تبكي عيوني والسهر صار عادة
من كثر ماتبكي نشف كل ماها
مدري رداة الحظ ولا قرده
دايم محاجرها تزود شقها
صار السهر الجفون عيني عبادة
هجوس قلبي عن منامي حدها
ليه أعاتب وأتضايق و أنقهر
وانت قلبك في غيابي مستريح
كنت أشوفك في ملذات العمر
شخص تفداه القصايد و المديح
و إنك واحد بس تكفي عن عشر
وأن غيرك لي خطا وانت الصحيح
جيت لك صادق بدربك مستمر
مندفع لك مهتوي واضح و صريح
ليت قلبي عن هوى قلبك نفر
مارجعت من الهوى ضايقٍ جريح
أعاتب من؟ والدنيا بخطاها ما عليها عتاب
مثل ما جابني درب الزعل، لهناك ودّاني
هناك لوين؟ مدري بس أعرف إن الطريق غياب
غيابٍ كل ما طال الطريق تخف نيراني
فمان الله، واللي بيننا يبقى ليوم حساب
أخاف أسامحك يوم الحساب وأنجرح ثاني
الشوق ما يهدأ علـى غيـر مشتاق
ياللـي غـلاك بداخـل القـلـب باقي
يا طيـر ياللـي بالجناحـين خفـــاق
بلغ سلامي والوفـاء واشـــتياقي
للي خذا مابــين جوفي والأعماق
واللي ملك كـل الشعـور العمـاقي
قله رفيقك مات مابـين الأشـواق
بين البعـاد وبين جمر الفـراقي