Noha Abuzead

[Noha Abuzead @abuzead6212]

@Petra_Jordan___ @MariaLBurgwazia عسل 😂😂😂😂😘😘😘

[Noha Abuzead @abuzead6212]

@f3kvfn @ElkhateebRania علشان ترامب هو اللى بدأ بالسخرية منه و من اسمه و خلفيته الاجتماعية و زوجته كمان و قال عن عبدالرحمن السيد أنه رجل الكراهية لمجرد دعمه لحق الشعب الفلسطينى .. يبقى من حقه يرد

[Noha Abuzead @abuzead6212]

@Basil17_4 فى بيتى الرابع

[Noha Abuzead @abuzead6212]

@cha_2v انا مصرية و مهتمة اعرف توقعات الفلك ل مصر و نظامها الحاكم فى الفترة القادمة خصوصا مع الأزمةالاقتصادية الحالية

[Noha Abuzead @abuzead6212]

@karimGahin1 البركة فى السيسي .. عمل مصر مزبلة علشان شوية دولارات من الاتحاد الأوروبى يسد بيهم تمن مشاريعه الفاشلة و لسه مدبولى بيقول هنزود اعداد غير المصريين فى الجامعات بنسبة ١٥٠ %

[Sherin Helal @sherinhelal555]

الأردن حل أزمة كليات الطب عنده
بتحويل الطلبة على الجامعات المصرية!!!

باختصار كدة وفي نقاط
الأردن عنده أزمة حقيقية في معالجة طلبات دخول الطب:
عنده حاليا 23 ألف طالب بيدرسوا جوه + 20 ألف برة.
كل سنة بيتخرج أكتر من 4400 طبيب، بس مقاعد التخصص مش بتكفي غير حوالي 1000 بس. يعنى أكتر من 75% من الاطباء الجدد ملهمش مكان بواقع 3400 طبيب ببلاقي نفسه من غير شغل ولا حتى بيعرف يتخصص.

الحكومة الأردنية تعمل إيه بقى؟؟؟؟

الحكومة قررت تقلل المقاعد في كليات الطب عندها سنة ورا سنة، ووصلت السنة دي لـ640 مقعد بس، لان عندها دراسات بحجم السوق واحتياجاته فبتقلل الأعداد عشان متتحسبش عليها في معدلات البطالة. ويبقى اللي عايز يتعلم في كليات الطب على حسابه سواء جوة او برة، والدولة مش ملزمة بتعيينه.

في نفس الوقت، عملت نظام التوجيهي الجديد (ثانوية عامة أردنية)، تخصصات علمي علوم و علمي رياضة وخففت من محتويات الرياضيات والفيزياء على طلاب الحقل الصحي، ودا ادى لان يطلع أعداد كبيرة عايزة طب، ومجاميع القبول لكليات الطب الأردنية عالية أوي من 96-97% والمقاعد محدودة جدا جدا.

فقامت الحكومة الأردنية عاملة اتفاق مع الشقيقة الكبرى واتفقت مع مصر إنهم يقبلوا طلبة الثانوية العامة الأردنيين اللي من الحقل الصحي في كليات الطب عندنا.

كان في تخوف كبير عند أولياء الأمور إن طلبة الحقل الصحي مش بيدرسوا رياضيات كفاية، فممكن الجامعات المصرية ترفضهم. دلوقتي الاتفاق حل الموضوع دا، وكمان امتحان الرياضيات بقى مركزي وموجود في كشف العلامات، فالطالب يقدر يثبت إنه نجح فيه بسهولة.

ومع ذلك أولياء الأمور قوموا القيامة في الأردن على السوشيال ميديا و في الإعلام على الاتفاق مع مصر ليييه؟

بالرغم من ان الاتفاق مفروض يخدم الطلبة والأهالي الأردنيين نظرا لإنهم مش مطالبين بمجاميع عالية في كليات الطب في مصر، الطالب الأردن يقدر يدخل الكليات الطبية من 75% مش محتاج فوق ال90% عشان يدخل. وكمان مصروفات بعض كليات الطب في مصر أرخص من مصروفات جامعات الأردن، إلا إن الأهالي شافوا ان دا اغتراب للطلبة وكمان مصروف بالدولار واستنزاف لعملتهم لصالح الجامعات والاقتصاد المصري!!!

