زاهدٍ في الناس ماهو من ترَف ولا تغلّي
وبحياةٍ ما لقى الشاعر بها أغلى من شبابه
شدني كيف أملك القدرة على هذا التخلي
وأملك الدنيا وأنا بالكاد من يملك ثيابه
تَعَب كل التجارب لكن أحيان التعب نوماس
أنا حاسبت نفسي .. قبل ربي لا يحاسبها
أجي مثل المطر ما بعده الا ذعذعة نسناس
يطهّر وجه الارض .. اللي تعاني من رواسبها
ما سألت الليل عن نور القمر
ولا طلبت الشمس تمهل بالرحيل
وما رجيت الوقت يقبل لي عذر
والعوض والعذر في حقي قليل
والعطا من كفي الأيمن بحر
وما قبلت أخذ ولو رد الجميل
من لقى قربي لقى كل العمر
ومن لقى فرقاي ما يلقى بديل
يالرحيل السرمدي منك النفس ما هابت
نفسي عزيزة وكل مبادي الشيّم فيها
ما رضت في دربك اذلالٍ .. ولا ساقت
في دروب الردى ما تخطي خطاويها
روح لا بغت .. تشري وان عافت ترا سابت
تعطي ولا تحسب وش إنت تعطيها
اعذراك الي البارحة .. ودت وجابت
اليوم ما لها في الحنايا دروب تسريها
ألا يا هيه لا تنشد ورا لوني غدا مخلوف
تبرّق في وجيه الناس .. أنا مانيب بلحالي
غرقنا في خطايانا و ضيّع دربنا العاصوف
تلاطم في حشانا ذنوب وشيٍ صعب ينقالي
وصلت لأخر حدودك يا أخر دربي المكسوف
أبي نورٍ .. أبي شمسٍ .. أبي عمري يتهيّا لي !
مع غيرك أقسى مْن الحجر وأثقل من الطود
ومعاك النسانيس الخفيفة.. تمرجحني
على غيرك عما عين وجفا قلب وثقيل لسان
وعليك أنت الخطاوي تسبق أوّلها تواليها
يوم غيرك يبي منّي .. ولو ربع كلمة
كنت أسنّد عليك السالفة والقصيدة