ماتركته في حدود الممكنه والمستحيله
كنت اداري خاطره لو خاطره مدري علامه
وكنت اوقّف له على ساق وقدم في كل ليله
لين اعدّلها عقب .. ماهيب ميّله واستقامه
إن ثقل همه على مَتْنه فـ انا اول من يشيله
وان تمادى بالسهر ليله فـ انا آخر من ينامه
مدامي في ذرى قلبك عن الصدمات والتقصير
ما عاد أخاف من طول الطريق وضيقة المسرى
أحبك والهوى فوق الكلام العذب والتفسير
يا وجهٍ فيه مستقبل شعوري ما غدى ذكرى
عرفت انك فرح قلبي وضحكات الليال والخير
يا حلم العمر ما بعدك غرام وفرصةٍ أُخرى🩵
تعديت معه الحد والحبّ والمألوف
وأنا في غرامه صرت مؤمن بـ لا ملّه
تركت الكواكب خلف ظهري ولا لي شوف
سوى وجهه اللي شمس عمري تحت ظله
أحبّه محبّة من سكن في فؤاده خوف
على واحد�� يغنيه عن عالمه كلّه🩵
يا أرقَّ من يفضح هواه الأسارِيْر..
طَيْرك ترك في غيْهب البَال عِشَّهْ
خذني على فال الهوَى، والمقادِيْر
واللي على ظَهْر المشارِيه.. طِشَّهْ
أشوف فيك أحلى السنين المداوِيْر
أمانتك.. وَجْه الرِّضا، لا تخشَّهْ!
أنا أعرِفك قبل الظمأ، والمعاذِيْر
الطيَّب أحيانًا.. ظْنونه تغشِّهْ..
يارب عطني أكثر من اللي رجيت
وأنت الكريم اللي عطاءه سرمدي
أنا أمنياتي أكبر من اللي سعيت
ياربّ تشرق لي مثل صبح ندي
دخيلك من الدرب لا مال وبكيت
وأعوذ بك يارب من حظِ ردي
طلبتك تحقِّق دعاي اللي دعيت
تعبت أشيل أحلامي براحة يدي
أذكرك يا قلبي قبل عدّة سنين
تعشق تفاصيل الحياة وصخبها
عايش بدون قيود وبدون روتين
تمشي ورا احلامك وتنسى تعبها
وش جاك متغيّر ولا ودّك الحين
تروّض دروبك وتكبح غضبها
هذا وتوّك ما وصلت الثلاثين
موتت شغفك الغامضه وش سببها
دام اليقين شعور والوعي تخمين
الوقت لو تنسى الأماني سلبها
اعرف ان العوض دايم يجي لكن يجي بعدين
انا ما كنت اظن إن العوض يستاهل إرهاقي
حبيبي جيت في خوفي شعورٍ يفرض التطمين
مثل ماغيبتك تفرض على درب الهوى اشواقي
اشوفك نور ما بين اليقين و عتـمة التخمين
تجي مثل الصباح اللي يصادف موعد إشراقي
عفى الله عن صدرٍ من الوقت لو ينهار
مايشكي مُعاناته على بعيد وقريّب
ليا حس في حزنه توارى عن الانظار
ولا يوقع من همومه وضيقه قريّب
معه قلب ذيب ونفس طير وعزم واصرار
ومعه حسن خلقٍ لا يعذرب ولا يعيّب
لو تحطه الاقدار ما بين نار وغار
ماهوب متردي، كان ماهوب متطيّب
"سلام الله وأنا ماعاد أبي غير السلام وبس
سلام الروح.. ماهوب السلام اللي تعرفونه
أنا طيّب، ومتسامح، ومتواضع، ومرهف حس
وكاشف خطة المحتال لو تضحك لي سنونه"
«وين أودّي غيمة الأحلام من شمس الحقيقه
وأنت موجٍ لا تلاطم شفت به جزري ومدي
ضحكةٍ لاحت على وجهك نسايمها رقيقه
تعترض لي في صباحات الهوى و أقول ودي
كل دربٍ ما خطت رجلك على مفرق طريقه
ما يعد من الدروب ولا يجيب ولا يودّي»