Afghan Centric/افغان سینتریک

دپېښې بل اړخ

[Afghan Centric/افغان سینتریک @afghan_centric]

هند په کابل کې خپل سفارت بند کړ

#افغان_سېنټریک

هند چې له یو کال راهیسې یې ګڼ کارکوونکي په کابل کې ددغه هېواد په سفارت کې په کار بوخت وو، وړمه ورځ له هېواده وایستل.
دمحلي کارکوونکو أه شمول دغه سفارت کې ۴۰ کسان میشت وو، اما سفارت رسماً دیپلوماتیکې چارې ندرلودې.
له وړاندې ویل کېږي چې هند له افغان طالبانو سره ژورې اړېکې جوړې کړې او دطالبانو د کورنیو اودفاع چارو وزیران له هند سره ډېر نږدې شوي وو. او ټاکل شوې وه چې په نومبر کې به هند په افغانستان کې قونسلي چارې پیلوي اما یو ناڅاپه سفارت یې هم وتړل شو.
تردې وړاندې پاکستان کورنیو چارو وزیر تور لګولی و، چې هندي استخبارات د طالبانو په مرسته د پاکستاني طالبانو حمایت کوي او له همدې امله د پاکستاني طالبانو تحریک غښتلی شوی او بریدونه یې تر اټکل هم زیات شوي دي.

[Afghan Centric/افغان سینتریک @afghan_centric]

د طالبانو مرموز مېلمه؛
د #پاکستاني_طالبانو پخوانی ویاند #احسان_الله_احسان په کابل کې دی.

نوموړی د اکتوبر په ۱۸ تاریخ د نیمروز ولایت د مرکز اړوند د یوه طالب چارواکي کور کې مېلمه و، چې ددغې ډلې استخباراتو شپه مهال ونیو او کابل ته یې انتقال کړ. لا روښانه نده چې احسان د پاکستان که د ایران له لارې افغانستان ته داخل شوی؟ او ایا هغه طالبانو ته ورغلی که ورلیږل شوی دی.
دوه اوونۍ وړاندې د طالبانو په ویبپاڼه المرصاد چې ددې ډلې د استخباراتو ۵۳ ریاست یې چلووي د احسان الله احسان په نوم یوه لیکنه خپره کړه چې محتوا یې د دداعش ​​او پاکستان په اړیکو راڅرخيده. احسان الله احسان په ۲۰۱۷ کال کې د پاکستان پوځ په وزیرستان کې ونیولو او تر درېو کلونو د اردو په زندان کې و. په ۲۰۲۰م فبروري کې د پاکستان د کورنیو چارو وزیر رسنیو ته ومنله چې احسان له زندانه تښتېدلی دی. د پاکستان پرپوځ منتقدینو ادعا وکړه چې هغه له سره د پاکستاني پوځ او استخباراتو مېلمه و او بیا یې چې خوشي کړ، د تېښتې ډرامه یې جوړه کړه. د ځینو راپورونو له مخې هغه په ترکیه کې میشت و خو ځینې ازاد خبریالان ادعاکوي چې هغه اسلام اباد کې دآی اېس آی په ډاډ کې اوسېده.
@a_siab @RahmanBunairee @bsarwary

[Afghan Centric/افغان سینتریک @afghan_centric]

د افغانستان د سوداګرو بند مالونه او TTP؛
«ترهګري له ډوډۍ سره په تله کې»

