ⒶⒹⒺⓁ ⓌⒶⓁⓁⓎ

‏‏‏‏‏‏من لايملك قوت يومه لايملك حريته

[Ayman Gelbo @AymanGelberto]

الكابتن حسام حسن والكابتن إبراهيم عندهم دايمًا فكرة: «أنا اللي عملت، وأنا اللي سويت، وأنا اللي جبت، وإحنا…».

دايمًا لازم تلاقي في كلامهم فكرة إن لولا إحنا، مكنش حصل كذا وكذا وكذا.

وهتلاقي إن الموضوع ده دايمًا بيأثر حتى في اختيارات كتير، مش كلها طبعًا، بمعنى: أروح للي هيتقال «أنا عملت معاه»، مش لحد هو أصلًا جاي جاهز وكويس.

يعني حتى محمد صلاح، اتقال «إحنا اللي عملناله طريقة جديدة ومركز جديد»، وصلاح احترافيًا تعامل مع الوضع بذكاء كبير جدًا، وخرج من كل الحوارات دي كسبان، عكس ما كان البعض متوقع إن يحصل صدام، لو نفتكر الحوارات الأولى.

كابتن حسام وإبراهيم ربنا كرمهم من وسع إنهم اشتغلوا في فترة فيها كأس عالم، 10 منتخبات من إفريقيا بدل 5، وكمان أمم إفريقيا بيروحها 24 منتخب. الدنيا حلوة، بس برضه نقعد نصعّب الدنيا عشان يتقال صعوبات، مع إن في السهل برضه هيتقال إنجاز.

نروح كأس عالم، حلو، ونعمل إنجاز. وحتى لما خسرنا من الأرجنتين، الدنيا اتقلبت، ومصر فرحت، وتكريمات وحوارات، والبلد كلها شالت المنتخب من على الأرض شيل. بس لازم نرجع تاني لنفس الحوارات والتصريحات الغريبة.

وعلى المستوى الشخصي، كلامي دايمًا بيبقى بمنطق. زي ما أشدت كتير بالكابتن حسام والكابتن إبراهيم، زي ما انتقدتهم قبل كأس الأمم وكأس العالم، لأن الموضوع مش شخصي.

في الآخر، اللي اتقال عن محمد الشناوي لا يليق. وعادي جدًا تختار اللي تحبه وتستبعد اللي تحبه، وفي الآخر لما بتكسب أو بتخسر، إنت اللي بتتحاسب. لكن مش لازم نرجع لنفس الفيلم تاني.

وبمناسبة ردود الفعل، واضح من فترة ما قبل التجديد وبعده إن النفوس أصلًا مش صافية في المنظومة كلها، ونزيد كمان الشحن والصراعات الغريبة في البرامج، والجري ورا التريند وصناعته، والبحث عن الخناقات. ده اللي بقى بيجيب.

ودي كارثة هتنفجر في وش الكل.

[Mohamed Fares Taman @mohamedfares07]

عموتة لو عايز مكسب من الماتش ده أهم من النتيجة والـ3 نقاط، فهو إنه يعرف إن فعلًا كان عنده مشكلة كبيرة في قناعاته، وإن الجزء اللي اتغير في القناعات دي هو الشيء الوحيد اللي كسبه النهارده، وإن الأداء مش هيتغير هو كمان إلا لو باقي القناعات دي اتغيرت.

زيزو سجل عشان القناعات اتغيرت واتوظف صح.

حسين الشحات هو نفسه رسالة ليك، واللي أنا كتبته بالحرف: ده لاعب مباريات، هيلعب هيشيلك وقت ما الكل ركبه بتخبط. لو منتظر منه يجري في التدريب زي لاعب عنده 25 سنة، أو رأس ماله العضلات 💪 مش المخ 🧠، يبقى حسبتك غلط.

مينفعش الأهلي يسجل في الدقيقة 16 ويفضل بالشكل ده، وتحت الضغط ده، قلقان من فريق رأس ماله أوت بيلعبه بيبقى علينا كأنه ركلة جزاء، لحد ما نسجل في الدقيقة 93.

عندك مشكلة في الـ5 ماتشات، وبكررها: إن الكرات الثابتة والركنيات مفيش جملة واضحة فيها.

محتاج تشتغل على شكل هجومي جماعي، وأفكار وحلول واضحة، مش محاولات فردية.

محتاج تشتغل على وضع دفاعي يخلي شكلك فريق متماسك، مش مهزوز في كل هجمة.

