ابو خالد

[ابو خالد @aiideid]

@FirstAvenue_RE موقع استراتيجي من الدرجة الاولى لكن في الصورة مباني متلاصقة ولاتوجد مساحات خضراء مستقلة ومنفصلة عن المباني وتتبعها مواقف عامة للمجمع ، وبالنسبة للمسافات الزمنية للموقع عن المناطق المحيطة فهي قريبة جدا سواء الديوان او السفارات لاتتعدى دقائق قليلة جدا وليست كما ذُكر في التفاصيل

[ابو خالد @aiideid]

@arac433 ينفذون الهندسة على الورق ولا يعرفون واقع الحركة داخل وخارج الحي لذلك لا يتحقق الهدف بل تظهر لنا مشاكل متعددة ومستمرة في الحركة المرورية وبعد زمن يبدؤون بتعديل بعض الاخطاء وكل ذلك هدر للمال مع الأسف

[ابو خالد @aiideid]

@Dr_Alshuwaier عدد السيارات مشكلة كبيرة جدا فمثلاً هل يُعقل ان كل طلبة الجامعات يملكون سيارات خاصة فإذا حسبنا عدد طلاب جامعات الرياض فقط ربما نصل إلى اكثر من ربع مليون طالب وطالبة فكم رحلة مرورية في الصباح والمساء تخترق شوارع العاصمة لطلاب الجامعات فقط لذلك الوضع صعب جدا

[ابو خالد @aiideid]

@Dr_Alshuwaier مشكلتنا الكُبرى في عدد السيارات التي يمتلكها افراد كل اسرة الاب والام والابن والبنت والسائق والعمال العاديين وهذا لا يوجد في العالم إلا عندنا فقط بهذه الكثافة لذلك لن تنفع اية حلول سواء طرق مواقف مدارس جامعات أسواق كل شخص يملك سيارة وهذا غير معقول اطلاقا

[ابو خالد @aiideid]

@Dr_Alshuwaier صحيح وهذه من المشاكل الرئيسيه ، وترا مثل هالوحدات المتعددة في مساحة صغيرة موجودة بكثرة في جنوب شرق اسيا لكن الفرق بدون سيارات تقريبا مع وجود أشجار وطبيعه وحركة مشاة كثيرة ، مشكلتنا في الرياض كحجم يستوجب اقامة ابراج سكنية تتوفر فيها كل المرافق ومواقف تحت الارض وحدائق ومدارس ..الخ

[ابو خالد @aiideid]

@m7md_shaiban والله أنا نفس الشي عندي نفس السؤال ومن سنوات وانا ابغى اعرف وش وظيفة الفلابس الصغير اللي مايوقف ويختلف عن البقية اللي تفتح وتغلق مع بعض ، والان عرفت الاجابة بالرغم من البحث في قوقل بدون فائدة مدة طويلة ، شكرا ياكابتن وشكرا للاخ صاحب السؤال 🇸🇦🌹

[ابو خالد @aiideid]

@ii3snd جودة الحياة منازل مافيه إلا زوجين وطفلين وسيارة وحدة فقط او بدون سيارة بشرط توفر وسائل نقل حديثة ومافيها عمال وفيه ممرات خضراء وبحيرات او نوافير ومن البيت إلى العمل والمدرسة في الباص والقطار وفي اقرب وقت ، وأجواء جميلة بدون حرارة ولا غبار ولا ازعاج بزارين وعمال كل واحد معه سيارة

[ابو خالد @aiideid]

@arac433 أنا رحت نيوزيلندا قبل ١٥ سنه وشفت الطبيعة والاجواء والمنازل والأحياء والله ماودك تركب سيارة او تشوفها ناس تمشي وسياكل وباصات جميلة ونظيفة توديك اي مكان وناس راقية ومتعلمة وشوارع ودك تحط فرشة وتقعد من نظافتها وجودتها وأجواء الناس والمدينة والقرية وجودة الاكل والشرب شي ثاني ورائع

[ابو خالد @aiideid]

@arac433 كلام المهندس صحيح اوربا وامريكا ونيوزيلندا وغيرها البيت او الفله مافيه إلا رجل وزوجته وطفل او رجل بمفرده والسيارة وحده فقط ان وجدت والاجواء جميلة والباصات والقطارات كثيرة ومتنوعة والناس تمشي على طول ولا تبغى تركب سيارة عندنا مستحيل يصير الشي هذا إلا في احياء مغلقة وعدد افراد اقل

[ابو خالد @aiideid]

@Mooh32a فلاشات الكذب اتحدى اكثر اللي يطلعون في التصوير يثبتون انهم اهل فعل تجاه الفقراء والمساكين والايتام والشباب اللي ماعندهم سكن ولا يقدرون يتزوجون وبالذات أقاربهم مانبي حكي وتلميع ومفاطيح وقعدان ومجالس للتصوير ، اهل الخير اللي نعرفهم موجودين ما يطلعون في التصوير إلا نادر وبدون طلب

