلامة.💜

🥀..

[حمود البيضاني @hamoudalbedhani]

لا تــامـن الـدنـيـا و لا تـامـن الـنـاس
الــوقــت مــايـرحـم ولا هــــوب يـــاوي
كــم واحــدٍ عـقب الـسعاده والاونـاس
شاف الفقر والضيم و اصبح شقاوي
عـلـيـك بــالـي يـرفـع الـهـم و الـبـاس
والــلــيـا دعــيـتـه مــايــرد الــدعــاوي
#حمود_البيضاني

[الحمد الله @aw_5544]

تفرح عيوني ساعة أشوفك والاقيك
وأقول ياجعل كل هالناس يفدونك
قربك دوا للروح يا روح مغليك
فديت روحك تذبحني نظرة عيونك

[الحمد الله @aw_5544]

منك انا ياغايتي روحي كسيره
خافي الله في بقايا انسان حبك
في كياني وش عملتي يالاميره
مابقى بالقلب قطعه ماتحبك
منك قلبي كنه سلوك الظفيره
بالغلا والحب والود متشبك
ياملاك الحسن يانشوة عبيره
شوفتك شفي وطب الروح طبك