خالد

[خالد @ajmi__5]

مرحبا ماهي بـ مره ولا مرتين
مرحبا لين ما يبقى ولا مرحبا

[مجرد قصيد @mub_898]

الوقت وصدوف الليال السريعه
مصيرها تكشف قناع المقنّع

وتبين اللي طيب راسه طبيعه
وتبين اللي طيب راسه تصنّع .

[جزل @1Jazil]

كل ما ظنيت بي ظن يرقى بك سنود
" وانت ظني فيك قدام وتعـوّد ورى "

[‏نواف بن سعد @ii__n_i]

مرحبا يـ " المرام " اللي مرامه بعيد
كثرَ حُبي لـ شوفك " مرحبا "بك دبل

كل يـومً "يجيبك " يـوم عيداً سعيد
كنّ شوفك يزحزح عن ضلوعي جبل

لو تظيق " الدروب " ولو تقل وتَزيد
اصغر ادروبك اكبر من وساع السبل

كل ماذعذع النسناس عنّك مـ احيد
مايبور ابمشاعـر " قلبه " الا الـخبل

لو تمـر ( الفيافي ) والديـار الحصيد
تزدهـر كـل ديـره " قحـويان " وربل

الاكيد اني الحين اعشقك والاكيد !!
انه اكثر من اللي( أمس واللي قبل )

[نجد @sr__59]

تباهى على غيرك بحشمه وزين قبـال
وعينٍ تصيب المبتلي فيك وتتلّه

من يلوم فيك الذايقه كل ماتختال
لك من القصيد أطلال ومن القمر طلّه

يحبك من قلوب الأوادم كريم خصال
يدوّرك وإن ما جيت ما دوّر الزلّـه ❣️

[مجرّد شعر @MjrrdSh3r]

وتراك الفارق اللي مايجي مثلك ولا شرواك
انا ويّاك عشت اغلى سنين العمر واجملها ❤️

[خالد @ajmi__5]

صباح الخير، أمّا بعد :

انت مثل الصباح اللي شروقه يبشر
بالرضى والتسامح والهدو والسكينه .

[ِ @ajm1ii_]

«أنت حاكم خافقي وأنت المفوّض
لو غدت كبدك على وصلي غليظه

أنت فرصة فالعمر ما هي تعوّض
في حياة اللي عسى ربّي يعيضه»
— صالح النشيرا

[خالد @ajmi__5]

ويلي على اللي غطاها الستر والعفّه
ما غير من بيت ابوها لبيت جدّتها

من دونها الشايب اللي هي في ضفّه
والديره اللي غذتها ؟ مااا تعدّتها

لو تستر الخشم والحجان والشفّه
البرقع احيان يفضح نوض خدّتها

انا اللي ما تنوخذ بندَقْه من كفّه
جتني هنوفً ، تقيّدني قلادتها

[خالد @ajmi__5]

ماعاد به ما يشد النفس و يهيضها
والنفس صلفه وانا تاركها على فالها

[خالد @ajmi__5]

تضيق بوجهي الدنيا و الاقي في رحابك باب
و احسك مثل شيٍ كان ينقصني . . و كملته

اجي صوبك و انا لوجهك يسابق وجهي الترحاب
و اشوفك مثل نجمٍ فالسما كم لي تخايلته

حبيبي و المدى حاِلك و انا في غيبتك مرتاب
ولا غيرك هوى قلبي ، و من قلبي أنا نلته

[معكاز | شعر @M3kkaz]

حتى لو انك عارف الرد وشلون
قادر ومرهي من جميع النواحي

لاتخسر الصاحي على شان مجنون
تجاهل المجنون لعيون صاحي

[خالد @ajmi__5]

طبيعة الدنيا مصافح وتوديع 
لاتتعب احساسك ورا شي تشقى 

اللي تخاف انّه يبي يضيع ، بيضيع
واللي تمنيت انّه يروح يبقى .

[خالد @ajmi__5]

دوّر طريق السعه ترتاح ماتستضيق
خلك على كيفك وخلق الله بكيفها

[خالد @ajmi__5]

يارب .. فـ الدنيا "ملذّات" واجد :
والنفس لاحقها مع الوقت تقصير 
ٰ
قد قلت كل اللي أبي منك : ساجد
يارب .. كل اللي أقوله لك : يصير .

[خالد @ajmi__5]

القلوب الصافية ما يكدرها الغبار
لو يثور العج بالجو تبقى صافية

[خالد @ajmi__5]

ان سرك الوقت ، ياجعله على القوه
وان ضرّك الوقت " دوّرني وتلقاني " .

[خالد @ajmi__5]

ماطرحني حب عذرى ولا حيلة نصوف
واصبحت لبيه ماعاد تفرق عن هلا

غير للي عودتني على كسر الشفوف
وارغمتني بالمحبة وتجديد الولا

اطهر من المحرم اللي على الكعبة يطوف
واصدق من الموت واذير من ريوم الفلا

[خالد @ajmi__5]

يا ودي أخشه من الناس في عيني
وأستفرد بطلته وبلذة وصوفه

أستقبله كنه .. أول مرة يجيني
وأودعه كني .. آخر مرة أشوفه

[قروب شعر @Group_she3er]

أصد ويحسبون الصّد نوع من الغرور
وأنا أخاف أجي جيّة غريب ما تثمن جيّته