عبدالرحمن بن جويبر

سبحان الله و بحمده سبحان الله العظيم؛

حسابي الشخصي الوحيد

[سالم آل سحمان @SalemAlSehman]

#السعوديه_خط_احمر🇸🇦💚

[قوافي الشعر @qawafi_142]

كبروا ليبلّغ تكبيركم عنّان السمّاء
كبرو فإن اللّٰه عظيم يستحق الثناء

اللّٰه أكبر ، اللّٰه أكبر ، اللّٰه أكبر
لا إله إلا اللّٰه، اللّٰه أكبر ، اللّٰه أكبر وللّٰه الحمد

أحيوا سنة التكبير في هذه الأيام الفضيلة
#عشر_ذو_الحجة

[استغفر الله العظيم | Al-Harbi @i_MHH3]

السمعة الطيبة تبقى ليوم النشور
كم واحدن وظف عياله و هو بالقبر

ثامر الشاماني

[عبدالرحمن بن جويبر @abokhalid922]

@NouraAl3tawy صح الله لسانك على هذا الإبداع
وراحت حياة الحي والحي باقي👍

[نوره العطاوي @NouraAl3tawy]

قبل امس ياعزاه مع ميلة الفي
زارتني الذكرى وزاد اشتياقي

مريت حيٍ كان يسكن به الحي
وراحت حياة الحي والحي باقي
#العطاويه

[د. سلطان الحربي | Dr. Sultan Alharbi @Dr_sultan_alhrb]

ان كان تبغى زبدة الهرج منّا
حـنا رجالٍ للمعالي عليـنا

وإن شبّت النيران منّا ومناّ
ناطا براكين الوغى ماعلينا

🪶د. سلطان، الحربي.

[مرزوق عطاالله الصبحي الحربي @Abo_khaled0123]

مايوسع ضيقة الصدر ويفل الحجاج
غير فرة طارة الجيب مع فجٍ خضر

السماء غائم  ولافيه برد ولا عجاج
غير رجاف الرواعد وزخات المطر

مع ثنين قروم عدلين مافيهم عواج
في سوالفهم طرافه وحكمة مع صبر

قبل تعلن رحلة الليل للصبح إنبلاج
لاندهت اللي يواليلك الأقصى طمر
#مرزوق_الصبحي

[خالد الشاماني @KhalidAlshamani]

اكـذب الساحات سـاحـات القـصـيد

واصدق الساحات ساحات القصاص

#ثامر_الشاماني

[فيصل الشاماني @f141f]

"سيف حرب، #شاعر بمعنى الكلمة، #تحية إبداع لشاعرنا المتميز ثامر الشاماني #الحربي".
#ثامر_الشاماني
#شعر #مشاهير_حرب
#المدينة_المنورة

[لاحــق - العضيـاني @abonawaff1]

حلفت مافتح لي مع الخبل موضوع
ماضـاع ديـن ولا غـدالي فقيـده

الفـرق بعقـول الرياجـيل مـزروع
غرسٍ تسـاقيه الفعـول الحميده

احدٍ صدى طيبه مع الناس مسموع
واحد هيـاطه فالمجالس رصيـده

واللي غمس يمناه فالسمن للكوع
يفداه من شـذب العراقيب فيـده

#لاحق_العضياني

[قوافي الشعر @qawafi_142]

ياهواي وشف بالي ومطلوبي
كل كلمة حب في خاطرك قلها

سولف ولايزعجك منطق اسلوبي
لو علومي كلها خيل البلها

العرب تعرف مزاياي وعيوبي
قبل اسجل في برامج تواصلها

بدويٍ غترتي والفت ثوبي
بالموديلات الجديده مابدلها

#سداح_العتيبي
@saddahalotaibi

[سداح العتيبي @saddahalotaibi]

المساحات اكنسوها بالمكانس
حطوا المترديّه فوق النطيحه

بثّـها مابيني وبينه تجانس
والصراحة ترضي الناس الصريحه

وش نبي باصوات شيبان وعوانس
من يحبّ الستر هجّ عْن الفضيحه

[الشاعر: سالم السامود @salemalsamod]

في حفل قبيلة مخلف بالحناكيه

[ديوانية حرب @dywanitharb]

توجد صفات بالرجل ومنها الأدب والتقدير ولاحترام والشجاعه والذرابه
وتجمعها كلها الشهامه في صدر الرجل

احتوى هذه الصفات صدر الشاعر الكبير ثامر الشاماني الحربي

في تقديمه لابن عمه
ملك النقض الشاعر الكبير راشد السحيمي
وكلامه وقار نفس محبوب للجميع

حوار بين
راشد السحيمي
وعايض العاطفي

[جرّاح العتيبي @AL___9999]

اللي رفيقه عسل لا يلحسه كله
ياخذ منه ملعقه ويخلي الباقي :)

[قوافي الشعر @qawafi_142]

اليوم ماعاد به شي يهقويني
الوقت بوّار والنخوات معدومه

واشوف شي طلع ماهوب مرضيني
ذكرني اللي من اول مبعد حومه

يشقى بن آدم وهو مخلوق من طيني
ويرجع على حفرة بالطين مردومه

لابد يوم به المرسول ياتيني
العمر له حد والآجال محتومه
ً
عبدالله بن زويبن
رحمه الله وغفرله

[✌️الـروقــي✌️ @m__d511]

#سفر_الدغيلبي
#ثامر_الشاماني

[جرّاح العتيبي @AL___9999]

الطيبه الزايده تفتح على الشخص باب
ما ينكب الشخص غير الطيبه الزايده

سوّ الجمايل مع اللي كل ماطبت طاب
وأبعد عن اللي مزاجه لازم تصايده

و اتعب ورى المرجله والصبر خله زهاب
لا تصدق اللي يقول المرجله كايده

وان شفت مالك حضور اختار درب الغياب
أطيب لك من الحضور اللي بلا الفايده :)

[سداح العتيبي @saddahalotaibi]

حيّ هالروس يشرفون في اي مجلس يحضرونه