Olivia
Online
عيد نفاع الرشيدي
@aee_e1
حائل, المملكة العربية السعودية
Joined March 2018
955 Following
2.2K Followers
4.9K Posts
دنيا الفنا تمشي وهي تبرم ابرام
ياليت ماتاخد تعوض بداله
تشن هجمتها على كفر واسلام
هذا مقيم وذاك شدت رحاله
من ذاق لذة شبة العمر مايلام
يشيب والذكرى قديمه اباله
#عيد_نفاع_الرشيدي
يارب عفوك وتيسيرك بكل الامور
يافارج الهم غيرك ماعليه اتكال
عالم نوايا الضمير وماتكن الصدور
ياللي بليل الدجاء تسمع دبيب النمال
لو كل عبداً على رزقٍ عطيته شكور
زدته من الخير والصحه وستر الحوال
لكن بنادم يدور بشغل دنياً تدور
واخره مصيره يحط بوسط قبرٍ هيال
#عيد_نفاع
صح لسانك يافهد ومشكور
يابو مهند وانت راعي المواقيف
والطيبين الله يطيّب نباهم
انت الذرى لاعجعجن العواصيف
مزبان من شح الزمان ووطاهم
#فهد_عايد_العويمري
#عيد_نفاع_الرشيدي
تشرفت بزيارة ابناء العمومة والاصدقاء هذا اليوم المبارك وكل وانتم بخير
صح لسانك ياحمد صالح الرشيدي
وطن ياوطنا تهنيئه باجمل التمجيد
عدد نجم ليلٍ غاب واعداد صبحٍ بان
ملكنا ملكنا كل يوم وجودك عيد
وشوفة ولي العهد ياسيدي سلمان
عسى عيد الاضحى كل عام عليه تعيد
بجاه الكريم اللي فرض خمسة الاركان
#عيد_نفاع_الرشيدي
#عيد_الأضحى_المبارك
سويت لي فنجال وارسلت يمه
يمكن يواصلني على بث الارسال
في خاطري كلمه وحاجه مهمه
اقولها واشوف بالرد وش قال
#عيد_نفاع_الرشيدي
انا لله وانا اليه راجعون بقلوب مؤمنة بقضاء الله وقدره انتقل الى رحمة الله هذا اليوم منصور جريبيع الرويضي نسأل الله العلي العظيم ان يرحمه ويغفر له ويتجاوز عنه ويسكنه فسيح جناته والصلاة عليه غدا الخميس صلاة الظهر بجامع محافظة الغزالة
دنيا لها في غفلة الناس غارات
ياما تفدت في عزيزٍ وغالي
الدائم الله ماذكر حي مامات
الله خلقها للفنا والزوالي
#عيد_نفاع_الرشيدي
يالله اناطالبك من عشرذى الحجه
اخر شهر بالسنه واحلا لياليها
يدعيك عبدك من صدوف الزمن نجه
ياعالمٍ مايبين وغيب خافيها
ياللي عن الماء قدر صم الصفا فجه
روحي من النار يامعبود تنجيها
#عيد_نفاع_الرشيدي
ول ياوردٍ على الشاطي ذبل
مانفعه كثر المياه الجاريه
لو بقى وارتاح في ظل الجبل
ماتصافقه الهبوب الذاريه
اختلف وضعه ماهو مثله قبل
باعتقادي صار عنده طاريه
قام يدبل لي معاذيره دبل
يحسب ان الناس ماهي داريه
صافي له كان مامس الحبل
مانقول ابه الحروف الساريه
#عيد_نفاع_الرشيدي
الاوادم تختلف بالعقول وبالنصيب
مالقيناهم سوى بالمذاهب والمقام
فيهم اللي يجحد الطيب لو سويت طيب
هو يبيك حزام بس انت ماتحطه حزام
ومنهم اللي من ظروفٍ تصيبك يصتصيب
مثل ماتسهر عيونك عيونه ماتنام
ومنهم اللي يفرح اعداك وانت لهم طليب
ماحتمى الميقاف يوم احتمت بين الخصام
#عيد_نفاع_الرشيدي
ياصاحبي في قصتك صرت بحلان
ماودي ارخص قيمتك وانت غالي
خايف علي اتصير بعدين زعلان
تزعل عليه لاقطعت اتصالي
#عيد_نفاع_الرشيدي
الطيب مايصلح على غير راعيه
وخل المقفي عنك يشعب اركابه
اللي يعزك لاتخيب هقاويه
ومن صد عده تحت طوبة ترابه
#عيد_نفاع_الرشيدي
علم اللي جاك ينشد عن احوالي
كل راعي حق معطيه ماجوبه
الردى ماهو لابويه ولا خالي
طيبنا ماضي ماهو بس هالنوبه
لو نعاين بالخطاء بعض الاشكالي
اصبحت كل العلاقات مسحوبه
#عيد_نفاع_الرشيدي
الحمدلله والشكر
على العلوم اللي تسر
جعل الفرح طول العمر
اليوم ذا ماله مثيل
اليوم هذا يوم عيد
احلى خبر جانا سعيد
فرحتنا في عبدالمجيد
مبروك يالحر الأصيل
ضابط وزاهي بدلته
علق بمتنه نجمته
#هاجر_الرشيدي
https://t.co/s6gW2F0Lhe
@KSA_KFSC
خدمةمليك الوطن والدين نوماسي
وبلادنا اللي بغال الروح نفداها
خيراتها اللي علينا مالها قياسي
الله من السوء يحمانا ويحماها
#عيد_نفاع_الرشيدي
دنياك هذي كلها تمشية حال
لو اضحكت لابد فيها انقلابه
وادٍ طلع نبته على غيث هطال
يبست غصونه عقب ماخضر جنابه
مرت عليه سنين ممحل ولا سال
ماتقل غيّم في سماه السحابه
دنياً تزيّن مايجي لبسها اسمال
ياكثر من هو غرته في شبابه
#عيد_نفاع_الرشيدي
من عاش بالحيله توريه الايام
تدور به مثل الرشاء بالمحالي
من زاد عن حده تزل به الاقدام
ويرخص مقامه عقب ماكان غالي
وانا استفدت بتجربه ماهي اوهام
وهبه من المولى عزيز الجلالي
على الوفاء والجود والعز مقدام
طبيعةٍ ماغيرتها الليالي
#عيد_نفاع_الرشيدي
Most Popular Users
Elon Musk 
@elonmusk
240.2M followers
Barack Obama
@barackobama
119.3M followers
Donald J. Trump
@realdonaldtrump
111.6M followers
Cristiano Ronaldo
@cristiano
109M followers
Narendra Modi
@narendramodi
107M followers
Rihanna
@rihanna
97.3M followers
NASA
@nasa
92.1M followers
Justin Bieber
@justinbieber
90.6M followers
KATY PERRY
@katyperry
86.8M followers
Taylor Swift
@taylorswift13
80.6M followers
Lady Gaga
@ladygaga
72.2M followers
Kim Kardashian
@kimkardashian
69.4M followers
YouTube
@youtube
68.6M followers
Virat Kohli
@imvkohli
68.6M followers
Bill Gates
@billgates
63.4M followers
The Ellen Show
@theellenshow
62.5M followers
CNN
@cnn
61.9M followers
Neymar Jr
@neymarjr
61.1M followers
X
@x
60.9M followers
Selena Gomez
@selenagomez
59.9M followers