[ابو خالد @aiideid]

@AlRiyadh والله شي طيب إذا كانت شؤون الأفواج تشارك في مهام مكافحة المخدرات وهذا مانحتاج له في الابلاغ والتجاوب السريع داخل الاحياء السكنية التي نشاهد فيها عدد من مدمني المخدرات الذين يسهرون حتى الصباح جوار الحدائق وفي بعض شوارع الحيّ وايضاً مروجين لهذه السموم ، هل يوجد رقم اتصال مع الشكر ؟

[ابو خالد @aiideid]

@arac433 هذا ممتاز يا مهندس لكن مشكلتنا هي الكثافة السكانية في العاصمة وتفريغ المدن الصغيرة من سكانها لعدم وجود المرافق والجامعات والمعاهد فيها ، وكثرة عدد السيارات بشكل لا يُوصف والبناء المُفرد للوحدات السكنية واختفاء أحياء الأبراج السكنية التي تضم جميع المرافق والمواقف ومحطات النقل

[ابو خالد @aiideid]

@yser117711 بعض الرطب يرشونه بمادة تخلي بعضه يستوي بطريقة غير صحيحة ، المهم ان الايام هذي لا يشتري اي واحد إلا متأكد منه ومن شكله ولا يكون مغلف ماتشوف اسفل الكرتون وعادة الايام هذي مافيه رطب يسوى من يشتريه يكون بشع وغير حلو ، اول ٧ ميلادي يبدأ الرطب الصالح للأكل

[ابو خالد @aiideid]

@mr_abdualaziz1 هذا اللي حاصل فعلا العزاء والزواج صار واحد وسوالف وضحك وهياط وتصوير ونفس الاشخاص تلقاهم في الزواجات لكن في العزاء أكثر لأنه مفتوح وبدون دعوة وطبعا إذا كان المتوفي من نفس الفئة اللي يسوون زواجات الريتز ونياره وغيرها والسنابيين ادفع صاروا بالعشرات وعندهم جوالات اللي يبغاهم يطلعونه

[ابو خالد @aiideid]

@AbdulahAlswail4 جودة الحياة تتحقق في عدة حالات اهمها الجغرافيا والطبيعة والسكان والثقافة والبنية التحتية ، ويطول الحديث عن ذلك وبالذات عندما تكون المدن الرئيسية والأحياء والمنازل مُكدّسة بالبشر والسيارات والحركة طوال الليل والنهار

[ابو خالد @aiideid]

@TvAlmasirah الذي نعرفه وشاهدناها مباشرة في ٨ ديسمبر ٢٠٢٤ م هو فرار الحرس الثوري وميليشيات العراق وحزب الشيطان مثل الفئران أذلاء مهزومين ومرعوبين بشكل لا يُصدقه أحد ومن شدة خوف الإيرانيين من ثوار سوريا هربوا إلى القاعدة الروسية وليس للحدود العراقية فهم اجبن وأكذب البشر وقتل الصهاينة كل قادتهم

[ابو خالد @aiideid]

@ali__alamri ياجماعة والله مافهمنا شي ، كأني سمعت آخر شي يقول تأخذ آيفون بدون ربح وبدون زيادة ، هل القصة شراء اي فون بالتقسيط او فيه شي ثاني !!!

[ابو خالد @aiideid]

@hindz5544 هذي والله كانت موجوده عندنا قبل ٤٠ سنه في منطقة الرياض والحين تغير كل شي وماعاد فيه زي اول يحملون الونيت أرزاق ، اذكر واحد الله يرحمه معه ونيت غمارتين واذا جاب زوجته وعياله يزورن أقاربهم عبى الونيت من كل شي ، وهو من ديرة ثانية ومايقرب لأهل زوجته وأموره مستوره لكن الطيب موجود

[ابو خالد @aiideid]

@Abu_ali9090 صراحة البلديات وخاصة خارج الرياض ما نشوف إلا اسمها ، تطلع اي مكان برا الرياض وفي مختلف الاتجاهات وتشوف اكياس المخلفات والقمايم على جوانب الطرق ، واذكر جهة مطار الملك خالد باتجاه خزام كانت الزبايل مشوهة الطريق واكتشفنا ان الطريق مسؤولية وزارة النقل والظاهر البلديات تخلت عن عملها

[ابو خالد @aiideid]

@AboMusab1996 ادخل قوقل وتشوف كل شي واضح

[ابو خالد @aiideid]

@AboMusab1996 الأتراك والسوريين لاعبه فيهم الحلويات والفطاير والسمّ الأبيض وهي انواع المعجنات والمخبوزات البيضاء ، لذلك امراض الضغط والسكر والقلب والسكتات تجدها منتشرة عندهم بكثرة