الحاجات البسيطة والسهلة اللي لما اتعملت كانت سبب انك تكسب وانت فنيا لسه بدري عليك هي سبب ادعى ان الواحد يقول قناعاته بشكل واضح واللي لازم كمان يتغير بشكل أوضح مش انتصاراً لوجهة نظر انما انتصاراً لبديهيات في الكورة

اللي أقدر أقوله بكل قناعة بعد الـ5 ماتشات إن عموتة مقدرش يستفيد من فترة الإعداد.

وعشان كده، نصيحة أمينة لوجه الله: فرصتك اللي بجد إنك تستفيد من فترة التوقف الدولي، وتراجع فيها كل أفكارك. وانت لسه في لحظة تسمح بده لان مع صفارة بداية ماتش الزمالك يوم 11 اكتوبر مش هيكون لسه عندك الرفاهية دي

[KH🅰️LED 🦅🦅 @Khaled_Nabil_72]

أتفق جداّ إننا كأهلاوية معندناش رفاهية الفشل… لكن النجاح في الفترة اللي بنعيشها دي مش مرتبط بالملعب بس.

النجاح مش لاعيبة بس، ولا مدرب، ولا طريقة لعب، ولا حتى صفقات.

الموسم اللي فات أثبت إن قوة النادي لازم تكون داخل الملعب وخارجه. إداريًا، وقانونياّ.

لأنك ممكن تبني فريق أقوى من كل المنافسين، وتشتغل موسم كامل علشان توسع الفارق، وفي الآخر قرارات تحكيمية متعمدة مع حماية علنية للمخطئ تقلص كل اللي عملته، وتخلي المنافس محافظ على فارق يسمح له يفضل في المنافسة لآخر الدوري.

احنا في اسوء موسم لعبناه كنا قريبين بردو من الدوري
#سياسة الحفاظ على فارق النقاط مع الاهلي اللي بيمارسوها الفترة دي واللي كان الاهلي متميز بيها طول السنين اللي فاتت بقت خطيرة و ممكن كمان المساعدة تبقى بعيدة عن ماتشاتك ساعتها هتعمل ايه (ده ملف لازم ياخد اهتمام زي الصفقات و المدرب)

[جمعة القرعاني @AsdAsd991922915]

رهيب بجد

[Peter @PeterMegally]

من المفارقات اللطيفة والغريبة، ان الاهلاوية اللي حاسين بظلم المنظومة لناديهم يدعموا المنتخب، والزملكاوية اللي الدولة حرفيًا بترضعهم ينادوا بمقاطعته!

[Mohamed Fares Taman @mohamedfares07]

حد يقولي ايه ده ؟

[Mohamed Fares Taman @mohamedfares07]

فارس لضهر الأهلي : صدعونا بالتأليف والأكاذيب والأفلام عشان يصوروا إن طلوع حارس من مرماه جر يمة ، إن مبادئ الفيفا عن اللعب للفوز جر يمة

وعشان يبقى في مبرر للكذ بة دي اخترعوا أسباب . قالك أصل الاتحاد الدولي بيمنع إن نادي يحط مكافآت لنادي تاني عشان يكسب ! . طيب هو مين له صلة أو صفة رسمية من الأهلي أصلا ثبت بأي شكل من الأشكال انه اعلن عن مكافأت لنادي زي سيراميكا ! . فنكوش وتأليف بس دي للفرشة اللي تبرر التر هيب

انما دلوقتي لما نادي يقرر يمنح حصته من التذاكر لنادي منافس في مباراة حسم لقب الدوري يبقى ده عادي ومش مخالفة لكل مباديء تكافؤ الفرص

الأهلي واجه سيراميكا في الجولة الأولى من ال ٦ مباريات في الدور التاني ! . محدش ادى الأهلي تذاكر !

رابطة الأندية اعلنت عن تخصيص ٤٠ الف مشجع في المباراة مقسمة بين الناديين. مش من حقك تدي المنافس تذاكرك لانك بتدي له ميزة أو أفضلية عن باقي الأندية اللي ممكن متعملش معاها نفس التصرف ! . مش من حقك انك تدي نادي أفضلية ان عدد الحضور المسموح له يبقى اكتر من الحد الأقصى اللي مسموح لباقي الأندية

اللي بيحصل في الدوري المصري ده واقعة تخالف كل معايير تكافؤ الفرص وكان لازم يكون في تدخل مباشر من اتحاد الكرة والرابطة بإن ده يخالف البنود الخاصة بالسعة الجماهيرية المخصصة بالتساوي بين كل الأندية

انا مش مصدق إن ناس قالت على مجرد إعلان سيراميكا لقائمة المصابين قبل ماتش الأهلي انه كده يبقى سيراميكا هيفوت دلوقتي بيقولوا على قرار تنازل فريق عن حصته من التذاكر للمنافس في ماتش يحدد لقب الدوري دي كده روح رياضية عندهم !!