#Afgan_Centric
د طالبانو د سوداګرۍ وزیر ته چې تازه د اسلام اباد په دوره بوخت دی، ددغه هېواد د بهرنیو چارو وزیر ویلي، چې د ترهګرۍ پرضد ګډه، جدي او همغږې مبارزه کولای شي د اقتصاد او تجارت ننګونې درکمې کړي.
د پاکستان دولت پلوه رسنۍ وایي ښاغلي جیلاني دا سړه خبره د طالبانو د تجارت وزیر د هغه غوښتنې په ځواب کې کړې چې په کراچۍ بندر کې د بندو سوداګریزو مالونو د خلاصون په تړاو یې کړې وه. له تېرو دریو میاشتو د کراچۍ په بندر کې د افغانستان ۵۰۰۰ لارۍ چې په سوداګریزو مالونو بار دي بې دلیله د پاکستان حکومت درولې دي. افغان سوداګر له دې درکه له سختو نقصانونو سره مخ شول او په افغانستان کې چې ژمی راروان دی عملاً د ځینو توکو قحطي ده.
له پاکستان څخه د لسګونو زره افغانانو د راشړلو څپې سره هم مهاله د طالبانو د وزیر دا سفر له انتقادونو سره مخ شوی دی.
پاکستان ادعا کوي چې ټي ټي پي جنګیالي د طالبانو په لمن کې پټ دي او ددوی له خاورې او امکاناتو په استفادې په پاکستان کې بریدونه کوي.
طالبان دا ډول تورونه ردوي او له امله یې پاکستان د افغان کډوالو راشړلو او تجارتي مالونو یرمته کولو تګلاره پرمخ اخستې ده.
په عامه سطحه د طالبانو او پاکستان پخوانیو ژورو اړیکو او تازه ناندریو د ابهام داسې فضا ایجاد کړې چې نیم خلک دې هرڅه ته د پاکستان د غلطو تګلارو د انجام په نظر ګوري خو ترنیم زیات دا هرڅه د پاکستاني استخباراتو او طالبانو ګډه ډرامه ګڼي.

[Afghan Centric/افغان سینتریک @afghan_centric]

د #پاکستاني_استخباراتو مشر د مقاومت شورا مشرانو سره پټه ناسته کړې

#افغان_سېنټریک
دا ناسته په انقره کې پرون ترسره شوې، خو معلومات په ډاګه کوي چې دا درېیمه ناسته وه. لیدنې جلا جلا هم شوې خو ندیم له رشید دوستم، عطامحمد نور او محقق سره وروستی ځل په یوځایي کتلي. له دې وړاندې د آی اېس ای مشر له صلاح الدین رباني، یونس قانوني او شاکر کارګر سره هم کتلي. ندیم دوه اوونۍ وړاندې له احمد مسعود سره په تاجکستان کې لبدلي وو.
د طالبانو او پاکستان اړیکي ظاهراً له کړکیچ سره مخ ښکاري هېڅوک نشي تایدولای چې دا کړکیچ رښتینی دی که سناریو، خو په یوځل له پاکستانه د افغان کډوالو راشړلو داسې په ډاګه کړه چې که د طالبانو او پاکستان اړیکې یو مخ خرابې ندي خو د څه راکړه - څه واخله پر فشارونو خامخا راڅرخي.
پاکستانيو پلاویو په وروستیو دوه میاشتو کې په عربي متحده اماراتو کې هم د پخواني حکومت له یو شمېر چارواکو سره کتلي چې ټینګار یې د طالبانو پروړاندې د نویو سیاسي متحدینو موندل دي. یوه سرچینه چې نوم یې نه اخیستل کېږي په ډاګه کوي چې پاکستاني چارواکو پخواني ولسمشر حامد کرزي او عبدالله عبدالله ته هم ددوی د بهر میشتو همکارانو په خوله پیغامونه استولي چې د یو نوي ترتیب لپاره چې پر طالبانو د فشار باعث شي، پاکستان تیار دی همکاري وکړي.
سرچینه په ډاګه کوي چې په جمعي توګه پاکستان له ټولو اړخونو مثبت او د حساب وړ ډاډ ندی ترلاسه کړی اما داسې معلومات شته چې پاکستان له وړاندې د پخواني پارلمان د غړو په شمول له یو تعداد افغان شخصیتونو سره دوامداره رابطه لري او ددې ډلې یو تعداد یې له وړاندې په پاکستان کې په پټه توګه دېره دي.

