ّ

وانا الطرقي اللي يدري أن مرجعه لـ أرض

[ّ @aha05_]

غنيت لي قافً على الخطّ السريع
ولا انتبهت . . الا وانا في المملكه

[ّ @aha05_]

نسيت يوم أسرق الكلمة من لسانك
عادك "رضيع الهوى" ماصرت متجني

لكن كبرت وكبر حبك وطغيانك
وانا على الحال لا وني ولا وني

حتى بيوت القصيد اللي على شانك
( جْروحك الناطقة ) نيابةً عني

والرغبة اللي تراودني لنسيانك
وثقت فيها .. ولكن خيبة ضني

[ّ @aha05_]

ياروحي راحت الراحه معك من يوم ما قفيت
اسولف لك وانا نايم وافكر بك وانا واعي

تحراك المشاعر وانت في وجهي متى ماجيت
ماتسمع من عتابي غير قولة " مالها داعي " (:

[ّ @aha05_]

سيدي .. ماعاد عندي كثير ولا قليل
هانت النفس العزيزة لجل محبوبها

استبح حرمة غروري جعل عمرك طويل
والجروح الي تجي منك في ماجوبها

إنهـزمت وقلت احبك وهذا أكبر دليل
مايهزم أكابر القوم غير قلوبها

- سعود مبارك

[ّ @aha05_]

ماينفع المشحون دمعٍ يهله
لكن ما في القلب يظهر على العين

بغيت اكن الدمع ثم هل كله
ذكرت ناس داخل القلب غالين

[ّ @aha05_]

خيّاله مرافقني ليا اصبحت ولا امسيت
ولا جيت عند الناس كنّهم يطرّونه

أنا مابعّد هويت مثله ولا حبيت
وليفي عسى جمع الغنادير يفدونه .

خالد بن مدعث .

[ّ @aha05_]

التمني مايحقق هقوة القلب ان تمناّ
بس قلبي مايداني تبعد الهقوات منه .

خالد بن مدعث

[ّ @aha05_]

أحياناً يمرّ على الإنسان أوقات يتمنى أنهُ لا يشعر ويكون مُتجرد من المشاعر والأحاسيس ، وقيل في ذلك :

دوروا لي عين ما تدمع و قلبٍ كنه حيده
يوجعه حظه و هو واقف و معطيه ابتسامه

- خالد بن طفلان

ليت مالي عين تدمع ولا قلبٍ رهيف
ودي إن الزين و الشين بعيني سوا

- محمد السكران

[ّ @aha05_]

جفى الغايبين اللي ليا . . عاهدوا ما جاو
هو اللي يخلي سيرة الحب مكروهه.

[ّ @aha05_]

من فقد طعم السعادة وعاش الاغتراب
وش بقى له غير الآمال شيءٍ يملكه

صامل متجرّع المر وأصناف العذاب
كل درب يودّي الحلم لازم أسلكه

عادي تمر الليالي وهو يتبع سراب
يستلّذ الحالم الحلم حتى يهلكه

[ّ @aha05_]

والله لا اصونك يا سليلة هل الراي
و ارضيك بالحب العفيف المعتق

لحظة زعلك اشوف موتي و منفاي
و ساعة رضاك تجيك الارقاب عتق

وصيتي من قلبي الـ قلب شرواي
حن الكريمه لا تماديت و اتق

وشلون ما احبك و اجيلك من اقصاي
و من مفرعك نور الصباح يتفتق ؟

[ّ @aha05_]

والله أن القلب يالترف الصغيّر
عند من يزهى محبته ووقاره

آدمي من عرفته ما تغيّر
كل يوم فات من دونه خساره

يوم قالو في بني غاده تخيّر
كل ما مريت به تم أختياره

وكل ما اعطيت الرسن قلبي وسيّر
ما لحقته غير قده في دياره

- محمد الشمالي

[ّ @aha05_]

عَفى الله عن كلامٍ في حنايا الصدر ماينقال
تركته للزمن لو هو ثقيل و جمرته حيّه

وعَفى الله عن همومٍ ما تخلي مستريح البال
يعيش أيام عمره في صفا ذهن وصفا نيّه

وعَفى الله هواجيسٍ توقف بي على الإطلال
تعيد الذكريات اللي مع الأيام منسيه

[ّ @aha05_]

