ّ

متذوقّ للشعر وليس شاعر .

[ّ @ajmi67a]

تبسّم نعنبو من لامني في ضحكتك ورضاك
تبسّم وأخذني من عالمي إلى عالمٍ ثاني

تبسّم لي فداك اللي مضى واللي بقى يفداك
ترى لولا غلاك وضحكتك ما بعت خلّاني

ولا جيت أتدارك ما بقى من فرحتي وألقاك
وأبيع العمر كله لا أبتسّم ثغرك على شاني . .

- ضيدان بن قضعان .

[ّ @ajmi67a]

سمح خاطر ماهو على أدناة شي يعيف
وليا عاف — لا يمكن يعود على خبرك.

[ّ @ajmi67a]

وجهك لا زال يمرني في كل حين
معه المشاعر , والجوارح ساكره

انا اشكر طيوفك , ليا زاد الحنين
بس الوداع المر ماني شاكره !

على العموم بخير انا والوضع زين
ما عندي الا بيت لـ اجلك حاكره

انا فقدتك , وانتهينا , من سنين
واللي بقى لي صورتك فـ الذاكره !

[ّ @ajmi67a]

يكفيني أغيب وخاطري ماجاك منه قصور
و يكفيك اتذكر كل ليلة لهفة عناقي

تذكر يوم أعذرك وانت لا صادق ولا معذور
ادور لك عذر وأصدقه واكذب أحداقي

تذكر يوم جيت من الحزن متضايق ومكسور
فرشتلك الضلوع وقلت لك ياسيد عشاقي .

[ّ @ajmi67a]

البعد عن بعض العرب طب وعلاج
حتّى لو إنّك بـ الحياة اجتماعي .

[ّ @ajmi67a]

عسى الله يذكر ايام مضت من عمرنا بالخير
قبل لا ندري ان الوقت ما يبقى على حالهه .

[ّ @ajmi67a]

عينٍ ما يغريها — كل براق
وإذنٍ مو كل حكيٍ ترتخي له

[ّ @ajmi67a]

«غير ماني بـ سالم من عيون المليحة
لو ثغرها يردد .. رافقتك السلامة»
— جمال بندر

[ّ @ajmi67a]

غديت أودّع المقفي ولا أحب أسمع التبرير
أشوف أن التفاصيل الكثيره .. مالها داعي .

[ّ @ajmi67a]

- العجمي قال في أحد قصائده /

لا شفت خبلٍ يدبل الكبد بحكاه
صدّيت عنه وقلت أنا أبخص بروحي"

هذا في باب ماجاء بأعتزال ما يؤذيك يا إنسان
مو كل الحكي يستحق الإنصات إليه

-اعتزل وعساك تسلم-

[ّ @ajmi67a]

واحدٍ يخشى المهونه ، ويرتاب الحرام
آخر همومه من الناس كسب إعجابها

[ّ @ajmi67a]

تسير الحياه الفانيه بين نضج وطيش
وانا الهادي اللي يشحنه نايح القُمري

أشوف البشر غالب تفاصيلها تغبيش
انا المختلف ؟ ولا البشر وضعها مُزري ؟

ياليت المَعرْفه قبلها نقطه وتفتيش
على شان أميّز طعمها المُر من بدري

عزمت أبتعد عن كلّ شيء وقدرت أعيش
معا عزلتي لو مابها ، واقعٍ مُغري

[ّ @ajmi67a]

- « يأسرني الغلا المفرط بالقصيد »

مثل اللي قال /
أغليك جداً - عسى اللّٰه لا يبينَ غلاك
يا واحدٍ لو طلب عُمري مايغلى عليه

[ّ @ajmi67a]

صار حبك مثل الأيام من عمر السجين
تنحسب له في حياته وهو ما عاشها

[ّ @ajmi67a]

أنت أبرك الحزات وأبرك مالقيت
وأنت أبرك الغالين وأبرك من يجي.

[ّ @ajmi67a]

منطوقها مايقول الا الكلام الجميل
و لو خانها لسانها ..صح الله لسانها

- ضيدان بن قضعان

[ّ @ajmi67a]

يا صوته اللي لا سـمـعـتـه تداويت
لولا ضلوعي راح قلبي مع الصوت .

[ّ @ajmi67a]

يا خيك لا تنشد عن الضيقه وخطرنا وساع
رح وانشد الي ما لقى من الضيق فجً يسلكه

ما دام ربي قد وهبنا السمعه وطول الذراع
اما ملكنا المال .. ولا جعلنا ما نملكه

ظنك ب حول فالوطى ؟ والله جعلني فالرفاع
الله يبارك فيك ظن السوء ، ما فيه ابركه

اجروحي الي فالحشا تعطي دليل اني شجاع
ما كنّها الا جروح فارس ظاهرً من معركه

[ّ @ajmi67a]

لا يهمّك جور الأيام " يالصدر الرحوب "
خلها تمضي مثل ما على غيرك مضت .

[ّ @ajmi67a]

غيابك طال لا مستحيل إنه يكون أقدار
أعرفك لو تغيب أحيان تاخذ يوم و تجيني

يوم أبطت بك الغيبة ويوم أنقطعت الأخبار
ويوم أيّست بالمرة عرفت إنك مخليني

غريبه ؟ ليه ما ودعتني لو الوداع إمرار
غريبه ؟ ليه رحت بصمت ما ودك تعزيني

غريبه ؟ جيت تتأسف ورحت تكمل المشوار
أحسب إنك من اللهفة على الغيبة تواسيني

علامك يا رقيق الطبع متغير وش اللي صار
عسى ما شر تبعدني من أول ليه تدنيني

تبلدت بأحساسك نكرت إن الزمن دوّار
ما خفت إن الزمن بكره يلينك و يقسيني ؟

ما كل أيامك توافق هوَاك و تقبل التكرار
بتمرك أيام وإذكرها بتحزنك وتسليني

دخيلك لا تشفي في غرامك كنك تطلب ثار
أنا أحبك ، وأحنك ، وأنت مهما صار تعنيني

عشان العيش و الملح و عشان إن الليالي قصار
و عشان اللي مضى و اللي بقى ما أبيك تشقيني

عليك اللّٰه وأمان اللّٰه تودّعني وداع حار
قبل لا تشرع بقتلي وش المانع تحاضيني ؟

تبسم لي قبل لا نفترق إن كان لي مقدار
وخذني في يدي لآخر حضن و آخر رمق فيني

أعرف إنك معزم بالجفا من كثرة الأعذار
تبي أنسى ! ولكن الليالي ما تنسيني

يسمّح دربك اللّٰه لا تحاتي من وراي أسرار
وعد ما أبوحها حتى لنفسي لا توصيني