[Afghan Centric/افغان سینتریک @afghan_centric]

د #پاکستان سترې محکې د #ISI په پخواني مشر د ځمکو د غصب او غلا دوسیه ثبت کړې ده

#افغان_سېنټریک
د پاکستان سترې محکمې د قاضیانو یوې ګمارل شوې کمېټې ته امر کړی چې د پاکستان د استخباراتو پخوانی او تقاعد شوی مشر فیض حمید څخه د ځمکو د غصب او غلاو په تور پوښتنې ګروېږنې وکړي. د قاضیانو ددې کمېټې مشري قاضي فائز عیسی کوي.
ددوسیې نور اړخونه لا روښانه ندي خو غوښتنه شوې چې حمید زر تر زره استماعیې ته حاضر کړل شي.
د #فیض_حمید او #جنرال_باجوه ترمینځ د اقتدار په وروستیو کې ناندرۍ لوړې شوې او دلیل یې دا و، چې باجوه هغه د خپل ځای ناستي په توګه د کاندیدانو له ردې وغورځاوه. فیض حمید وروسته د عمران خان په پټ ډول حمایت کولو سره د پاکستان پوځ ته لوی سرخوږی جوړ کړ او حتا چې په پوځي تاسیساتو د وروستیو مظاهره چیانو د هجوم لامل او لارښود هم نومړی په ګوته شوی و.
د پوځ اوسني مشر لومړۍ #عمران_خان په غلاوو تورن او زنداني کړ او په دویم قدم کې د هماغه سیاسي انګېزې په اساس له فیض حمید سره حساب کتاب کوي.
په فیض حمید دا تور هم و، چې د افغان طالبانو په حمایت کې یې د پاکستان اړیکې پټې ونشوای ساتلی او پر قبایلي سیمو یې له #TTP سره شرموونکې معامله وکړه.

[Afghan Centric/افغان سینتریک @afghan_centric]

د کلیزې په ډالۍ کې پټ بم د #اوکراین مهم جنرال وژلی

د اوکراین د وسله والو ځواکونو لوی درستیز والري زالوګني پرون د خپل مرستیال ګینادي چستیاکوف مړینه تایید کړه او ویې ویل چې چستیاکوف د هغه د زوکړې د ورځې په مناسبت د هغه پارسل د چاودنې له امله وژل شوی چې ویل کیږي یو بم پکې و.

هغه په ​​خپل ټیلیګرام چینل کې وویل: "نن په سختو حالاتو کې زما مرستیال او نږدې ملګری ګینادي چستیاکوف د هغه د کلیزې په مناسبت ووژل شو.

دوی ته یو پارسل واستول شو چې چاودیدونکي توکي پکې وو. کله چې یې خلاص کړ، چاودنه وشوه. د اوکراین جنرال یوه کونډه او څلور ماشومان د ماتم لپاره پریښي.

د اوکراين د پوځ مشر په دې پېښه خواشيني څرګنده کړه او د قربانيانو له کورنيو سره يې خواخوږي څرګنده کړه.

تر دې مخکې اوکرايني رسنيو د اوکراين د کورنيو چارو د وزارت له قوله خبر ورکړی و، چې لاسي بم د وظيفوي غفلت له امله وچاودېد، چې په پايله کې يې پوځي چارواکی وژل شوی او د زوی حالت يې نازک دی.

