احمد علي

-وقفنا عند بابك مالنا مطلوب غير رضاك. ……………. ……………معاصينا كبار وعفوك أكبرمن معاصينا...………………

[احمد علي @ahmadali2912]

-ألا يا الله تقوّم حظي اللي عاجز ما قام
على من بشتكي غيرك ومن بشرح ظروفي له

دعيتك يا مجيب ويا قريب تخف الآلام
تفرجها على اللي زادت الدنيا غرابيله

أبي من نارك النجوى وأسالك جنة الأنعام
بيدك النار والجنة ومن عاداك يا ويله……

[احمد علي @ahmadali2912]

-زعلك ماهو ذنب ندخل به النار
ورضاك ما يفتح لنا باب جنّة …..

[احمد علي @ahmadali2912]

-ليتني عن موتة الغالي فديته
ليت عمري كمل ايامه وزاد

اه يا مرّ الفراق اللي احتسيته
اه ضاقت بي الوسيعه من البلاد

في نهار الحزن همي ارتديته
واظلمت دنياي واعلنت الحداد

يا اله الكون ارحم من خذيته
واسكنه جنات وانهار ومهاد

واجعل الفردوس منزاله وبيته
واكرمه يا الله في يوم التناد….

[احمد علي @ahmadali2912]

-اظلمت يا جدتي من بعدك الدار
والأنس من عُقبك اسدل الاستار

يا جدتي هذي الدنيا اقبال وادبار
خذاك الموت حكمة الله الطيب اختار

موتك علم الصغار الحزن قبل الكبار
الكل يفتقدك الحي الشارع وحتى الجار

23/7/2025

[احمد علي @ahmadali2912]

-ياضايق الخاطر ترا تزين الايام
ويلوح لك برق السعد من غمامه

لا تصير من صكات الايام منضام
مافيه ابد مخلوق عاش بسلامه……

[احمد علي @ahmadali2912]

-يالادمـي لاتجــزع أن ماتـوفقت
حــط القناعــة كنـز ويـاك والياس

يجيك مقسومك مع دورة الوقت
واخفاق بعض الناس توفيق للناس…

[احمد علي @ahmadali2912]

-بعاملك مثل ما اشوفك تعاملني
والشي لا زاد عن حده قلب ضده

خل الغلا والتكبر عنك واسمعني
من طاح من محجر العينين ما ارده…

[احمد علي @ahmadali2912]

-ما عاد أعاين لا يسار ولا يمين
أمشي حذر وأقول يارب النجاه

اما الحضور اللي يسرّ الناظرين
والا الغياب اللي ما يدرا وش وراه…

[احمد علي @ahmadali2912]

- على الله يزّين الوقت وان كان ما زان
مقاسيم ربي ……. كلها عندنا خيره

[احمد علي @ahmadali2912]

-ياشينها لا صرت طيّب على طول
وتظهر رضا نفسك وتخفي زعلها
ٰ
وقلوب بعض الناس تحتاج ديتول
يقتل جراثيم الحسَد ويغسلها……

[احمد علي @ahmadali2912]

اطربي يانفس عيشي وسوي ماتبين
مايزيد العمر مدح العباد وذمها

لاكسبتي طاعه الله وبر الوالدين
خلي وساع الحناجر تموت ب همها…

[احمد علي @ahmadali2912]

-يارب لا منّك طويت السجلات
وآمرت روحي في موادع جسدها

خذها و انا ساجد بأحد الصلوات
و قد تبت توبه صـادقه ما بعدها.....

[احمد علي @ahmadali2912]

-تدري متى تندم على فزعة الطيب
لاشفت مردود الجماله نذاله

مايذكر المعروف غير الاصاحيب
ومايجحد المعروف غير الحثاله....

[احمد علي @ahmadali2912]

-يارب خذني بين أياديك تايب
قدام أجيك علوّ الأمتان مشيول

لوماني العبد المطيع المثايب
ومانيب سيف فوق أعاديك مسلول

لكني اطهر من مزون السحايب
كني من مياه السماوات مغسول

ان جيتني ياليل وش انت جايب
يامرحبا والي يجي منك مقبول

نفسي لها مده لعينة صلايب
من دونها باب الوناسات مقفول.

[احمد علي @ahmadali2912]

ـ عز الله إن الوقت هذا يحير
يا راحت الميت ويا بلشت الحي

لو رحت يم اللي تعزه مسير
قالوا حرام انه مسير يبي شي

وليا قطعت الوصل قالوا تغير
يعني من الثنتين لو صبت مخطي.......

[احمد علي @ahmadali2912]

ـ الناس فأول لقاء ميه على ميه
ومشكلتي اني ما اصيد الناس من بدري

عفوي وأعامل عباد الله بعفويه
واطير فيهم واقلطهم صدر صدري

كم واحداً تحسبه ماشي على النيه
وتلاحظ انك على النيه ولا تدري...

[احمد علي @ahmadali2912]

-أهم حاجة تعيش ونظرتك عليا
لوترخي السمع نص الناس هرّاجة

وإن جاك واحد مسوي فاهم الدنيا
حاول تصير أنت ماتفهم ولاحاجة .......

[احمد علي @ahmadali2912]

ـ لا انقفل بابٍ من الرزق حرّاسه وقوف
فتّحت بيبان الأرزاق من كل اتّجاه.....

[احمد علي @ahmadali2912]

- يالله ترشد نوّ من هو يحارب
في جو أوقاته وفي تيه دنياه

مطلوب يجمل من أية معايب
وأقصى طموحه جنة الله و ارضاه ........