[Mohamed Fares Taman @mohamedfares07]

الحدوتة الوحيدة اللي بجد بنسمعها هي حدوتة الزمالك اللي بيتحدى الظروف . ولما يكسب يبقى بيصنع المستحيل ولما يخسر يبقى طبيعي أصله كان هيكسب ازاي رغم الظروف دي

معلش هي أيه أصلا الظروف اللي كانت في الملعب بيواجهها الزمالك ؟

فريق بيلعب على ملعبه وسط ٦٠ الف متفرج قدام صاحب المركز ال ١٢ في الدوري الجزائري

أعلى راتب للاعب في اتحاد العاصمة ميجيش ربع راتب عبد الله السعيد في سن ال ٤٠

اللي اتحاد العاصمة صرفه في فترتين انتقالات ميجيش ثمن خوان بيزيرا

ايه علاقة إيقاف القيد لو ١٠٠ قضية مش ١٧ بالمجموعة اللي كانت في الملعب . كده كده مفيش قيد من يناير اللي فات الا في الانتقالات اللي جاية في الصيف فلو وصلوا ١٠٠٠ قضية مش هتفرق في حاحة حاليا

طيب كفريق عواد حارس دولي ، حسام عبد المجيد دولي ، فتوح لاعب دولي ، محمد اسماعيل لاعب دولي ، محمد شحاتة لاعب دولي ، عبدالله السعيد لاعب له تاريخه وخبراته ، ادم كايد وعدي الدباغ لعيبة دولية ، بيزيرا جمهور الزمالك شايفه اعظم محترف في التاريخ ، شيكوبانزا لاعب دولي.

طيب كام لاعب دولي محلي او محترف من لعيبة اتحاد العاصمة ؟

فين المعجزة والكفاح في انك كنت تكسب ده المعجزة انك خسرت اصلا !

كفاية ضحك على الناس وكفاية ترديد نغمة أصل الزمالك بيصنع المستحيل. انتم اللي عايزين الناس تشوفه مستحيل

[أسامة السويسي @swisii]

إهداء بسيط
للصديق العزيز
أحمد الرجوب
بما أنه حدثنا عن البطولات الحلال
يارب الفيديو يعجبك
@ahmedrjoob

[Amany El Akkad @nonia55555]

والله يا ابو الافكار خايفه عليك من الاغتيال او الحسد 🧿👍👏🏻😅

[@hesham54 @hesham549]

فيديو جااااحد 😂😂😂😂😂😂

[Mohamed Fares Taman @mohamedfares07]

بحاول والله أعرف ازاي تكونت وتشكلت عقلية بتعا ير الأهلي بإنه ممكن يلعب كونفدرالية وإنه تالت الدوري

في اللحظة اللي العقلية دي بايعالنا إنها بتعمل معجزة وبتتحدى الغامض والمثير وهتلعب نهائي كونفدرالية

في اللحظة اللي العقلية دي بتدعوا رموز النادي وأساطيره كلهم لحضور نهائي الكونفيدرالية بإعتبار انه الحدث الكروي الأهم قبل كأس العالم ٢٠٢٦

في اللحظة اللي تاريخ النادي كله في أفريقيا أخر ربع قرن صنع على يد بطولتين كونفدرالية

عزيزي الزمالكاوي شكراً بجد عشان أنت شايف إن اللي لا يليق بالأهلي ويقلل من قدره هو أكبر أحلامك وإنجازاتك. أنت مش واخد بالك إنك بتعا يرني بالإستثناء اللي هو قاعدة في حياتك 😎

[Mohamed Fares Taman @mohamedfares07]

يمر ض ولكن لا يموت . صورة الأهلاوي المنكسر لن تتحقق ولو خسرنا 💯 بطولة . في عز ضعفي ثلاثية 🔥

[mohamed salah @SalahAlhayat]