[Afghan Centric/افغان سینتریک @afghan_centric]

#تاجکستان افغان سفارت #طالبانو ته سپاري
#افغان_سېنټریک

دتاجکستان په دوشنبې کې د افغانستان سفارت چې د متحدې جبهې اخري سیاسي سنګر ګڼل کېږي طالبانو ته سپارل کېږي. په یو تازه مکتوب کې د طالبانو د بهرنیو چارو وزارت قاري فیض الله د لومړي سکرتر په حیث ورمعرفي کړی دی.
د سفارت د سپارلو په اړه له وړاندې د تاجکستان دولت او طالبانو ترمینځ پټ جوړجاړی شوی و، او له مخې یې طالبانو ته اجازه ورکړل شوې وه چې په ایران کې د افغانستان د سفارت له بودجې څخه په تاجکستان کې د افغان سفارت لګښتونه اجرا کړي.
لا روښانه نده چې د تاجکستان او طالبانو ترینګلې اړیکې د کوم تعامل په اساس دومره خوږې شوې خو ځینې سرچینې وایي، چې تاجکستان دا کار د ایران او روسیې په غوښتنه کړی او د متحدې جبهې حمایت او دفترداري به مسکو ته انتفالېږي. مسکو میاشت وړاندې متحدې جبهې له مشر احمد مسعود، امرالله صالح او د جبهې له یو تعداد نورو مشرانو سره ناسته کړې وه. څو ورځې وروسته د متحدې جبهې ۱۲ مهم غړي بیا مسکو ته بلل شوي دي.
که څه هم د تاجکستان لپاره داسې فیصلې د مسکو له خوښې پرته سختې دي خو ځینې سرچینې وایي، د تاجکستان او طالبانو د اړیکو په بهبود کې د امریکا پل ښکاري او د تاجکستان رهبري تدریجي د امریکا تر اغېز لاندې کېدونکې ده.

[Afghan Centric/افغان سینتریک @afghan_centric]

#پاکستان نه وتوونکي #افغان_مهاجرین کاروبارونه او جایدادونه نشي پلورلی
#افغان_سېنټریک

ددیر انتظامیې یو نوی ڼوټیس خپور کړی، چې له مخې یې هېڅ کډوال خپل دوکان، جایداد یا کاروبار نشي پلورلی او نه ځایي خلک حق لري له دوی نه خرید وکړي.
په نوټیس کې راغلي چې افغان مهجرین دې د وتلو پروخت د خپلو مالونو، کاروبار او جایدادونو لست ځايي پولیسو ته په لیکلي بڼه وسپاري او د خرڅلاو هڅه دې نه کوي. انتظامیې ګواښ کړی چې که کوم ستنېدونکي کډوال یا ځایي کس د معاملې هڅه وکړه دواړه اړخونه به د دولتي ملکیت د غصب په جرم تورن او محاکمه شي. د خیبر پښتونخوا په دبر کې د افغان کډوالو درې کمپونه وو چې اوس اجباراً خالي کېدونکي دي. په تېرو څلورو لسیزو کې دې کډوالو پریمانه ملکیتونه او کاروبارونه پخپلو خواریو مزدوریو اباد کړي دي.
ویل کېږي دغه نوټیس په ټول پاکستان کې ددولت له خوا جاري شوی دی، خو په ځینو سیمو کې علني شوی ندی.
ځایي سرچینې وایي، چې له اقتصادي بحران سره مخ پاکستان او پوځي پولیسي دستګاوې هڅه کوي د افغان کډوالو په ملکیتونو ډاکې واچوي او له دې لارې ځینې منصبداران نوې پانګې راغونډې کړي.

[Afghan Centric/افغان سینتریک @afghan_centric]

