A M J :)

[A M J :) @ajmiau]

صار اكثر حكانا مشاريه وعتآب
وصار التواصل بس لا صار فاقه

وصار الزعل من بيننا ماله اسباب
و على الرضا ما عاد للقلب طاقه

وقلّت سوالفنا عقب ذاك الاسهاب
و راح التودد و اصطناع اللباقه

طاحت مناعة حبنا والغلا شاب
وهذي مواري قرب موت العلاقه

[A M J :) @ajmiau]

مشتاق لمواصله وضحكه وحكيه
ما تستصاغ السوالف لين يحكيها

ومحتاج له حاجه المخنوق للبكيه
اللي مايرتاح صدره لين يبكيهاا

[A M J :) @ajmiau]

وانا عيديتي في صوت شخصً معين
الحبيب اللبيب اللي وساعً عيونه

اطرقً في نهار العيد يوم يتزين
ودك تعايده وتعايد اللي يجونه

- علي الدعيه

[A M J :) @ajmiau]

ما حسدت المطر على مكان النزول
لين بلّل جدايلها وهي ضاحكه

جعل غيمٍ يفرّح خاطرك ما يزول
وجعل كل الليالي فيك متباركه

[A M J :) @ajmiau]

يا زين الحظوظ اللي رمتني على مرماك
عنودٍ تقود الصيد واليوم منصاده

لا تستغرب اللهفة على ضحكتك ورضاك
رضاك السحاب وضحكتك صوت رعاده

تماديت في قلبٍ جبره الحنين و جاك
و معجبني إنه فيك مسلوب الارادة

تمادى علي أكثر مادام الغلا ولاّك
لك القلب منقاد و لك النفس منقادة

أحبك قبل لا أختار في وصلك وفرقاك
ولا فيه احد يختار موته وميلاده

[A M J :) @ajmiau]

إسلم يا أحلى وأغلى الناس وأجملها
سولف يا صوتٍ يموتني ويحييني

عطني علومك وطوّلها وفصّلها
وترحبّ إذني وقلبي وإيدي وعيني

لبّيه .. يا همسةٍ يوم أتثاقلها
أحس كنّها تبعدني وتنفيني

وأبعد عن الأرض وأبعد عن مشاكلها
وصوتك عن النّاس والدنيا يكفيني :)

[A M J :) @ajmiau]

صباحك هوى قلب ٍ يعاني من التقصير
من اصدق شعور الحب ماهوب متسلي

اشوف الصباح اللي يجيبك صباح الخير
وصباح ٍبدونك والله انه .. ماهوب اللي

[A M J :) @ajmiau]

ياصدري عليك الله وأمانه من اللي فيك
لو أبطت مع راعيك ما نزلت قدره
ِ
لا أوصيك في سري ياصدري ترا راعيك
مايبغي العرب تدري وش اللي ورا صدره

[A M J :) @ajmiau]

صباح الخير يالي دايم بوجهك اشوف الخير
جعل وجهك بعد بعض الوجيه الي ما ادانيها

[A M J :) @ajmiau]

كل مازاد المطر ، والقاع تقبل صبّه
قلت ياربي وانا عبدك و لاتخليني

احفظ اللي ، والله ان اموت وانا احبه
واغفر ذنوبي وخله لي ولا تشقيني .

[A M J :) @ajmiau]

الليله الجو بارد والمشاعر تفوح
مدري وش اللي جمع الاثنين برد ودفا

وين انت ياللي غرامك فيه للروح روح
الشوق بيني وبينك واهجه ما طفا

علي الدعيه "

[A M J :) @ajmiau]

كن ربي خالقك من فلك ما هوب طين
الجمال اللي اشوفه ماشفته في بشر

فيك من نجم الثريا ونجم الفرقدين
وفيك من نور اول الصبح لامنه انتشر

لو يناظر فيك عالم فلك خبرة سنين
اعلن ان الارض فيها بدر خمسة عشر

[A M J :) @ajmiau]

إن العيون اللتي في طرفها حورا
ودت عيال الحمايل في خبر كانا

يا أعدل الناس الا في مُعاملتي
ماهوب حق تولعنا وتنسانا

لا تحسب ان المجد تمر أنت آكله
لن تبلغ المجد لين يجيك ما جانا

فـان رأيـت نـيـوب الليث بارزةً
وحدتـك الأيـام دورنا وتلقاناا

[A M J :) @ajmiau]

تدلعي بالزين يا عيون الغزال
منتي بحاجة مدح ولا معلقه

أنتي وصوفك غير ولا من خيال
تغرين قافي كل ما جيت أطرقه

أنتي ملاك الزين يا تاج الجمال
أنتي مثل شمس الصباح المشرقه

لبى الحلا لبى الدلع لبى الدلال
يا زين حرف أسمك ومحلا منطقه :)

[A M J :) @ajmiau]

ابو خدودٍ كنها ورد فيضه
اليا فتق زملوقها وازهر الروض

ومعنقٍ تحته أثنينٍ غضيضه
كنه مقرص روس الأثنين باعوض

وجسمٍ تعازيله فياضٍ مريضه
من صك خلخاله إلى مفصل الحوض

قولوا لها مرباع قلبي وقيضه
أني بخيت بمعرفتها ومحظوظ

والوصل للعشاق مثل الفريضه
والصد والهجران ماهوب مفروض

[A M J :) @ajmiau]

يا ام العيون الوساع اليا تبينتي
تمهلي في مسارك لا تعجليني

خلي مسارك شوي شوي لاهنتي
وردي علي السلام اليا قربتيني

وان كان يمي بعين اللطف عاينتي
عزلله اني من الناس الحظيظيني

من عقب يابنت في قلبي تمكنتي
يالله بسكناك في قلبي يهنييني

[A M J :) @ajmiau]

كيف أقول إنّك ربيع القلب وإنّك
أكثر العالم " طُهر روح " و رحابه

جابك الله . . في زحام العمر كنّك
دعوة أمٍ ، وافقت وقت إستجابه

[A M J :) @ajmiau]

وأنتي ياملفى الشعر والملح والقبله
أعاتب الحور ولا المبسم الصافي

آمال ليلى و قيس و عنتر و عبله
راحت مثل ريش طيرٍ في طرف سافي

مادام ما فيه لا مشلح ولا دبله
سمحت واللي مضى من طيشنا كافي

نحرك ساحة حرم وشفاهك القبله
لكني آثرت دين اباي ، واسلافي

[A M J :) @ajmiau]

طلّة عيونك صباح بـ كل طلة صباح
لو أن رمشك كسول ونظرتك ذابله

يافتنة الغيم وأنسام الغلا والرياح
صباحً ماهو صباحك ، مالله بـ قابله

[A M J :) @ajmiau]

راعي الهوى لو تقـول . . الناس يا كبره
يصغر و يشفق على الميقاف و البوسه