كمان الإتفاق الجديد مع مصر مش معلن فيه حد أقصى او سقف للأعداد المتوقع إلتحاقها بالجامعات المصرية. دا غير إن سهولة الالتحاق بمجاميع 75% للجامعات الحكومية و70% للجامعات الخاصة. وكمان بعض الجامعات بتمنح تخفيضات على المصروفات للطلبة الأردنيين من 15-25% بحسب السنة الدراسية وشروط الالتحاق ساعتها.

وبكدة تكون وزارة التعليم الأردنية حلت أزمة الضغط على كلياتها الطبية بانها صدرت هذا العبء على الكليات المصرية. علما بان قبل هذا الاتفاق كان المقيد من الطلبة الأردنيين في مصر ما بين 4000-5000 طالب بحسب ارقام 2021، فنتوقع زيادة الاعداد وخصوصا في كليات الطب!!

لو أعداد الأردنيين زادت، جنبها اعداد الوافدين من كل المعمورة وانا هنا بتكلم على الجامعات الحكومية فقط، الضغط هيزيد على المدرجات والمستشفيات، والتدريب العملي هيبقى أضيق، وجودة التعليم ممكن تتأثر، فايه الحل؟

هل حد سمع شكوى طلاب الثانوية العامة وأهاليهم المصريين بسبب ارتفاع التنسيق عليهم وارتفاع مصروفات كليات الطب الخاصة، وضياع فرصهم في الالتحاق بالكليات اللي يتمنوها؟

عموما الحكومة الأردنية حلت مشكلة اهلها ونتمنى الحكومة المصرية تحذو حذوها وتحل مشاكل الطلبة والأهالي المصريين!!!

#شيرين_هلال

[Abdel Hamid Ahmed Hamdy @ahamdyos]

أرقام فاتورة الطاقة... الرقم بقى يخض بجد!
فاتورة شراء الطاقة وصلت لمستويات تخلي أي حد يقف ويسأل....
إحنا بنحرق فلوس بالهبل ليه؟
النائب د. محمد فؤاد @MAFouad كتب الأرقام بالتفصيل وعامل كل اللي يقدر عليه في البرلمان لتوضيح حجم المشكلة...
لكن لو فاتورة الطاقة وصلت للأرقام دي... فالأكيد إن الهدر نفسه وصل لأرقام مرعبة أكثر بكثير...
الموضوع مش ترشيد بمعنى نطفي كام لمبة أو نقفل أعمدة إنارة....
الموضوع أكبر من كده بكتير.
إحنا محتاجين نراجع كل أسباب الهدر من جذورها من...
أنظمة وأكواد البناء الحالية ومعايير كفاءة الطاقة
أنظمة العزل الحراري
تصميم الواجهات والزجاج المستخدم
كفاءة أجهزة التكييف والتبريد
فاقد شبكات الكهرباء
إحنا عايشين في عالم درجات حرارته بترتفع سنة بعد سنة... عملنا ايه بقي...
المطلوب مش حملة ترشيد مؤقتة...
المطلوب تغيير اللوائح والأكواد والحوافز الاقتصادية علشان نمنع الهدر...
قبل ما ندور على طاقة أكتر... أتمني نعرف الطاقة اللي عندنا بتضيع فين الأول....

[Mohamed 3nan @3nan_ma]

إبراهيم عيسى .. حكومة تعاير المواطن بفلوسه

كل شويه الحكومة بتتحمل الدوله بتتحمل دولة مين وحكومة مين هي فلوسكم المواطن هو اللي بيتحملها كاملة

- يعني المواطن حضرتك لما بيستهلك ال 200 كيلو وات بيدفع 42% وبيدفع ال 48% الثانيين ولا 58% التانيين بيدفع 313 جنيه انت ما بتدفعهمش

- ليه السيد وزير الكهرباء متصور انه هو اللي بيدفع او وزارته او وزارة المالية او الحكومة المصرية اللي بتدفع بقيه الفلوس يعني ايه بتدفع بقيه الفلوس هي فلوسكم ده حاجه غريبه جدا

- ده يجننك يقول لك انت عارف البنزين انت بتدفع فيه 7 جنيه ولا 8 جنيه ايا كان الرقم الدوله لسه بتدفع 22 جنية تتحمل عنك دولة مين اللي بتحمل عني انا اللي بتحمل

- دي كلها فلوسي دي حاجة غريبه انتوا نسيتوا نفسكم على فكره

- انتوا قائمين على عمليه الصرف والانفاق يعني والمفروض تحت طبعا رقابه الشعب وتحت مسائلة الشعب لكن يعني الشعب مسلم امره لله

