ياناشدن عني وانا اقول مشغول
من دورة الايام مشغول بالي
شفت الذي يوجع ولا ودي اقول
الصمت في بعض المواقف مثالي
لصار مالك بالأمر قوة وحول
اصبر على بلواك ، والله والي
الله ولي بييده القصر والطول
مالي سو المعبود رب الجلالي
قديم الشعور اللي ظما من وفاي وشرْب
بقى ما بقى والليلة أولآ بـ ساريها
عليك الملام إلين أشوف السنا من غرب
كثر ما هقيت بْـ هقوةٍ منت راعيها
أثر ما بقى لي بعدك ألا سراب ودرب
تعيش الفقارى ما لها ألا أمانيها
أنا آخر ليال السلم وأول ليال الحرب
أنا الليلة اللي ضحكتك ماهي بْـ فيها
أستاذنك بسافر أيام واجيك
وان طالت ايام السفر لا تحاتي
حتى ولو طولت ماني مخليك
ياللي بدونك ويش تسوا حياتي
تامر على حاجه بودعك واليك
عسى عوض الأيام فالمقبلاتي
حتى يدي ماودها تفارق يديك
ساكت وانا اشوف البلا في سكاتي
ماشفتني لا رحت منك التفت فيك
بلاي والله روحتي والتفاتي
انا والظروف الي سطى ظلمها بالذات
مثل سنة الاحواز والحكم الايراني
اسلي ضميري بالمناهيج والسجات
واردد لابد تزين كان الله احياني
لولا قو عزمي قد تعشاني الشمات
ولولا هيبتي ما يخدم حضوري لساني
ياصبري على الحاضر وقوي على الي فات
وياكبري بعين اصحابي و عين عدواني