قناعة جمهور الأهلي بأن الدوري هذا الموسم "موجّه" راسخة منذ بداية الموسم، ونتيجة طبيعية لمشهد مكرر لمنظومة لا تخجل من إعادة نفس السيناريو: دعم طرف، ثم البحث عن بديل حين يفشل، فقط لضمان هدف واحد لا يتغير إبعاد الأهلي بأي شكل..
الإعلام الرياضي لم يعد مجرد ناقل للمشهد، بل شريك فيه. انحياز واضح، تضخيم مبالغ فيه، وصناعة بطولات وهمية من انتصارات عادية، مقابل التقليل المستمر من الأهلي والتشكيك في كل شيء يخصه، نفس الأصوات، نفس اللغة، ونفس المحاولات لتوجيه الرأي العام.
والمنافسون؟ يستفيدون من المشهد الذي يصنعونه. لا تفوق كاسح، ولا أداء خارق، بل استغلال مباشر لتراجع الأهلي، مع احتفاء إعلامي يرفعهم لمكانة لا تعكس حقيقة ما يقدمونه في الملعب.
لكن الحقيقة الأقسى التي لا يجب الهروب منها: فريق الأهلي منح الجميع هذه الفرصة، مستوى متراجع، أخطاء إدارية وفنية، وغياب للشخصية في لحظات حاسمة، الأهلي لم يُستهدف فقط، بل تراجع، فتم استغلاله..
ورغم ذلك، كل ما يحدث قابل للانهيار في لحظة واحدة، إذا عاد الأهلي كما نعرفه، وليس كما ظهر طوال الموسم ..
الرسالة الأخيرة واضحة وصريحة: لا أعذار. لاعبو الأهلي أمام اختبار حقيقي للكرامة قبل النقاط، كل سخرية، كل هجوم، كل تقليل، لن يُمحى إلا داخل الملعب، الجمهور قام بدوره كاملًا، والإدارة بدأت تصحيح المسار، والمتبقي الآن: هل أنتم على قدر الاسم الذي تحملونه، أم ستتركون الآخرين يكتبون النهاية؟

[Alaa Mubarak @AlaaMubarak_]

الحمد لله على كل نعمة اعتدنا وجودها فنسينا شكرها ، اللهم لك الحمد على نعمك التي لا تُعد ولا تُحصى 🤲

[mohamed salah @SalahAlhayat]

ستبقى مباراة منتخب مصر أمام نظيره الإسباني واحدة من أفضل مباريات الفراعنة تحت قيادة حسام حسن، الذي لم يكتفِ بدوره كمدير فني، بل كان روحًا نابضة بالحماس على الخطوط، ينقل طاقته وشراسته إلى كل لاعب داخل المستطيل الأخضر.
منذ الدقيقة الأولى، ظهر المنتخب المصري بصورة مختلفة؛ إصرار واضح، ضغط متواصل، وقتال على كل كرة وكأنها الأخيرة، ولم يكن الفارق الكبير في التصنيف عائقًا، بل تحول إلى دافع إضافي أثبت من خلاله اللاعبون أن الروح والعزيمة قد تعوضان أحيانًا فارق الإمكانيات.
التناغم بين اللاعبين كان لافتًا، كل لاعب يعرف دوره جيدًا وينفذه بإتقان، مدفوعًا بثقة مدير فني يؤمن بقدراتهم، الدفاع كان صلبًا ومتماسكًا، والهجوم جريئًا لا يخشى مواجهة أحد أقوى منتخبات العالم في حدود الإمكانيات وفارق المستوى..
ومن الظلم تمامًا مقارنة المنتخبين من حيث المستوى أو الإمكانيات، فالفارق معروف وواضح للجميع، لكن ما قدمه لاعبو مصر يُقاس بالروح والأداء والانضباط التكتيكي، كما أن تراجع الهجوم المصري نسبيًا في الشوط الثاني لا يقلل من قيمة ما تحقق، خصوصا بعد طرد حمدي فتحي، بل يعكس مجهودًا بدنيًا هائلًا أمام منتخب من الصف الأول عالميًا، فرض إيقاعه وحاول السيطرة، ومع ذلك ظل لاعبو مصر متماسكين ومقاتلين حتى اللحظة الأخيرة.
أما حارسنا مصطفى شوبير، فقد تخطى مستوى الإشادة إلى مستوى الإبهار، بتصدياته الحاسمة وثباته الكبير، ليكون أحد أبرز نجوم اللقاء، وعنصر أمان حقيقي منح زملاءه الثقة ووقف سدًا منيعًا أمام محاولات المنافس.
ما قدمه لاعبو مصر في هذه المباراة لم يكن مجرد أداء فني، بل كان درسًا في الانتماء والتفاني، ورسالة واضحة بأن القميص الوطني لا يُرتدى إلا بروح مقاتل ..