د🇷🇺 روسانو او طالبانو معیوبه رابطه
اوله برخه
#افغان_سېنټریک

په ۲۰۱۶ کال اکتوبر کې ایران او پاکستان په ګډه پر پاکستان ادعا وکړه، چې ترهګر روزي او ددوی په مینځ کې زیاتره د منځنۍ اسیا سخت دریځي دي،‌چې یوه ورځ به د روسانو او ایرانیانو په شمول د منځنۍ اسیا د جمهوریتونو په دروازو کې هم ودرېږي. د پاکستان تجویز د چین په شمول دوی ټولو ته داو، چې ترهګري په سیمه کې د قدرتونو د زبردستۍ وسیله ده،‌ ډېر به هغوی زیان ویني چې په مذهبي ترهګرۍ د پانګونې پرځای هغوی سره طرف واقع کېږي. پاکستان ژمنه وکړه، چې دوی به د طالبانو یو تعداد مشران اماده کړي، چې په ایران کې له روسي او ایراني استخباراتو سره کیني.
اوله ناسته د همدې کال په دسمبر کې په زهدان کې وشوه، د پلاوي په ترکیب کې د طالبانو د ملي بانک اوسنی ریس ملا ګل آغا او ابراهیم صدر هم ورغلل. برنامه دا وه چې پاکستان به طالبان هغوی سره ناستې ته اماده کوي، روسان به د پیسو او وسلو بندوبست کوي او د ایران کار ذ همغږۍ دی. که څه هم تر دې وړاندې د طالبانو له مشر ملا منصور سره ایران د اړیکو یو چینل پرانستی و، خو پاکستان هغه برنامه ځکه خپلو لودیځ متحدینو ته افشا کړه، چې دوی پکې نقش ندرلود.
له لودیځ او په تېره له امریکا سره د اړیکو د وجې ایران او روسانو په پاکستان کامل باور نشو کولای، نو په تدریج سره ایران د هماغه طالب پلاوي په مینځ کې ځانته خپل طالبان خوښ او له پاکستانه بیل کړل چې پاکستان ور پیژندلي وو. دوی ته ایران په ذاهدان کې کورونه، موټر او زیات مالي تسلیحاتي امکانات ورکړل. همدا وخت ایران پلوې طالب ډلې له پاکستان سره اړیکې پرې کړې او په هلمند کې یې د هلمند دشورا په نوم د طالبانو د نوې هستې د جوړلو هلې ځلې پیل کړې. طالبان که څه هم په کامل ډول ونه توانېدل چې خپله رهبري د پاکستان له یرغمل راخلاصه کړي او خپل ترتیب هلمند کې جوړ کړي، اما بیا دغومره شول،‌چې د پاکستان پلوو او ایران پلوو طالبانو ترمینځ د قدرت او تصامیمو پرسر مخالفتونه زیات شول، حتا چې نور له افغانستان څخه ترلاسه کېدونکي عواید په ډېره زیاته اندازه د هلمند د هستې په لاس تنظیمیدل.
په طالبانو کې د ایران نفوذ هغوی ته ډېره ګټه وکړه، تردې چې نن هم د کندهار په هسته کې د ایران نفوذ له ورایه ښکاري، اما روسانو دا رابطه په کامل ډول د ځان په ګټه ونه کاروله. یو دلیل داوه، چې روسانو په طالبانو کې د لومړۍ کچې دوستان استخدام نکړای شول او دویم دلیل داوه، چې ددوی اړیکې د ایران په وساطت تنظیمېدې.
روسانو چې کومو طالبانو ته لاسرسی درلود د غلچکي بریدونو امکانات ورسره وو، خو دطالبانو په رهبرۍ کې د سیاسي تصامیمو د سویې خلک نه وو. ځکه تر پایه روسانو د طالبانو څلورو ګروپونو ته پیسې ورکولې، چې افغانستان کې د بهرنیو ځواکونو په کاروانونو بریدونه وکړي او تر یوې محدودې اندازې یې له روسانو سره د استخباراتي معلوماتو په شریکولو کې هم مرسته کوله.

[Afghan Centric/افغان سینتریک @afghan_centric]

