عبيد العتيبي

يمكن إني في المكان الخطا؛ ليت المكان ‏كان ظلّه ما يوهّمني أجلس به سنين .

[عبيد العتيبي @aborayyom]

خذ الطيّبة مني والأعمال بالنيات
وخلّك صريح ونيتك لا تغيرها

واذا منت متْعود على الطيبة بالذات
نوايا العرب فصدورها لا تفسرها

عبيد بن مرشد

[عبيد العتيبي @aborayyom]

عليك الله أكبر ياشعورٍ عجزت أنساه
شعور العطا يوم أنكروني ونسيوني

خذوا مايبون وهملوني على المظماة
معي لين جيت المهمهية وخلونـي

عبيد بن مرشد العتيبي

[عبيد العتيبي @aborayyom]

ألا ياسـفينة يـوم جـاوزتي الأهــوال
بعد ما استقريتي على قمة الجودي

وألا ياسما كفّي ويا أرض أظهري الأطلال
ومثل ما اندفعتي يامياه البحر عودي

كسبت النتيجة زود هيبة وراحة بال
والأحداث شدّت عزمي وشدت عْضودي

عبيد مرشد العتيبي

[عبيد العتيبي @aborayyom]

نجوت بصعوبة حسب ما يقتضيه الحال
بعد معركة واستشهدوا خيرة جْنودي

فقدت الثقة والصبر .. لو الأمل مازال
على آخر رمق ؛ وأوصلني لحدّ مقصودي

وخاضوا وقايعها بتمكين واستبسال
حفاظًا لتاريخي وتأمين لحدودي

ومما يعزي النفس ماتوا ممات أبطال
حسَب ماروى التاريخ وأعدائي اشهودي

[عبيد العتيبي @aborayyom]

على مفرق الحيرة تركني وأنا مكتوف
وعين الأمل تستتبع المرة المرة

عيون الأمل ماعاد باقي وراها شوف
وياجفن وش داعيك في كحلك نذره

عبيد مرشد العتيبي

[عبيد العتيبي @aborayyom]

تعوذت من هدر المشاعر وجاني خوف
تراودني الذكرى القديمة على الجرة

خطاي الكبير إني تعاملت بالمعروف
وصدري عن اللي يلتجي فيه ما أزره

فؤاد الحزين اللي عليه الهموم تطوف
وهو واقعه لن ضره الوقت ماسره

بعد تضحياته كلها خاطره مكسوف
ولوّ يتقاضى عقبها مابرد حره

[عبيد العتيبي @aborayyom]

وصلت لقناعة تامة يالمَعين العذب
بعد مالسراب أبعد سنيني وخطواتي

أقول: الله الله عيدها وأدري إنه كذب
ويفرح يحسْب إني على حسن نياتي

تصالحت مع نفسي بعَد كثر شد وجذب
وخفّضت سقف الحد الأعلى لهقواتي

عبيد بن مرشد العتيبي

[عبيد العتيبي @aborayyom]

ياصاحبي والله لو الصمت مسموع
ماتنشد الصامت على ويش صَمته

العذر يفتح للمشاريــه مشروع
والصفح خير لنفسك ليا التزمته

نقص الشهر في يوم ماهوب في أسبوع
يومٍ تعــذّر لي هلالــه وصمتـه

عبيد بن مرشد العتيبي

[عبيد العتيبي @aborayyom]

روابعك في داخل عواطفك؛ خذ موال!
مكاسبك! كنّك تسحب السلك بالمكرة
لكنّ الصحيح اللي تكلم به العقّال
ليا أصبحت تومن به ليا جاتك الفكرة ..

عبيد بن مرشد العتيبي

[عبيد العتيبي @aborayyom]

أنا مالقيت أكثر صعوبة على الرجال
ليا أنكر وجيه أصحابه وحب مايكره
سلامي على حالٍ تعداه كيف الحال
أرد السلام وطاب حالك وأنا مُكره
وأنا كنت أحسْب إن القضية وداع أطفال
خصومتهم أقصى حد لو طوّلَت بكرة..

[عبيد العتيبي @aborayyom]

ليا طحت من عين المواجيب ماترفعك
مناسبك .. جعل الله يعوضك في الطيحة

أبوك وخوالك لوّ تنفعك! ماتنفعك.
يجونك مداويرٍ تدوّر على الريحة

لقوا سلعةٍ في السوق تشغلهم وتوجعك
وهم من ولا حاجة تدور على الصيحة

عبيد بن مرشد العتيبي

[عبيد العتيبي @aborayyom]

صحيح اتفقنا بس باقي لي استفسار
نست للأبد! والا تجي مثل عادتها!
وصلنا الطريق اللي يودي غريب الدار
على غربةٍ ماعمره يشوف غربتها
سبقها نزاعات ووداع وزعل وأعذار
وترجع مياه العاشقين لطبيعتها
وأنا دقّني قلبي لأن الوداع الحار
وراه أسئلة ماتقدر تجيب إجابتها ..
2

عبيد العتيبي

[عبيد العتيبي @aborayyom]

بعَد ما اتفقنا كلنا ننهي المشوار
ولا أجبرتها.. راعيت حتى قناعتها
أقول الفراق أحيان خير من الاستمرار
تبين غلاك لها وتحفظ محبتها
وأكيد المفارق سم حال وعذاب ونار
ولكنها تحفظ لنفسك كرامتها
فتور العلاقات أكبر أعداء الاستقرار
هو القاتل الصامت مشيع جنازتها
1

[عبيد العتيبي @aborayyom]

خوفي من اللي راح ماهو من الجاي
مالي على الذكرى شجاعة مواجه

عبيد بن مرشد العتيبي.

[عبيد العتيبي @aborayyom]

يالعابرين اللي تقفيتوا خْطاي
لو مالحقتوا في الطريق نتواجه
مواجهٍ لو نضرب الراي بالراي
يبحل به العاقل مدوّر خراجه
ياليت منكم واحد بقلب نسّاي
والا التفاوض فيه باب انفراجة
حتى ولو ماني مصنفكم أعداي
الكل بالتنفيذ رافع حجاجه!!
ليا نويتوا تاخذون أثمن أشياي
أبوي خلّوه وخذوا كل حاجة

[عبيد العتيبي @aborayyom]

توهمتك حقيقة واستلذيتك عذاب وهم
وتابعتك سراب وشفتك ولا صدقَت عيني

حفظتك ذكريات وعشتني لعب وبكيتك دم
وعشتك لحظة ولهفة لقى والوجد حاديني

لقيتك كذب ماهو بأي كذب إلا غزير وجم
وحاولت ألحق اللي راح مني لوّ يمديني

عبيد بن مرشد العتيبي

[عبيد العتيبي @aborayyom]

أخذتك درس لكن درس قاسي بعد كم وكم
شربت التجربة لكنها ماعاد ترويني

عبيد بن مرشد العتيبي

[عبيد العتيبي @aborayyom]

في المجالس فيه رجلٍ يستحي من ظله
كلمته تحسب ونذكرها ولا يثنيها

عبيد مرشد العتيبي

[عبيد العتيبي @aborayyom]

كبرنا على طرد المقفّين ياريوم
ولا نلتفت حتى باشارة وداعية

ولا وصلت الشارب ولا تبلغ الحلقوم
على القلب أخف من الهبوب الجنوبية

ولا نكترث لغيابهم بالعتب واللوم
مثل مايجي؛ بكرة يجي واحدٍ زيه

وأبشرك في وقت المفارق يزين النوم
تخف ارتباطات النفوس الشقاوية