- الفلوس دي حضراتكم بتجوها منين من الضرايب اللي احنا بندفعها بتجيبوها من الرسوم اللي احنا بندفعها بتجيبوها منين

- قناه السويس اللي جدي وجدك هو اللي حفرها

- بتجيبوها من السياحه اللي جدي وجدك وجد جد جدي هو اللي بناها يعني

- وعمل الاثار دي كلها وغيرها يعني برضوا فكره حتى البترول والطاقه حيواناتنا البحريه القديمه يعني هي اللي كانت مدفونه هي والديناصورات بتاعتنا في مصر من ملايين السنين وطلعت البترول ده

- طول الوقت الدوله بتقول هي اللي بتتحمل عن المواطن

- انت ما بتتحملش عن حاجه خالص انت معاك فلوسي وقاعد انا اسف يعني تنفقها على غير رشد

- حكومه محتاجه اعاده نظر فورا وكل ما نيجي نتكلم يقول لك اصل الحكومه بتتحمل اصل

- الدوله بتتحمل .. لا مش الدوله اللي بتتحمل

- انا اللي شاربها كلها انا المواطن انا اللي شاربها كلها ما حدش بيصرف عليا

- ما حدش بيصرف على المواطن المصري الحكومه المصريه هو اللي بيصرف على نفسه يعني ثروته وفلوسه ومقدراته

#مصر #الحكومة #الدولار

[Amaniaf207 @amaniaf207]

مصر فقدت ثلث إنتاجها من الغاز في الثلاث سنوات الماضيه ... اكبر فاتورتين على ميزانية مصر احنا اللي بندفع تمن فشل ادارتهم من دمنا هم فاتورة فشل وزارة البترول ووزارة النقل

[ALY MAGRABY @Aly_El_Maghraby]

منقول و أعجبني جداً
"عايز تتفرج على المصريين وهم بيشتغلوا كويس ومفيش هزار فى الشغل.. اتفرج علي المصريين فى اوروبا
عايز تتفرج على المصريين وهم مؤدبين ومفيش حد بيشتم حد ومفيش حد بيشتم الهيئات ولا الخدمات ولا بيشتم خالص على السوشيال ميديا اتفرج عليهم فى دول الخليج"

القانون بيربى الناس ويعلمهم الادب !

[Mohamed A. Fouad @MAFouad]

مصر ليست فقيرة في الأفكار. لدينا خبراء ودراسات وتجارب، وداخل أجهزة الدولة نفسها معرفة متراكمة وحلول مكتوبة منذ سنوات.

ما نفتقده أكثر بساطة وأكثر قسوة: الاعتراف بالمشكلة، والانضباط في اختيار مسار وتنفيذه، ثم المحاسبة على النتيجة

https://t.co/Vaam73sgk3

[Bebovich @VEGTR7]

الصبح وأنا رايح الشغل اتفرجت على حلقة عن الجامعات الصينية للدكتور أشرف ابراهيم المخبر الاقتصادي بلس وقد إيه الزعيم الصيني سنة ١٩٧٧ بعد الثورة الثقافية الصينية جمع المسؤولين لمناقشة حلول للتعليم العالي في الجامعات الصينية ومن يستحق القبول في التواجد داخل الجامعات ومين لا
والمشوار الكبير لحد ما انهارده أول ٢٠ جامعة حول العالم إنتاج للبحث العالمي منها ١٧ صينيين والمرتبة الأولة جامعة صينية ( مش فاكر اسمها ) وسبقت هارفرد لأول مرة منذ ٢٠١٤ وطريق طويل جدا شرحها شرح كويس في الحلقة.

الصين مش بس اهتمت بالتعليم وصرفت عليه مليارات الدولارات لإنتاج المعرفة وتحويل المعرفة لمنتج في المصانع.
ده ربطت التعليم بإنه هو محرك الاقتصاد الحقيقي
تعليم كويس » بحث علمي » انتاج معرفة » براءة اختراع » منتج داخل المصنع = نمو اقتصادي ونرجع تاني here we go again نصرف على التعليم أكتر ودايرة.

ياريت السادة في الدولة المصرية ولا سيما وزير التعليم أبو شهادة مزورة يدرس التجربة الصينية في التعليم العالي.
مش البلد بقت كل طبقة بتدرس في مستوى معين ومفيش تكافؤ فرص.