[اكرامي الرديني @Ekramy_4]

الأول على العالم و زيرو بطولة ‼️

🔳 الأهلي فنيًا عنده مشكله وإداريًا مشاكل كتير علشان الأهلي مدرسة الإدارة فلما بيحصل مشكلة إدارية تؤثر بشكل مباشر على الفني

🔳 عكس غيرنا اللي غرقان في مشاكل إدارية طول عمره لغاية مبقتش تفرق معاه من كتر العشوائية اللي عنده

اللي لفت نظري الأسبوع اللي فات

▪️ الكل بيصور المنافس ( بطل ) وانه الأول على العالم .. (خسر السوبر أمام الأهلي .. خسر الرابطة .. خرج من الكأس ب 7 ونصف مليون يورو الأكثر صرفًا في إفريقيا ) ( بالتجربة الإدوارية )

▪️ طيب خد الدوري .. لأ لسه في الملعب على الكل طيب خد بطولة إفريقية .. لأ البطولة لسها فيها ثلاث فرق غيره

▪️ طيب مين في الثلاثة (المنافس -بيراميدز - الأهلي ) دول خد بطولة من أول الموسم الأهلي على حساب الأول على العالم في عدد القضايا

▪️ طيب إداريًا الأهلي بيعمل ايه بيصحح الخطأ اللي رغم كل البرامج بتتكلم عن كابتن الخطيب حتى السياسية لكن بيشتغلوا وبيصلحوا للمستقبل

▪️ طيب التانيين إداريًا اخبارهم ايه الحمد لله متفوقين الأول على العالم في عدد القضايا
ووصلوا ل 14 قضية بس - رقم قياسي -

▪️ بس !!
ده الكلام ده قبل ما يخسروا قضية الأرض اللي أتسحبت رسمي بعد تنبلة 23 سنة

▪️ بس !!
لأ .. ده الكلام ده قبل ما يخسر دوري اليد قدام الأهلي يا جماعة مش كدة

▪️ بس !!
ده بعد ما خسر دوري الطائرة اللي الأهلي بيلعبوا بدون محترف وبعدين ..

▪️ بس !!

ده قبل ما يلعبوا الفورة من كام في دوري السيدات ده غير شوية حاجات كده محتاجة أيام كتابة
……………………………………………………..

إنجازات تكتب في دقيقة ونصف ‼️

▪️ طيب يصلحوا كل ده لأ ..
يعملوا جروبات واتس ويقولك زيزو مجبش غير جول في 65 يوم ولا يحسب إفريقيا ولا إصابته اهو جاب جول امبارح في السعودية واسيست

▪️ بس !!
يضربلك في الشناوي علشان بيحبوا شوبير لأ علشان لما يخلصوا من الشناوي هيفضوا -لأبو مصطفى اللي منكد عليهم - وكده يبقى خلص على كابتنك .. ويفضى لشوبير الصغير ويضربوه بشوبير الكبير

▪️ بس !!
لأ بدل ما يشوفوا الكوارث اللي عنده يكلمك على ناديهم في قنواتهم ( دقيقة ونصف ) والباقي عن الأهلي طيب ما اتكلمنا عن إنجازاتك

🔳 صحيح ما هم عندهم حق ما انجازاتهم تخلص في دقيقه ونصف

▪️ بس !!
جروبات الواتس بتاعت الصادق والهجاص والهارب من التجنيد يطلعوا في البرامج على بن شرقي وامام وغيره

▪️طيب عواد فين اللي باع ارضه .. طيب محمد صبحي اللي كان هيفضحهم .. طيب شورت الولا شيكوبانزا .. طيب عبدالله السعيد اللي غاب أربعين .. يوم بلح
…………………….
طيب بيعملوا كل ده ليه !!
علشان مرعوبين من الأهلي وعارفين انه مش بيستسلم ولا هو ولا جمهوره .. في الآخر الشر عمره ما هيكسب

#نص_تويته

الإنجازات تأتي بالعرق ولا تكتب بالمرض

[mohamed salah @SalahAlhayat]

