ُ

و يهـوى عظيـمُ النفس نيلَ العظائـم

[ُ @sud77i]

حاولت فالصبر والسلوان بأنواعه
وازين الظن في الايام وتخيّب

[ُ @sud77i]

فصل الشتاء رد السلام وساق ذعذاع البراد
" رحبت به " وانا الهبوب البارده محتاجها

[ُ @sud77i]

معرّض صدري لرش المطر وذعذاع الهبوب
ودي ان المطر يغسل قلبي من شيٍ يحسه

[ُ @sud77i]

قلعة الدنيا ولا عاد يغرينا متاع
والسنين اللي مضت روّحت بهيامها

ما يطيب العيش والراس ما عاش ارتفاع
وارتفع بالنفس لو ضامها ما ضامها

كل ما جينا نصافح نصافح باندفاع
مشكلتنا نعطي الناس فوق أحجامها

كم صنعنا من جميل مع العالم وضاع
وكم تغير طعمها يوم كف إطعامها

[ُ @sud77i]

وش فيك يا خاطري منت بمرتاح
كنك تخبي ضيقة العمر فيك

تضحك ودمعتك على الخد تنزاح
وتقول انا بخير و الضيق يغليك

خابرك يا خاطري دايم شجاع
ما كنت تسمح للزمن يوم يأذيك

واليوم كسرك واضح بكل الاوضاع
والحيل خانك و الوجع ما يخليك

[ُ @sud77i]

جعل اللي خلاك بالبال حي
يخليك بجنته متوسدّ الراحه

[ُ @sud77i]

لحد يزعجنا على الخاص .

[ُ @sud77i]

عليك بسم اللّٰه من الهمهمة والبرود
والضيقه إللي تزوّد ضيقتي وزعلي

سولف مثل عادتك و إمل المكانه وجود
خل الحزن جعلني ماذوق حزنك .. علي

[ُ @sud77i]

الانسان لو قسم حروب الحياة اقسام
درى ان اكبر الاقسام حربه مع ذاته

وش الوقت من دون العقارب والارقام
وش العمر من دون الطموح ومتاهاته

ما فيه اصعب من الصبر واثقل من الايام
على اللي ما حقق غايته والعمر فاته

يبي البارح اللي ما يبي شي من قدّام
ويبي بكره اللي حاجته ما بعد جاته

[ُ @sud77i]

ماجت لي الدنيا على ود ودي
تمزح معي ومزوحها دايماً جد

الحظ والعالم والأيام ضدي
وانا احسب الدنيا طريقٍ ممهد

[ُ @sud77i]

أحترت فيها عسى اللّٰه لا يحيّرها
مزيونةٍ بـ المشاعر ما تعلمني

اللّٰه يسلمك هذي ما تغيّرها
وأنا من عيونها ما اللّٰه مسلمني

[ُ @sud77i]

مابارت اهدافي لو إن الزمن بار
العزم مثل البحر ماله نهايه

ذقت الخساير والعزاير والأمرار
وسقت العمر كله على شان غايه

ما يصنع التاريخ من هاب الاخطار
« ولا رقا في قمة المجد تايه »

ولا يعلم الانسان عن بعض الاقدار
يمكن بعد خط النهايه .. بدايه

[ُ @sud77i]

السيل يبقى له على القاع مجرى
ويبقى لك التذكار لو كنت فارقت

أشوف لك من وين مارحت ذكرى
لا شفتها صديت عنها ودنقت

ماكل جرح لا خذا أيام يبرى
بعض الجروح يزيد شره مع الوقت

[ُ @sud77i]

القلب يجفل من وجيهٍ مصده
وانا اشهد ان القلب دليل لراعيه

وسيلٍ جرى مدرجه لا تحدّه
جنب وخل السيل يضرب مجاريه

وما فات من دنياك صعب مرده
خذ لك من الماضي عبره و توجه

[ُ @sud77i]

تضيع الضيعه اللي ماتبي فيها رجاحة راي
لا شفت احلامك يكبّر عليها الوقت و يمسي

[ُ @sud77i]

أضرب برجلك على عوج الدروب
يستقيم الدرب دامك مستقيم

[ُ @sud77i]

منقية ابن سعود جتكم طوابير
تفرجوا بالزين يا أهل المزاين

ذود الوطن ماهيب ذود المغاتير
ذودٍ علفها راس كل مجرم وخاين

[المتحدث الرسمي باسم قوات التحالف @CJFCSpox]

تدعّي إسقاطها ..

ستدخل الميدان قريباً..
تذكر شكلها فلا تنسى

[ُ @sud77i]

داري ان السنين المقبلات أجودية
يوم يدرك الأنسان ان عقب القيظ همايل

[ُ @sud77i]

هذا الوطن وجه السحايب لـ ظميان
( برد الربيع ليا لفحتك القوايل )

ادام الله علينا الأمن والأمان وحفظ الله ولاة امرنا
وسدد الله رمي جنودنا ورحم الله شهداء الوطن 💚

[ُ @sud77i]

مابين خلك حصان و بين خلك صقر 
  ماعاد ندري ندك الارض ولا نطير 🇸🇦