د پښتنو پر کاروبار د قبضې ناکامه پالیسي

ترمیاشت اوړي چې پاکستان په ټولو ښارونو کې د افغانانو په نوم د پښتنو پر کاروبارونو، کورونو او تګ راتګ سخت بندیزونه لګولي دي. په افغانستان کې عام باور دادی چې پاکستان پر افغان طالبانو د فشار په توګه د ګډوالو مسلې ته لاس واچاوه او دلیل یې دادی، چې هغوی د ټي ټي پي د بریدونو په مخنیوي کې همکاري نه کوي، اما اساساً پاکستان د ګډوالو مسله د داسې روایت په توګه راپورته کړه چې یوازې دداخلي مصرف لپاره کارېدلی وای.
د پاکستان پر پوځ تور دی چې د ترهګرو د بریدونو د مهار جوګه ندي او پاکستاني پوځ غوښتل وښيي چې ددې بریدونو حمایت د افغانانو کیمپونه یا هغه افغانان دي جې ناقانونه ورځي، دوی غوښتل د جنګ په میدان کې د پوځ ناکامي د کډوالو په غالمغال پټه کړي.
اوس ددې پالیسۍ نتایج اپوټه راوځي. په شدت سره افغان کاروباریان له پاکستان وځي اما د تورخم په څېر په ډېرو ځایونو کې یې پوځیان په زور او زاریو بیرته پاکستان ته ستنوي.
د کډوالو ځورول او لوټل د هغه پاکستان لپاره چې پوځیان او پولیس یې د نړۍ فاسد ترین ځواک ګڼل کېږي د عاید سرچینه ګرځېدلې او هر پولیس او پوځي د خپل کار په ساحه کې د کډوالو په نوم خلک او کاروباریان لوټي خو بله داسې قوه نشته چې د منصبدارانو او پولیسو د خپلسرۍ مخه ونیسي.
پولیس په ټیټه سطحه او پوځي منصبداران په لوړه سطحه په دې چورتالان ورګډ شوي دي.
له افغان کډوالو غصبیدونکي مادي او مالي امکانات د بیوزله شوي دولت خزانې ته نه ځي بلکې د منصبدارانو او پولیسو جیبونو ته ځي.
که څه هم سټبلشمنټ غواړي له دې ناکامې تګلارې پرشا شي خو د درولو موقع یې له لاسه ورکړې ده.
وروستي راپورونه دادي چې په لاهور، کراچۍ او اسلام اباد کې ځینو پاکستاني پښتنو کاروباریانو ته هم دمکۍ ورکول کېږي، هغوی د ځینو پوځیانو او پولیسو له خوا افغان کډوال قلمداد کېږي او تجارتونه کارخانې یې غصب کېږي.
انتخاباتو ته په نږدې کېدو سره له اقتصادي او امنیتي بحرانونو سره مخ پاکستان ته دا بله لانجه ده چې پخپل لاس یې ځانته پیښه کړه.
د اجتماعي بحران په توګه دا مسله اوږدېدای شي او پاکستان لپاره خورا ناوړه عواقب لرلی شي

[Afghan Centric/افغان سینتریک @afghan_centric]

فلسطینیان افغان طالبانو ته د ترهګرو په نظر ګوري:

په وروستیو دریو ورځو کې د نړۍ په شپږو ملکونو کې فلسطیني لاریونکوونکو چې پر غزه د اسرایلو د بریدونو خلاف راوتلي د هغو کسانو پرضد درېدلي چې د طالبانو له بیرغونو سره د لاریون کووتکو ملاتړ ته وروتلي وو. په یو لاریون کې معترضې مېرمنې د هغوی د موټرو مخې ته ودرېدې چې د طالبانو بیرغونه یې لېږدول، دوی نارې وهلې چې موږ په خپلو لاریونونو کې ترهګر نه پرېږدو.
سره له دې چې د کابل په شمول د افغانستان په ځینو ښارونو کې طالبانو خلک د فلسطین په ملاتړ او د اسرایلو د بریدونو پرضد لاریونونو ته را ویستلي وو او ګڼ شمېر طالبان هم ددې لاریونونو برخه وو، خو د نورې دنیا په مسلمانانو کې طالب ته د خپلو مذهبي خواخوږو په نظر نه کتل کېږي.
طالبان په افغانستان کې ځانونه د افغانستان د استقلال ځواګ ګڼي ددوی په اصطلاح چې ڼړیوالې ټلوالې او په سر کې یې امریکا ته ماته ورکړې، خو دغه شعار یې تر طالبانو ها خوا په درسته دنیا کې ملاتړۍ ندی پیدا کړی. طالبان که څه هم له جګړې راساً واک ته ورسېدل او په افغانستان کې یې د شلو کلونو جمهوریت نسکور کړ، خو لا ندي توانیدلي دنیا وال، اسلامي ملکونه حتا لږ شمېر افغان وګړي قانع کړي چې ددوحې تر تړون ددوی زور په دې بري کې ددوی اصلي قوت و. ددوحې تړون د طالبانو پر اعتبار ډېر غټ زخم دی، چې شاید کله هم ونه رغږېږي.