عليك اللّٰه وأمان اللّٰه تودعني وداعٍ حار
قبل لا تشرع بقتلي وش المانع تحاضيني

تبسم لي قبل لا نتفارق ان كان لي مقدار
وأخذني في يدي لـ آخر حضن وآخر رمق فيني

ترى ما بيني وبينك سوى خامه وكم أزرار
تغانمها لا تاكلك الحسايف ما تلاقيني

[ّ @aha05_]

يضيع الحب بالإهمال والتجريح والإنكار
ويضعف بالضماير مثل ضعف الوازع الديني

ما دام ان المواصل تم بالأخلاص والإيثار
على درب ما يشبهني لا يطري لك تجافيني

اذا بترحل شف دروب الفراق الراقيه وأختار
لجل ترحل ما تترك جرح واحد بينك وبيني

[ّ @aha05_]

ودعتك إلي قد دعيته بك ، ولكن ! ما استجاب
حتى وداعك من كبر قدرك ، على عيون الملا

ضريبة الحب الحقيقي ، زهرة سنين الشباب
جعل ماراح من العمر للي بقى ، دفعة بلا

ماعاد يغريني وصل ، ولا يخوفني غياب
إن رحت مرواح القطا وإن جيت ماقلنا هلا

[ّ @aha05_]

يا وجودي ولا أدري وش وجودي عليه
واجد مسببات الوجد صح وخطا

يحتوي صدري من الحزن مايحتويه
ودونه الصبر والكتمان ستر وغطا

افرح بـ من تغشاهم بياض الوجيه
وانا وملوّن النيّه ماحن بخلطا

اكره اللي معه وجهين حتى الجنيه
لا لقيته عطيته مستحق العطا

[رفعان العرجاني @Refaan_alarjani]

ذكرى حبيب ومنزل وشوقً قديم
اما اتركوني عندها... ولاّ قفا !

من دون مانبكي ليا هب النسيم
نوقف على الاطلال من باب الوفا

من ليلة البارح وهاجوسي نديم
جفني غفا ساعة وفكري ماغفى

ياللي تفكون الغريم من الغريم
من ياخذ بثار الوصال من الجفا

تزهّد المشتاق في زود النعيم
الجفوة اللي لابيان ولا خفا

ياللي طعونك مثل حبك .. فالصميم
لفتني الذكرى وصوتك مالفى

سافرت عن طيفك وحصّلته مقيم
مثل العسل زوده يضر وهو شفاء

ماقلت افا من خيبة عيال الحريم
وان خاب ظني في رجوعك قلت افا

[رفعان العرجاني @Refaan_alarjani]

اثر الصدر يزهِر ويخضر بعد الجفاف؟
يامرحبا يابكور الوسم عقب الدهر

انتي عوض كل يوم مْن السنين العجاف
اللي ضحى يومً مْن ايامها عن شهر

ان كنت قبلك من اصحاب القلوب النظاف
مازاد قلبي وجودك فيه .. غير الطهر

عن كل من ياخذون الروح فيك اختلاف
لو القهر يذبح الحساد ؟ .. ماتوا قهر

اجملهم النجمة اللي فـ الضحى ماتشاف
وانتي تطلين وتحجبين شمس الظهر

في وجهك الليل الاسود والسيوف الرهاف
وفيه العسل لاتكوّن .. والذهب لا انصهر

والعنق له مطلع .. ولا له نهاية مطاف
يشرف على جنةً يجري تحتَها نهر

يميل غصنك عليّ واحنه من القطاف
كيف اعتذر من ضميري لو قطفت الزهر؟

ماعاد اشوف البشر بعدك ولاعاد اخاف
الا على روحك وروحي لاطاب السهر

قد قلت احبك واكررها رضا واعتراف
ولو قلتها سر .. قالتها عيوني جهر

[ّ @aha05_]

عفاس بن حرباش وخوفه من العمر وفقدان الشغف:

كني بديت آخاف عمر آلثلاثين
خايفً لا آجيه بدون حلم وهوااية

بفقد شعور القادم افضل وبعدين
بفقد آمان آلتجربه والغوايه

وبتغيب عني الوان وابقى بلونين
ويبدأ يناظرني القلق فـ.آلمرايه

وبشوف في عيوني شعور آلمسنين
وآلمنتصف مابعده آلا آلنهاية