"الخطيب" … النقد لا يبرر الإساءة:
قلتها مرارًا: أنا ضد أي بذاءة أو سوقية أو تجاوز، ورغم كوني شخصًا ناقدًا، وأُفضل دائمًا توجيه النظر إلى السلبيات بهدف تحويلها إلى إيجابيات، والأخطاء بغرض تصحيحها وعلاجها والقضاء عليها، وفضح الفساد لإبعاده واقتلاعه، فإنني لم أستخدم يومًا لفظًا نابيًا أو أسلوبًا سوقيًا، حتى مع من اعتادوا اتخاذ البذاءة لغةً للتعبير.
في شأن الأزمة، أو لنقل الكارثة، التي مر بها النادي الأهلي مؤخرًا، طرحت وجهة نظري بوضوح، وتحدثت عن تداعيات الخروج من دوري أبطال أفريقيا، وعن تراجع مستوى الفريق طوال الموسم، وأشرت، كما أرى، إلى الأخطاء التي أوصلتنا لما نحن فيه، دون أي تطاول على أي فرد داخل المنظومة، أو حتى على الأسماء المتداولة عبر مواقع التواصل، فكيف يكون الحال حين يصل الأمر إلى الكابتن محمود الخطيب؟
هل يستحق أسطورة بحجم الخطيب كل هذا التجاوز، حتى لو اختلف بعضنا مع أسلوب إدارته؟ وهل يليق بجزء من جمهور الأهلي أن يسيء لمن صنع البهجة، وأدخل الفرحة إلى القلوب، وأمتع العيون داخل الملعب، ثم اجتهد إداريًا بعد اعتزاله فساهم في تحقيق حضور قاري وهيمنة محلية؟
ألا يكفي الخطيب ما تعرض له، ولا يزال، من كارهي الاهلي والحاقدين على نجاحاته، وتحويله النادي إلى مؤسسة رياضية عملاقة؟
ما أراه مؤخرًا هو سباق غريب بين البعض في التطاول وطول اللسان، وكأن قلة الأدب أصبحت مقياسًا للشجاعة.بينما الحقيقة أنها لا تُنتج إلا صورة أكثر فقرًا في الأخلاق..
الولاء للأهلي لا يعني أبدًا الإساءة إلى رموزه، وكل من تولّى مسؤولية قيادة النادي عبر تاريخه أخطأ وأصاب، بحكم الضغوط والتنافس والرغبة في إسعاد الجماهير، والخطيب نفسه اعترف بالأخطاء في بيان رسمي، ومن حقك أن تنقده، بل وأن تُشدد في النقد، لكن ليس من حقك أن تنكر العطاء، أو تُحوّل حبك للأهلي إلى معركة من البذاءة..
في النهاية، تذكّر دائمًا: الخلاف في الرأي لا يفسد القيم… ومن لا يملك حُجة يلجأ للصوت العالي، أما من يملك أخلاق الأهلي، فيكفيه أن يتحدث باحترام ..

[KH🅰️LED 🦅🦅 @Khaled_Nabil_72]

#لو_زعلان على ضياع بطولة تبقى غلبان
اما لو زعلك على موسم صفري تبقى طيب

عايز تزعل تعالى اقولك نزعل على ايه

نزعل على تغيير مدربين كل كم شهر
نزعل على صفقات ما كانتش تحلم تدخل بتذكرة
نزعل لما تلاقي كل فريق بيقابلك بيقطعك كورة
نزعل لما تشوف كل من هب و دب في فريقك
نزعل من شكل مدرجاتك اللي ترن فيها الإبرة
نزعل لما تشوف اي حكم بيعمل اللي عايزه فيك
نزعل لما تعرف انك مش عارف تجدد للأغلبية
نزعل على شروط جزائية مكتفاك تاخد قرار صح

نزعل لما تشوف عضو مجلس بيتكلم عن الرئيس
نزعل لما تشوف اعلامك الرسمي بيلمح على ج ج
نزعل لما تبقى فرحان بشوط لعبناه كويس
نزعل لما تلاقي الجميع بيسجل فيك
نزعل لما الطبيعي بالنسبالنا بقى استثناء
نزعل لما تلاقي اخبارك ع السوشيال قبل اعلانها
نزعل لما تجيب صفقاتك بالغالي و تسيبها ببلاش

زعلك لازم يبقى على هوية بتروح
على اوضاع ما كانتش موجودة في تاريخنا .. ولا كنا في يوم نحلم نشوفها

[Peter @PeterMegally]

المسئول عن التعاقد مع ريبيرو و توروب بعده بالشرط الجزائي الغبي الموجود في عقده واتسبب في المنظر اللي ظهرنا بيه في كاس العالم، والخروج من افريقيا مرتين ورا بعض، وخسارة الفلوس اللي كنت هاتكسبها من المشاركة في الانتركونتيننتال والسوبر الافريقي، لازم يتحاكم مش بس يتحاسب.