[Afghan Centric/افغان سینتریک @afghan_centric]

مصریان د غزې په جګړه کې ایسارو فلسطینیانو ته اوبه وروړي.
پر غزه اسرایلو بریښنا او اوبه بندې کړې دي.

[Afghan Centric/افغان سینتریک @afghan_centric]

د #اسرایل_حماس جګړې لپاره #افغانستان کې هم سربازګیري پیل شوې.

#Afghan_centric
په داسې حال کې چې د ایران په ابتکار جوړې شوې فاطمیون ډلې پرون د حماس په ملاتړ د اسرایلو جګړې ته دداخلېدو اعلان وکړ، په افغانستان ځینې ډلو او ګروپونو د طالبانو او ورته سخت دريځه داوطلبانو د راټولولو لپاره په پټو تبلیغاتو لاس پورې کړی، چې د اسرایلو پرضد جګړې ته ودانګي.
یوه منبع چې چې نوم یې محرم ساتل شوی ادعا کوي چې د ایراني استخباراتو یو غړي حتا د طالبانو له استخباراتو په رسمي توګه غوښتنه شوې چې داوطلب جنګیالي فلسطین ته دتګ لپاره ورمعرفي کړي.
معلومات په ډاګه کوي چې داوطلبانو ته پیسې او دتګ په اړه لارښونې د مشخصو صرافیو له لارې کېږي ددغو صرافیو ځینې یې کابل، مزار کویټه او نیمروز کې تشخیص شوې دي.
ځینې سرچینې بیا وایي له پاکستان څخه هم ورسره د جلب و جذب په اړه تماسونه نیول شوي خو لا روښانه نده چې تماسونه انفرادي دي، دا د پاکستان د استخباراتو یا کومې بلې رسمي منبع برنامه ده.
په افغانستان کې د فلسطین په اړه په اکثره محافظه کاره حلقو کې تاوده احساسات دي، چې په تېرو شلو کلونو کې د جمیعت اصلاح، حزب التحریر او طالبانو په څېر مذهبي ډلو ورته پوره تبلیغات وکړل.

[Afghan Centric/افغان سینتریک @afghan_centric]

#قطر وایي، پر دنیا به ګاز بند کړي.

د قطر امیر حمد بن ال ثاني ګواښ کړی، که اسرایل پر غزه بمبارۍ ته دوام ورکړي په ټوله نړۍ به ګاز بند کړو.
دا د عربي هېوادونو له مینځه لومړنۍ هېواد دی، چې د اسرایلو او فلسطین قضیې کې علني موقف اخلي.
ښایي دا کار د قطر لپاره ګران وي ځکه قطر په یوازې سر دداسې اقدام جوګه ندی، اما بل اړخ ته قطر تر دې وړاندې د امریکا په غوښتنه د ایران هغه شپږ ملیارده ډالر بیرته بند کړل چې په افریقا کې کنګل شوي وو او د امریکايي زندانیانو دخلاصون په بدل کې د قطر په وسیله ایران ته سپارل کېدل. پرایران تور دی چې پر اسرایلو د حماس د برید پټ حمایت یې کړی. ایران دا تورونه رد کړي اما له حزب الله او حماس سره د ایران اړیکې له ډېره وخته رسوا دي.