[Ahmed Sha’ban @AhmedShaaban3m]

الوقت هيجي, والمقالة هتاخد جوايز وتقدير اكبر بكتير من اللي حصلت عليه:

https://t.co/7F5SI1NB3J

[Mohamed Rashwan @rashwan21875]

السندات:

السند دين بس مختلف عن الدين العادي لان الفايدة بس هي اللي بتدفع بشكل دوري واصل الدين بيدفع في الاخر.

مثلا سند ب ١٠٠٠ وفايدته ١٠٪ لمدة ٥ سنين، الشركة / الدولة حتدفع ١٠٠ جنيه كل سنة لمدة ٥ سنين ، ومع آخر ١٠٠ حتدفع اصل السند اللي هو ١٠٠٠.

[Tina @Tinatarabantina]

رشيد محمد رشيد منع تصدير الرز المصري من ٢٠٠٨، وقت الأزمة العالمية، ومصر كانت بتنتج حوالي ٤٫٦ مليون طن أرز أبيض وبتستهلك ٣٫٢ مليون، بفائض ١٫٤ مليون طن. ورغم كده، كان الهدف حماية السوق المحلي وترشيد استهلاك المياه.

النهارده، وبعد زيادة السكان بحوالي ٣٥ مليون نسمة، أي قرابة النصف، مصر بتنتج نحو ٤٫٢ مليون طن وبتستهلك ٤ ملايين، والفائض ٢٠٠ ألف طن فقط، حوالي ٥٪ من الإنتاج، وفوق ده بنستورد نحو ١٣٠ ألف طن من أصناف زي البسمتي والياسمين والحبة الطويلة.

ولو حسبنا قيمة الـ٢٠٠ ألف طن كلها بمتوسط سعر تصدير ١٬١٠٠–١٬١٥٠ دولار للطن، فإحنا بنتكلم عن ٢٢٠–٢٣٠ مليون دولار.

اللي مش مفهوم بقى، إن مع أزمة مياه مزمنة ومخاطر سد النهضة، إيه المنطق في تشجيع تصدير واحد من أكتر المحاصيل استهلاكًا للمياه؟ خصوصًا إن إنتاجنا النهارده أقل من ٢٠٠٨، بينما عدد السكان زاد قرابة ٥٠٪ والاستهلاك زاد ٢٥٪، والفائض اللي كان ١٫٤ مليون طن اتآكل لحد ما بقى ٢٠٠ ألف طن بس.

[Karim Gahin @karimGahin1]

كوريا الجنوبية، وسنغافورة، وماليزيا (وموريشيوس وفيتنام بدرجة أقل) أمثلة بارزة على دول كانت فقيرة أو محدودة الإمكانيات وحققت نهضة اقتصادية كبيرة عبر الاستثمار الذكي في التعليم الجيد.
كوريا الجنوبية
بعد الحرب الكورية (1950-1953) كانت من أفقر دول العالم، بناتج محلي إجمالي للفرد يقارب 79-100 دولار في أوائل الستينيات (أقل من كثير من دول أفريقيا جنوب الصحراء آنذاك). دمرت الحرب البنية التحتية، وكانت الموارد الطبيعية شبه معدومة.
ركزت الحكومة على تعميم التعليم الابتدائي أولاً (الالتحاق من نحو 54% في 1945 إلى 95% بحلول 1956)، ثم الثانوي، مع محو الأمية (من نحو 22% إلى ما يقارب 99%). ارتفعت نسبة الميزانية المخصصة للتعليم، واعتمدت على جودة التدريس والتركيز على الأساسيات (القراءة والرياضيات) رغم الإمكانيات الضعيفة نسبياً.
ساهم ذلك في تحولها إلى اقتصاد صناعي وتقني متقدم، مع نمو سريع وارتفاع الناتج للفرد إلى عشرات الآلاف من الدولارات. يُعتبر التعليم أحد أهم عوامل “المعجزة الكورية”، حيث وفر رأس مال بشرياً مدرباً للصناعات التصديرية ثم التكنولوجية.
سنغافورة
عند الاستقلال كانت دولة فقيرة ومديونة بموارد محدودة جداً. اتخذ رئيس الوزراء لي كوان يو قراراً واضحاً بتوجيه الموارد نحو التعليم بدلاً من الإنفاق العسكري الثقيل، وبناء المدارس والجامعات، وإرسال الشباب للخارج ثم الاستفادة من خبراتهم.
أنفقت نسبة معتدلة من الناتج على التعليم (منخفضة نسبياً بين الدول المتقدمة لاحقاً)، لكن بجودة عالية وتركيز على المهارات. أصبحت من أفضل الأنظمة التعليمية عالمياً في الرياضيات والقراءة والعلوم، وتحولت إلى اقتصاد متقدم.
ماليزيا
تحت قيادة مهاتير محمد، خُصص نحو ربع الميزانية للتعليم كمحرك للتنمية. ساعد ذلك في نقل البلاد من وضعية العالم الثاني نحو مستويات أعلى من التطور الاقتصادي، مع التركيز على رأس المال البشري.

•موريشيوس: كانت مثالاً كلاسيكياً للفقر، واستثمرت مبكراً في محو الأمية (خاصة بين النساء، حيث تجاوزت 80% بين الشابات بحلول 1962). ساعد ذلك في خفض معدلات الخصوبة وتوفير عمالة ماهرة للصناعات ثم السياحة، لتصبح من أفضل الدول الأفريقية في مؤشرات التنمية.
•فيتنام: حققت تقدماً ملحوظاً في الالتحاق والجودة (أداء جيد نسبياً في اختبارات مثل PISA مقارنة بمستوى الدخل)، مما دعم نموها الاقتصادي رغم التحديات السابقة.
هذه التجارب تُظهر أن النجاح لم يعتمد على إنفاق هائل فقط، بل على الأولوية السياسية، والتركيز على الجودة

[Karim Gahin @karimGahin1]

"السيد الرئيس،

انا مصدوم من كلامك
@AlsisiOfficial

الحديث عن مئات المليارات هذا يتعلق بالبنية التحتية والمباني والتجهيزات،

وهذه بالفعل لها تكاليفها..

لكن ثمة فارق جوهري بين «جودة الشكل» وبين «التعليم الحقيقي ومضمونه»

جوهر التعليم والمحتوى: تطوير المناهج، وتغيير أسلوب التقييم من الحفظ إلى التفكير النقدي والعلمي، وتأهيل المعلم..

كل هذا يتطلب إدارة وإرادة استراتيجية قبل أن يتطلب تمويلاً، وهي أمور لا تُكلف شيئاً من المليارات.

الحقيقة القاسية هي أن اختزال القضية في التمويل وتأجيل الإصلاح قد سلم أدمغة وعقول شباب مصر ومستقبلها للمشايخ والدراويش والخرافات ومنابر التجهيل، بعدما أفرغنا المدارس من مضمونها العلمي والفكري.

تخيل ما هو مصير مصر 🇪🇬 بعد سنوات قليلة إن لم نصلح هذا العطب فكراً ومنهجاً؟

بناء العقول لا ينتظر المليارات؛ فالضخ المالي في نظام يعاني أزمة منهج ومحتوى لن ينتج سوى مباني مجهزة بلا تعليم حقيقي.

الإصلاح يبدأ بتغيير الفلسفة التعليمية فوراً وبما هو متاح، وإلا فإن الثمن المستقبلي سيكون أهول بكثير من أي ميزانية."

تحياتي

[MAX @MrMaxiie]

كابروكي وبس ❤️🎶

[Ashram @pinocchiooo]

الراجل اللي اقترض ١٦٠ مليار دولار دين خارجي و١٨ تريليون جنيه دين محلي ـ منهم ١٢ تريليون اخر خمس سنين بس - بيقول لك أنه معهوش فلوس يطور التعليم.. لأ أنت كان معاك بس اخترت تصرفهم على مقاولات ظباطك.

١٨ تريليون دول يعملوا ٣٥٠ مليار دولار بالمناسبة، يعني إجمالي ديونه ٥٠٠ مليار دولار

[‏𓋴𓅪𓉔𓅃 المعماريه 🇪🇬𓈉𓂀 @soo_200000]

طيب مش نوفر له مدارس مماثله زي مدارس الدول الاخرى الاول؟!
وله انت شوفت عدد الساعات
ومشوفتش عدد الطلبه جوه الفصول والتكييفات اللي في الفصول والمدارس الحديثه المجهزه تستوعب ٢٠٠ ساعه دراسه بكوادر كويسه؟!
وله انت شوفت بس عدد الساعات ومشوفتش صرف الدول الاخرى على المنظومه التعليميه